حوار صحفي مع الكاتبة كلارا زاهي

 الاسم: كلارا زاهى كرم

السن: 16 سنة

المحافظة:القاهرة 

 

الموهبة: كتابة.

بدأتِ امتى؟ السنة اللى فاتت بدأت اسكريبتات ومقالات والفترة دى خواطر.

اكتشفتِها ازي؟ كنت بكتب اسكريبتات ومقالات حياتية وابتديت اكتب خواطر قصيرة ف حبيت المجال ودخلته.

نوع الكتابة: اسكريبتات، روايات،خواطر،مقالات.

مين دعمكِ؟ أسرتى وأصدقائى كلهم.

إنجازاتك و الكتب الي اشتركتي فيها: كتبت رواية بعنوان"مصدر الشر" بس عامية وبدون نشر واشتركت فى كتاب " بحر رسائل" وهينزل فى شهر ١ إن شاء الله.

اشتغلتي ليدر او مؤسسة قبل كده و في كيان ايه؟ لا لسة محتاجة اكتسب خبرات اكتر.

الكيانات الي كنتي فيها: كيان ألماس ومازلت فيه من اجمل الكيانات.

نفسك توصلي لأي في مجالك:أوصل لمكانة كبيرة وكتاباتى تبقى هادفة اكتر واكتر وتوصل لناس كتير.

تعرضتِ لحاجة احبطتك قبل كدَ في مجالك: أوقات كتير بتعرض للكسل وعدم القدرة على الكتابة بس برجع أقوم وأرجع أكتب لأن الحلم يستاهل التعب .

رسالة تحبي تقوليها لغيرك: متخليش للإستسلام والكسل مكان فى قلبك ولا تستمع لحديث الأخرين إجتهد لحلمك وثق فى ربك وقدراتك وأنك مميز وهتقدر توصل

حوار صحفي مع الكاتبة نادية حمدي

 الاسم: نادية حمدي رمضان "نچمة". 

السن: 19 سنة. 

المحافظة: القاهرة. 

الموهبة: الكتابة. 

بدأتِ امتى؟ 30/11/2019

اكتشفتِها ازي؟ كتبت أول حاجة كانت رواية وعجبت ناس كتير حواليا وبدأت أكتب في كذا لون وكذا حاجة لحد ما الكل اجمع إني بعرف أكتب حتي بنوته كاتبه عرفتها وعجبتها كتباتي. 

نوع الكتابة: خواطر، نثر، شعر عامي بسيط، روايات، اسكريبتات، ارتجالات. 

مين دعمكِ؟ ماما، اختي، اتنين صحابي، خالتي. 

إنجازاتك و الكتب الي اشتركتي فيها: (كِتاب جروح مُباحه "خواطر مجمعة"، كِتاب بين أضلُعي "قصص مجمعة"، الأنفاس الأخيرة "خواطر مجمعة") نزلو معرض2021

اشتركت في مسابقة مبادرة حلم الشباب وكسبتها واشتركت في كِتاب الأنفاس الأخيرة. 

اشتركت في كِتاب إلكتروني مجمع "بداية حرف".كتبت اسكريبتات والحمدلله نجحت، داخله حاليا في مسابقة لرواية فصحي، نزل اسكريبت ليا علي الانستا جاب فوق ال5000 وعلي الفيس جاب 1000 وكمان نزل بفيديو علي اليوتيوب، ليدر في كيان مزيج. 

اشتغلتي ليدر او مؤسسة قبل كده و في كيان ايه؟ اه ليدر في كيان مَزيج. 

الكيانات الي كنتي فيها: كيان مَزيج. 

نفسك توصلي لأي في مجالك: نفسي ابقي متميزة في الوسط وكِتباتي توصل لكل شخص مهما كان سنه او اهتماماته، أعمل رواية خاصة بيا واي حد يستفاد منها ومن اي حاجة بكتبها وتغير تفكير شخص من غلط لصح... أكون متميزة في كتباتي ولو حد قرأ ليا حاجة واسمي مش موجود عليها يعرفو إن دِ من كتباتي. 

تعرضتِ لحاجة احبطتك قبل كدَ في مجالك: اه كتير ومن أقرب الناس ليا وكمان في الوسط كنت بشوف ناس بتدخل للكُتاب وبيكتبو حاجات مش لطيفة للكُتاب مع إنهم بيبقو محترمين جدا... فده خوف من إني ادخل الوسط لاتعرض لحاجة زي كدَ غير سرقة الكتابات غير التقليل من الكتابات ومفيش تشجيع. 

رسالة تحبي تقوليها لغيرك: ياريت نكون لطفًا بالناس المبتدئين وحتي لو مش بيعرفو يكتبو نقولها بس بشكل لطيف وميوجعش الشخص دَ، وياريت نشجع المواهب دِ اي كان اي هي سوا "كتابة، غناء، ديزاينرز، فويس اوفر،...."

حوار صحفي مع الكاتبة ضحى رأفت

 الاسم: ضحى رأفت البنا 

السن: ١٦ سنه 

المحافظة: بني سويف 

الموهبة: الكتابه 

بدأتِ امتى؟ بدأت انشر من سنه ونص 

اكتشفتِها ازي؟ نزلت اول نص ليا ولقيت كومنتات حلوه اوي وناس بتشجعني ف كملت.. 

نوع الكتابة: خواطر، نصوص ،اسكريبت ، روايات، قصائد

مين دعمكِ؟ أصحابي، وأهلي 

إنجازاتك: أخدت شهادات من دار الثقافه، نقذت روايه مزيج و روايه انا هنا، اشتركت كذا كتاب ومنهم (قلوب مبعثره، لعنه تطوف حولك..) 

جزء من كتاباتك:

"نهايه أغسطس"

بقلم/ ضحى البنا

حلَّ ظلام الليل في آخر ليلة من أغسطس

وكأن النجومِ شموع، وكأن القمرِ نورٌ شديد

فجلست مع ذاتي، أتحدثُ إليها وأسمع ماذا حلَّ بها؟ 

لماذا هي مُتعبةً هكذا؟ 

ما سبب كل هذا؟ 

أنصتُ إليها بكل طفرة قلب، وبكل عقل  

وأنا أتناول فنجان قهوتي.. بكتْ عيناي 

وتعثرتْ يداي، وبدأتُ بالحكي مع ذاتي 

وأخبرتني بكل ألمٍ وكل وجعٍ 

مرتْ به وذكرياتٍ وأحداثٍ كثيرة

أخبرتني بكل شيء وهي تبكي كثيرًا

ففي أغسطس من كل عام تحدثُ لها أشياءٍ

كثيرة، تشعرها بنهايه المطاف

وأن كل شيءٍ باهت، بكتْ كثيرًا

حتى أشرقت شمسٌ جديدة

لتبدأ صباح يومٍ آخر وهي مُتعبةِ من ظلام الليل

ولكنَّها تقاوم.. وتقاوم

لكي لا تنهارُ أمام البشر

لِـ ضحى البنا 

الكتب الي اشتركتي فيها: قلوب مبعثره، لعنه تطوف حولك، وفيه ٣ لسه مستقروش على اسم 

اشتغلتي ليدر او مؤسسة قبل كده و في كيان ايه؟ اه كنت مؤسسه كيان روزيتا وليدر في تيم غموض في كيان سحر الحروف 

الكيانات الي كنتي فيها:سحر الحروف، عائله حياه، قلب تألم ،نسمات الألم ،شغف، ما وراء قلمك، غيث، ونشروان.. 

نفسك توصلي لأي في مجالك: اني اكون كاتبه كبيره وليا اسمي وكياني 

تعرضتِ لحاجة احبطتك قبل كدَ في مجالك: اه كتير ولكن ربنا سبحانه بيبعتلي اي شيء بيرجعني تاني ل صوابي 

رسالة تحبي تقوليها لغيرك: اجتهد على نفسك انت تقدر تعمل المستحيل، انت أقوى ديمًا من الناس، حارب علشان توصل ل مكانه ترتاح فيها، وثق بربنا وبلاش زعل واكتئاب وديمًا اعرف ان رب الخير لا يأتي إلا بالخير فمتخليش حاجه تزعلك.

حوار صحفي مع الكاتبة إيمان أحمد

 الاسم:إيمان أحمد عمر "داليدا"

السن: 18 سنة

المحافظة:سوهاج المنشآه

الموهبة: الكتابه 

بدأتِ امتى؟ من ٨شهور تقريبًا

اكتشفتِها ازي؟ مكنش فِ شيء بعملُه وقتها، فقررت إنِ أعمل حاجة فَ بدأت أكتب بسيط ومع التشجيع بقيت بكتب حلوو ولسه لَ قدام هوصل بإذن الله

نوع الكتابة: خواطر، نصوص إرتجالات وبكتب اسكريبت، وهبدأ أكتب فِ أسكريبتات '

مين دعمكِ؟ أختي، وزميلتي وأصدقاء سوشيال '!

أختي أكتر ' شىء 

إنجازاتك:ليا خواطر نزلت جوجول ' ليا كتاب وحدي إكتروني '

        "ما يكنه القلبب "

جزء من كتاباتك:

ماذا لو عادَ مُعتذرًا ؟

لَن أغفرَ لهُ ولَن أسامِحَهُ، سأذيقَهُ العذاب، سأنتقِم مِنهُ بإنجازاتي وأحلامي، سأبكيه مثل ما أبكاني شفقة علىَ نفسي، لن أرحمَهُ، سأعذبُه عذابًا ينطِق الحَجَر منهُ، لَن أنسىَ تِلكَ الأيام الَّتي عذبني فيها أنا وقلبي المسكين، مُتذكِره تمامًا تِلكَ الأيام المُره الَّتي أجبرتني أن أدعو فيها علىَ نفسي، وها قد جاءَ الوقت كِ أنتقِم ياعدو قلبي ! ،سأبكيك بدل الماء دمًا حتىَ تعودَ تائِهًا ومهزومًا وتقول لِ بِطاقتِك المفروغه ماذنب قلبي الَّذي أعنتِه كُل هَذا العَناء !!، حينها سأُجيبِك بكُل سخافةً أعلم أنَ قلبِك ليسَ له خاصيه بك، لَكنِ سأنتقِم منهُ بدلاً عنِك، قلبك يحزن ويتوه وأنتَ تحزن شفقةً علىَ نفسِك وعلىَ قلبِك، وهَذا ليسَ أخيرًا سأنتقِم مِنكَ الىَ أن يتتدمِر ويحترِق قلبِك ثُمَ يتحوِل الىَ رماد ثم أنفُخ فيهِ بكُل أعصاب بارِده..

حتىَ تتأكل روحِك.

إيمان أحمد "داليدا"

الكتب الي اشتركتي فيها:، 

مشاركة فِ كتاب مجمع إكتروني

"زرابي منثورة"

كتاب مجمع ورقي "لورا"

كتاب مجمع ورقي هيجهز يوم 20 من حيث الإسم وكده '

اشتغلتي ليدر او مؤسسة قبل كده و في كيان ايه؟ ليدر فِ 4 كيانات آفاق منهم كيان آفاق

 تيم "إبريق"

الكيانات الي كنتي فيها: كتير منهم كيان آفاق، كيان يقين، نصوص عظيمة، كيان مراسيل، كيان ظل الكُتاب، كيان عشاق القلم، كيان غلاديلاس، كيان جيل الإبداع، كيان ملوك الإبداع الخ..

نفسك توصلي لأي في مجالك: نفسي أوصل لِ حاجة كبيره الكل يفتخر بيها '

تعرضتِ لحاجة احبطتك قبل كدَ في مجالك: ايوا لدرجة بطلت أكتب وفِ كُل مره كنت أجي أكتب أتذكر الرساله دي، لحد ماجِه الوقت اللي رجعت أكتب تاني وإن شاء الله م هقبل أي إنتقاد يحبطني ' 

رسالة تحبي تقوليها لغيرك:عافري ووصلي لحلمك اللي بتسعي عشانه من زمان، متتديش فرصه للقدامك إنه يحبطك، وقعتي مره قومي أقوى، عافري ووصلي عشان تفرحي بنفسك وتكوني فخوره انجحي عشان تقدري تعيشي فِ مجتمعنا دوت '

ايه اول اعمالك وهل فخوره بيها وبطريقتها ولا لا سواء كان سرد أو حوار او حبكه: ايوا لما كتبت بجد كان شىء كنت فخوره بِه وحبيته اويي ' إتعمل ديزاين ونزا جوجول تقريبًا مش متذكره اويي '

اكتر عيوب فيك ك كاتب ونفسك تغيرها: لما بكتب مثلاً او أرتجل وحد يفوز غيري بزعل عشان بحس إنِ كتاباتي مش اويي '

عايز أغيرها إنِ لما حد يفوز متحبطش وأشتغل ع نفسي أكتر وأكتر عشان كتابتي تتطلع ميميز ومش معنىَ إنه فاز يبقا أنا كتابتي غير لطيفه ' 

السؤال الأخير ايه تقييمك لنفسك: مبتدأه وأخدت فتره مش بكتب يعنييي، التقييم م اويي '

حوار صحفي مع الكاتبة فوزية سليمان

 الاسم: فوزيه سليمان السنيني 'شيزوفرينيا.

السن: ٢٠.

المحافظة: الأسكندرية.

الموهبة: الكتابة وإلقاء الشعر.

بدأتِ امتى؟ ٢/٢٦ هتم سنتين.

اكتشفتِها ازي؟ كُنت بكتب الكلام اللي جوايا واللي مبكونش قادرة أقولة لحد وبعدها وريته لماما عجبها وبالصدفة اكتشفت إن في وسط كتابي وكيانات وحقيقي لقيت منهم دعم وتشجيع.

نوع الكتابة: جميع الألوان

مين دعمكِ؟ ماما في البداية وساعدتني كتير جدًا ومازالت في ضهري وبتدعمني هي وبابا والأصدقاء واخواتي.

• وطبعًا من لا يُشكر لا يشكر فبحب أشكر جدًا الكوتش أحمد سعد لأنه حقيقي كان لية فضل كبير في اللي أنا وصلتلة لغاية الآن، وحرفيًا هو أكبر داعم لينا احنا كشباب وبيحاول يساعدنا بقدر الإمكان على إظهار موهبتنا فأحب أوجهلة شكر من صميم القلب على مجهوده الرائع اللي بيبذلة معانا هو وفريقه.

إنجازاتك: 

• شاركت في العديد من الكُتب المجمعة مع دار الأحمد للنشر والتوزيع.

• حاصلة على درع الكاتب المثالي من دار الأحمد للنشر والتوزيع ومبادرة المليون كاتب.

• نزلت بأول عمل مُنفرد كتاب خواطر " مُبعثرات الروح “ ونزل في معرض القاهرة الدولي للكتاب ٢٠٢١.

• في شهر ٧ كان أول ظهور ليا على مسرح لإلقاء الشعر.

• حضرت العديد من الحفلات وتم تكريمي لمشاركتي في العديد من الكُتب المجمعة+ تكريمي بدرع آخر من دار الأحمد للنشر والتوزيع لمشاركتي بداخل معرض القاهرة بأول عمل مُنفرد لي.

الكتب الي اشتركتي فيها: العديد من الكُتب المجمعة كُتب الخواطر هي " عُنق الفؤاد، بوح، ما رواه النبض، أُمسيات دامية“ مع دار الأحمد للنشر والتوزيع

شاركت بداخل كتابين من القصص:-

" قصاصات شجون “ مع مبادرة غُلمان الأدب.

" رسائل قد ولىٰ زمانها “ مع دار الأحمد للنشر والتوزيع.

اشتغلتي ليدر او مؤسسة قبل كده و في كيان ايه؟ 

مؤسسة مُبادرة رفقة الجُبران لدعم المواهب.

• الكيانات الي كنتي فيها: أول كيان أنضميت ليه كان كيان " وجد “ وحقيقي من أفضل الكيانات اللي أنضميت ليها وبتمنى إنه يرجع من تاني.

• وحاليًا مبقتش موجوده داخل أي كيان.

• وحرفيًا أكتر مُبادرة دعمتني وكانت أول إيد اتمدت ليا وقدرت أوصل لحلمي من خلالها كانت مُبادرة المليون كاتب ومازلت بتدعمني أنا والكثيرين من المواهب.

نفسك توصلي لأي في مجالك: نفسي أكون سبب في دعم غيري زي ما أنا كُنت بتمنى الاقي الدعم في يوم وهو ده اللي أنا شغالة علية حاليًا.

تعرضتِ لحاجة احبطتك قبل كدَ في مجالك: أكيد، نفسي كتابتي توصل لأكبر عدد من الناس والاقي ناس بتتابع المحتوى وبتشجع فعلًا لأني للأسف بشوف ناس بتتابع ناس مبتقدمش أي محتوى وللأسف التطبيل في الوسط زاد جدًا.

رسالة تحبي تقوليها لغيرك: مهما واجهتك تحديات ومصاعب إياك يوم تيأس، خلي عندك أمل كبير في ربنا ثم ثق بنفسك وقتها هتلاقي نفسك وصلت لحلمك، وخليك عارف من إنك هتواجهك عقبات كثيرة لكن خليك عندك عزيمة وإصرار وبإذن الله هتوصل، وإتأكد بإن طلاما ربنا عز وجل زرع جواك رغبة الوصول لشيء تأكد بإنك هتوصل ليها مهما طال الوقت لكن في الوقت المُناسب أكيد هتوصلها.

حوار صحفي مع الكاتبة رواء محمد

 الاسم: رواء محمد صبري العبسي

السن: 16 عام

المحافظة: كفر الشيخ ، مركز دسوق 

الموهبة: إلقاء الشعر والكتابة 

بدأتِ امتى؟ بدأت الكتابة عندما كنت في الصف السادس الإبتدائي وانقطعت فترة وعدت للكتابة بعد انتهاء الصف الثالث الإعدادي 

اكتشفتِها ازي؟ عن طريق ملاحظة كتاباتي لبعض العبارات والقصائد وحين عرضتهم على معلم اللغة العربية أ/محمد عثمان نالوا اعجابه وشجعني على الكتابة ومن بعدها اشتركت في مسابقة أفضل قاصٍ وحصلت غيها على مركز أول على مستوى المدرسة 

نوع الكتابة: قصص وخواطر وابيات شعرية 

مين دعمكِ؟ حصلت على الدعم من العائلة وأصدقائي وبعض المعلمين على رأسهم معلمي أ/محمد عثمان 

إنجازاتك: حصلت على مركز أول على مستوى الإدارة في الإلقاء لعام 2019

و يعد اعظم انجازاتي هو قبولي لمدارس المتفوقات والعلوم والتكنولوجيا 

وانضممت لفريق الدعم النفسي في مؤسسة بهية لعلاج سرطان الثدي 

وحصلت على تدريب في فنون الكتابة الصحفية ثم انضممت لفريق العمل التطوعي في جريدتي العمق نيوز و النيل اليوم 

أسست Let's change Team للدعم النفسي 

وحصلت على العديد من الدورات في التنمية البشرية وعلم النفس والمجالات الطبية 

وحصلت على مركز أول في مسابقة كيان موج للخواطر 

جزء من كتاباتك:تنازعت عليك بيني وبين ذاتي ..

حتى أحلامي أقسمت عليها بالنسيان قبل الاستيقاظ ..

الكتب الي اشتركتي فيها:كتاب أشكال وهو كتاب إلكتروني تابع لكيان انفصام 

وكتابي (ليالينا ، پيلا ) تابعين لمبادرة آسين 

اشتغلتي ليدر او مؤسسة قبل كده و في كيان ايه؟ لا 

الكيانات الي كنتي فيها:كيان انفصام وألماس وماسة السدر 

نفسك توصلي لأي في مجالك:اشترك في معرض الكتاب القادم بكتابي الخاص 

تعرضتِ لحاجة احبطتك قبل كدَ في مجالك: انتقاد فكرة حبي للكتابة والالقاء والاهتمام بهما رغم اني في مدرسة علمية 

رسالة تحبي تقوليها لغيرك:رسالة مني إلى أغلى الغاليات التي تعلو قدماها جنتي ، كنتي انتي دائما آماني ومأمني الوحيد كنت أنتي الأم والأخت والصديقة ، يشهد الله انكِ بذلتي كل ماتستطعين من اجلي ويشهد الله أن أحرفي عجزت عن شكرك ، أسأل الله أن يهبني مايجعلك فخورة بي وان يجعلني ارد لكِ ولو كان أقل جزء من جميلك عزيزتي ..

حوار صحفي مع الكاتبة أماني عبدالله

 الاسم : أماني عبدالله مرسي

السن : 16 سنة 

المحافظه : كفر الشيخ

الموهبة : كاتبة ومرتِّلة كتاب الله عز وجل

بدأتِ امتى؟ الكتابة بدأتها منذ كنت صغيرة وأما عن نشر كتاباتي فمنذ شهور قليلة من الآن

اكتشفتِها ازاي؟

كان دايما لما حاجه تدايقني مكنتش بلاقي حد احكيله غير الورقة والقلم اللي كانو دايما سري اللي بقلهم كل حاجه بدون أي ألم وبعدين واحدة واحدة كتبت قصص وبعدين فأي موقف ألاقي ذهني حاضر بكلمات جميلة جدا فكنت بكتبها فورا لإنها كات بتعبر عن شئ مكبوت جوايا وبعد أما بقيت 16 سنة عرفت كيانات وبدأت انشر كتاباتي 

نوع الكتابة:

خواطر، نصوص، وقصص، واسكربتات 

مين دعمك؟

بنات السوشيال كانو دايما بيحبو كتاباتي ودا كان أكبر دعم ليا إني أكمل 

انجازاتك والكتب اللي اشتركتي فيها :

حاليا أنا مبدأتش أنشر غير من حوالي شهور بس خلال أيام في كتابين مشتركة فيهم بينطبعو حاليا 

اشتغلتي ليدر أو مؤسسة قبل كده؟

اه كنت ليدر فبعض الرومات 

نفسك توصلي لإي في مجالك:

الكتابة كات أجمل حاجه حصلتلي فعلا فعشان كده نفسي كتاباتي توصل لكل الناس ويكون لها إفادة وإن الناس تستفيد بيها لإني تعمدت ان تكون كتاباتي دينية متفقة مع نهج الله ورسوله وأكبر حلم ليا هو الطب الحلم ده بالنسبالي زي الشريان اللي لو انقطع خلاص هتنتهي الحياة هوه مش مجرد حلم الطب ده بقا عشق بقي إدمان بقا حلم كل يوم في المنام وعشان كده دايما بقول الحلم بس اللي هيقويك ويخليك تصبر عأي تعب 

تعرضتِ لحاجه أحبطتك قبل كدا في مجالك:

لا طبعا لإني دايما بعتبر الاحباطات مصدر قوة فبنظرلها من الجانب الإيجابي فقط 

جزء من كتاباتك:

من منا لا يحلم بالوصول، الكثير يريد العبور، ولكن كما يقولون العبرة في النهاية، فالكثير يسير والقليل يستطيع الصمود للنهاية، سر في الطريق ولا تمل، ومهما كان الأمل بعيدا اسع وستصل، فقط قل يا رب، ولن يخذلك الله ما حييت، كن نجما في السماء، لا تنظر إلي كلمات بائسة غرضها احباطك فقط، فمن قال لك أن حلمك مستحيل، أخبره، بأن ربك على كل شيء قدير، كن كصخرة يتحطم عليها اليأس، وغدا من كانو ضدك أول الناس فخر بك، فقط اسعَ، اصبر، جاهد، تحمل وعافر وبالتأكيد ستصل؛ فمهما طال الظلام لا بد للنور أن يظهر.

رسالة تحبي تقوليها لغيرك:

الثقة بقدرة ربنا أهم شيء في الوجود طول مانتي واثقة فقدرته ورحمته مستحيل تفشلي خليكي دايما قوية بكل معنى الكلمة مش كل ما شخص يقول كلمة تتهزى خليكي دايما محافظة على طاعتك بربنا واتمسكي بحلمك جامد وبلاش تخسري حلمك الحلم طريقه طويل بس آخره فرحه تنسيكي كل الدنيا جاهدي واتعبي واصبرى عشان توصلي متفكريش فكلام الناس ولا حتي أفعالهم وكل اللي كانو ضدك وقت متوصلي أول ناس هتسقفلك.

حوار صحفي مع الكاتبة علياء قرني

 الاسم: علياء قرني

السن: ١٨ سنة

المحافظة: بني سويف

الموهبة: الكتابة

بدأتِ امتى؟ 

بدأت سنة ٢٠١٦ كان عندي ١٣ سنة وقتها.

اكتشفتِها ازي؟ 

كنت بقعد لوحدي كتير وبيجيلي أفكار في دماغي وابني قصص في خيالي فقررت أن أخرج ده على الورق وبعدها عرفت أن خيالي واسع

نوع الكتابة:

أنا بدأت أول حاجة كنت بكتب قصص قصيرة لكن مع الوقت بقيت بكتب، روايات، خواطر، مقالات، اسكربتات، وقصص قصيرة 

مين دعمكِ؟  

المدرسين الحقيقة كلهم الي كان بينصحني والي كان بينقد كتاباتي.

إنجازاتك و الكتب الي اشتركتي فيها:

أنا لسه مشتركتش في أي كتب الحقيقة؛ لأني طول السنين الي فاتت وأنا بحتفظ بكتابتي لنفسي وبقالي سنة بس بنشر كتاباتي وكمان بنشرها على الواتس بس.

اشتغلتي ليدر او مؤسسة قبل كده و في كيان ايه؟ 

اه أشتغلت في كيانات قبل كده بس مكنتش ليدر

الكيانات الي كنتي فيها:

اشتغلت في كيان أرواح مهجورة

وكيان حروف الصمت، بس كانت كيانات صغيرة وأنا كنت لسه مبتدئة وبجرب، لكن حاليًا شغالة في كيان خبايا الروح وكيان بيلسان، وبنشر في جريدة لحن.

نفسك توصلي لأي في مجالك:

نفسي تكتاباتي تخرج للنور وتبقى متاحة للجميع، والكتابة بالنسبالي تتحول من مجرد هواية لحياة كاملة بالنسبالي.

تعرضتِ لحاجة احبطتك قبل كدَ في مجالك: في فترة الدراسة وخصوصا في تالتة ثانوي كنت بوقف كتابة خالص ولما أرجع ببقى نسيت أسس مهمة ف الكتابة ومستوايا بيقل فده كان بيدايقني جدا ويحسسني أني متأخرة.

رسالة تحبي تقوليها لغيرك:

أبدأ في الحاجة الي بتحبها أين كانت ايه هي وخلي هدفك الأساسي أنك تستمتع بيها مش أنك تكون مشهور أو تكسب فلوس.

حوار صحفي مع المصممة ندى سرور

 الاسم: ندى سرور

السن: 21

المحافظة: القاهره 

الموهبة: ديزاين 

بدأتِ امتى؟ 

كنت باخد كورسات لوحدي عشان اتعلم 

اكتشفتِها ازي؟ 

والله انا كنت بجرب ورينا يسرلي الموضوع ولقيت نفسي بصمم بكذا كيان بفصل الله

مين دعمكِ؟ 

اهلي اول حاجه 

واقرب أصحاب ليا طبعا 

إنجازاتك:

عملت لوجو الكيانات الي شغاله فيها 

وبعمل اغلفه كتب 

وشهادات 

الكتب الي اشتركتي فيها:

في كتاب حاليا مصممه غلافه يارب ينزل بس أن شاء الله اسمه حوريات الجنه 

اشتغلتي ليدر او مؤسسة قبل كده و في كيان ايه؟ 

لا بصراحه مشتغلتش قبل كده 

الكيانات الي كنتي فيها:

بشتغل مصممه في 

 ( كيان قلب تألم - كيان رُوَاء - كيان تخاطب اقلام - كيان ماسه السدر - جروب ارتجالات ) 

نفسك توصلي لأي في مجالك:

ان شاء الله ابقي مصممه معروفه 

تعرضتِ لحاجة احبطتك قبل كدَ في مجالك:

كان نفسي في تصميم محدد واترفض بسبب مصممه اتحكمت في الكيان الحمد لله 

رسالة تحبي تقوليها لغيرك:

أن لو عندهم الموهبه ابدأوا حتي لو لسه متعرفتوش

حوار صحفي مع الكاتبة شهد أسامه

 الاسم: شهد أسامه عبدالغفار الطويل

السن: 18

المحافظة: الجيزة

الموهبة: الكتابه 

بدأتِ امتى؟ من خمس سنين

اكتشفتِها ازي؟ من صغري وأنا بحب اكتب قصص صغيرة مع نفسي مكنتش اكتشفت الموهبه لسه لحد ما جاتلي فرصه ف المدرسة إن اكتب قصه وكتبتها وخدت فيها المركز الاول وبردو مكتشفتش الموهبة دي في وقتها كنت بكتب جمل بسيطه وألفها مع نفسي وابعتها لصحابي لحد من سنتين بدأت اكتب على الجمله جمل واكون نص ومن هنا اكتشفتها

نوع الكتابة: اكتب قصص، ألف فيلم، شعر، نثر، انواع الكتابه كلها

مين دعمكِ؟ رنا، منه، شمس، ألاء، سارة، ميادة، صحابي اكتر ناس دعمتني واكتر واحدة رنا هي يعتبر اكتشفت معايا موهبتي

إنجازاتك و الكتب الي اشتركتي فيها: كتاب انطفاء ولكن، وكتاب ما وراء الاستار وبيطبعوا الآن

اشتغلتي ليدر او مؤسسة قبل كده و في كيان ايه؟ اشتغلت ليدر في تيم شفق كيان أورانوس، وليدر تيم غيث كيان روح 

الكيانات الي كنتي فيها: روح، حلم بسيط، مزيج، أورانوس

نفسك توصلي لأي في مجالك: أعمل كتب كتير وأبقى كاتبه كبيرة 

تعرضتِ لحاجة احبطتك قبل كدَ في مجالك: كتير جدًا ودا كان سبب إن معملش كتب من زمان

رسالة تحبي تقوليها لغيرك: مهما كان حلمك ومهما كانت موهبتك متستسلمش ل أي احباط واسعى دايمًا لحلمك واسعى انك تنمي موهبتك حتى لو كانت صغيرة

حوار صحفي مع الكاتبة تقى سرور

 الاسم: تقى سرور

السن: ٢٢

المحافظة: القاهرة

الموهبة: كاتبة / تصوير

بدأتِ امتى؟ من أولي جامعة 

اكتشفتِها ازي؟ لما بدأت اكتب خاطرة + مقالات 

نوع الكتابة: خواطر / نصوص/ اسكربيتات 

مين دعمكِ؟ أختي + اصحابي واهلي 

إنجازاتك: بفضل الله نشرت ف جريدة الفكر العربي + هُنوف + جريدة الصيحة نيوز + جريدة إيقاع + جريدة كيان مراسيل، بالنسبة للكتب أشتركت ف ٢ كتاب الكتروني واتنشر بالفعل بأسم طلاسم أقلام / زحمة حكاوي وعملت كتاب الكتروني خاص بيا مُجمع خواطري باسم لمسة، وشاركت ف كتاب ورقي بأسم أعلم دوائك واتنشر بالفعل، وأخدت أكتر من شهادة ف اكتر من مسابقة بخصوص الكتابة، واتعلمت التصحيح اللغوي بفضل الله ع قدي 

جزء من كتاباتك: ذات يومٍ مع ديجور السماء، تسلقتُ جبلٍ منيف كالصنديد، شعرت وكأن جسدي يرتعش من الزمهرير، ولكن عقلي الذي ظل يُفكر في نوائب حياته لم يؤثر معه أي شيء؛ فالعقل عِندما تترك له مجال التفكير وتحاول إرجاعه لن تستطيع بسهولة، كالطفل هو إذا وجد أحضان أمه.

تقى سرور

الكتب الي اشتركتي فيها: طلاسم أقلام / زحمة حكاوي/ أعلم دوائك / كتابي الخاص لمسة ف تاني بس هعلن عنهم ف الوقت المناسب .

اشتغلتي ليدر او مؤسسة قبل كده و في كيان ايه؟ اشتغلت قبل كده ليدر ف الجامعة بتاعتي كنت بنظم الأبحاث مع تيم خاص بيا، بالنسبة لكيان تبع كيان كتابات تائهة. 

الكيانات الي كنتي فيها: بتابع كيان روح + كيان مراسيل + كيان حلم + كيان تخاطب أقلام+ كيان يقين + كيان ظل الكُتاب + كيان عُزلة قلم + كيان بحر + كيان تيم غزل + كيان خُرافات

نفسك توصلي لأي في مجالك: أكون ليا كتاب ليا لوحدي بس ع أرض الواقع .

تعرضتِ لحاجة احبطتك قبل كدَ في مجالك: كتير جدًا بس دايما مش بهتم

رسالة تحبي تقوليها لغيرك: أستمري فِ هدفك أوعي تيأسي هيجي يوم وهتوصلي ..