الاسم: عائشة عبدالناصر يحيى
اللقب: كان (بريق طائر) بس عشان أنا معظم كتاباتي دراما ومأساه ورعب فخليته ﴿بريق الطائر الأسود﴾
السن: 15سنة
المحافظة: القليوبية
الموهبة: الكتابة، الرسم، الإلقاء، الفويس اوفر، بس الأساسي الكتابة
بدأتِ امتى: من 3 شهور
اكتشفتِها ازي: أنا بحب القراءة جدا يعتبر كده إن يومي كله عبارة عن القراءة وخاصة الروايات، كان عندي صديقتين بيكتبو روايات الأولى إسمها جنه حسام من سنتين كده ع الجروب بتاعها اللي بتنشر روايتها فيه قالت ان اللي في الجروب يبعتو ليها قصص قصيرة من تأليفهم، فأنا بعت واحده وكانت رعب وقولتلها تقيمني بصراحه تامه فكان التقييم مش عاجبني فمكتبتش تاني، من 3 شهور بقا صحبتي اسمها مريم محمود كاتبة برضو، في يوم قولتلها اني عاوزة اتعلم الكتابة وساعدتني وفضلِت تعلِّمني وتصححلي أخطائِي لحد مابقيت بعرف أكتِب كدا وفي كيانات هي اللي عرَّفتني عليهم،وأنا هفضل فكرالها الجميل ده دائماً عشان هي كانت سبب رئيسي في إنِّ أحب الكتابة وأتعلِّمها، وهي بتدعمني على طول، بس كده.
نوع الكتابة: بكتب رومانسي ورعب ودراما إثارة وديني، بس اللي بكتبه أحلي وكتير الدراما والمأساه
مين دعمكِ: أهلي ومريم محمود أكتر واحدة وفي جنة حسام وسارة صبري وياسمين وشوية من صحابي دعموني بس مش كلهم
إنجازاتك: خدت شهادات تقدير في الإرتجال وكتابة الخواطر
1- رواية اليابسة الوحيدة
2- رواية بؤس فتاة
جزء من كتاباتك: جزء مِن قصة قصيرة
إستيقظت بطلة قصتنا نور علي مداعبة أشعة الشمس لأعينها الجميلة وزقزقة العصافير بجانب نافذة غرفتها اللتي تطل علي مزرعة جدها الصغيرة الخضراء، وقفت نور علي سريرها وظلت تقفز بفرحة فاليوم سوف تقضيه كله مع جدها فاليوم عطلة من المدرسة.
الكتب الي اشتركتي فيها: لسه مفيش كتب نزلت بس في 3 كتب ورقية هتنزل في معرض الكتاب 2022
وفي كتابين الكتروني(حورية الجنة، أحلام باهتة) هينزلو قريب بإذن الله
اشتغلتي ليدر او مؤسسة قبل كده و في كيان ايه: لا عشان انا في ثانوي وهيبقى صعب مع الدراسة، بس بفكر أشتغل ليدر بس في الأجازة
الكيانات الي كنتي فيها: معاً نرتقي، رحيق، تبلج قلم، حوريات الجنَّة، ملوك الإبداع، شدن، طيف، شجن، مطاف، مساة السدر، بحر، غموض(دول الكيانات اللي إشتركت فيها ومازلت، في بقى كام كيان كنت فيهم وخرجت عشان الوقت مش مكفِّي)
نفسك توصلي لأي في مجالك: إني أبقى كاتبة معروفة وكتاباتي تعجب كل القراء
تعرضتِ لحاجة احبطتك قبل كدَ في مجالك: هو انا أُحبط بس مابطلتش كتابة، بس اللي أحبطني إن من أول مابدأت كتابة لحد دلوقتي في لسة ناس قريبة منِّي مش بيدعموني وبيتريقو عليا وفي اللي بيشوف ان اللي بعمله ده حاجه ملهاش لازمة وللأسف اللي بيقولولي كده وبيحبطوني ناس قريبة جدا جدا مني
رسالة تحبي تقوليها لغيرك: مهما الناس أحبطوك وقالولك إن اللي بتعمله ده مالوش لازمة وبطل الهبل ده، خليك متمسك بحلمك لحد آخر لحظة في عمرك، لأن حلمك لو إنت تمسَّكت بيه هيتحقق وهتنجح فيه وهتبقى حاجة كبيرة أكتر مانتا متصور
ايه اول اعمالك: أجلس هادئاً تماماً، لكن لداخلي لا يوجد معني الهدوء، بداخلي معركة لا أستطيع السيطرة عليها، بداخلي معركة لا أعرف كيف أوقفها، أنا بداخلي مدمَّر كلياً، قلبي مكسور، أشعر بالإختناق، أبتسم عندما أتخيَّلُ موتي لأنتهي من هذا العذاب، أنا منهكٌ جداً.
وهل فخوره بيها وبطريقتها ولا لا سواء كان سرد أو حوار او حبكه: بحب الخاطرة دي أوي وفخورة بيها وبطريقتها
استفادتي ايه من تجربتك: إنِّي أتمسَّك بحلمي وأحقق هدفي مهما كانت الصعوبات والمعرقلات كبيرة
اكتر عيوب فيك ك كاتب ونفسك تغيرها: إنِّي قبل ما أنشر حاجه من كتاباتي باخد رأي كذا حد، وده ماينفعش عشان المفروض الكاتب يبقى واثق من كتاباته، وأنا بحاول أصلَّح العيب ده
السؤال الأخير ايه تقييمك لنفسك: أنا شايفة إنِّي كاتبة كويسه بس مش ممتازة أوي بس في المستقبل القريب هبقى ممتازة جدا جدا جدا بإذن الله.
