الاسم: أميرة عليوة "زهرة التيوليب"
السن: 18
المحافظة: الدقهلية
الموهبة: الكتابة والديزاين
بدأتِ امتى؟ من سنة
اكتشفتِها ازي؟ صدفة فى يوم كنت مضايقة ومعرفتش أعبر بالكلام الشفوي عن زعلى لحد فلاقيتني مسكت ورقة وقلم وبدأت أكتب عن إللى حساه و عن أي مشكله وموقف بيحصل قدامي . وفى يوم لاقيت روم كتابات عامية على الفيس دخلت وكتب فيه لمدة ٦ شهور وبعدين دخلت رومات واتس وبدأت أكتب وكتاباتي تتنشر بعد ما كانت بيني وبين صحابي بس، فرحت جدا بالتشجيع وبدأت أتوسع فى المجال والحمد لله وصلت لنقطة كويسة في بداية طريقي لتحقيق هدفي.
نوع الكتابة: روايات وقصص قصيرة وخواطر
مين دعمكِ؟
أستاذة شادية مدرسة الصحافه والإعلام لها فضل كبير لإن وجودي معاها علمني حاجات كتير استفدت منها وبشجعتنى إني أستمر، و والدتي وخالو محمود كانوا بيشجعوني بجانب صحابي كمان والسوشيال ميديا.
إنجازاتك و الكتب الي اشتركتي فيها: كنت مشغولة بدراستي فمكنش عندي وقت أشترك فى كتب ولكن بإذن الله هيحصل قريب.
لكن حاليًا بكتب رواية عن الاخ الكبير اسمها خيال فتاة فاضل بارتين فيها وأخلصها بإذن الله و بعدها هبدأ إن شاء الله فى كتابة رواية كفاح طالب.
اشتغلتي ليدر او مؤسسة قبل كده و في كيان ايه؟
أيوه أنا ليدر فى كوكب رحيل ودى أول مرة ابقى ليدر لإني كنت مشغولة بدراستي طبعًا.
الكيانات الي كنتي فيها:
كيان ظلال، كيان حناجر صارخة، كيان تبلج قلم، كيان قلب تألم، كيان إنفصام، كيان نزيف أقلام، كيان أفلاطوني.
ورومات تانيه : خيال، حبر، وطن، ديسرا، متقن، شعور، بريق ودراكون.
نفسك توصلي لأي في مجالك:
أتمنى أبقى كاتبة مشهورة ومتميزة وعن طريق كتاباتي وروياتي أقدر أوصل رسالتي ووجهة نظري للمتابعين وأغير الأفكار والمعتقدات السيئه إللى مصعبة الحياة وأن أكون الكاتبة المفضلة لدى شخص يومًا ما .
تعرضتِ لحاجة احبطتك قبل كدَ في مجالك:
أيوة زى ما كان فى ناس بتشجعني فى ناس كانت بتحبطني ومكنتش معترفه موهبتي + عقلي مكنش متوافق مع العادات والتقاليد إللى حواليا لكن الحمد لله وصلت لنقطة كويسة في بداية حلمي
رسالة تحبي تقوليها لغيرك:
متهتمش لأي حد ينتقدك بالسلب، أعمل إللى انت عايزه وبس وخلى عندك هدف وحلم عايز توصله حتى لو فشلت مرة... اتنين ... تلاتة لكن المؤكد إنك هتوصل طالما حابب تنجح فى حياتك مهما حصل وتحت أى ظروف ومش معنى إنك كان عندك حلم وهدف متحققش إنك تفضل واقف مكانك لا عافر ودور على حلم تاني وبإذن الله هتوصل.
