الاسم: سامح علاء
السن: ١٨
المحافظة: القاهره
الموهبة: فنان خداع بصري
بدأت امتى؟
كانت اول اعمل فيها خدعه سحريه كان ٢٠١٤ تقريباً كان عندي ١٢ سنه وبعد كده في سنه ٢٠١٩ الموضوع اتطور معايا جداً واتعلمت اكتر واكتر ولسه بتعلم لحد الأن
اكتشفتها ازي؟
كانت اول مره اشوف ساحر في الحقيقه
وكان عندي حُب فضول اعرف هو بيعمل كده ازاي وبعدين اتعلمت لوحدي من غير ما اتعلم من حد وبعدين ابتديت اطور واتعلم من اليوتيوب وحالياً رجعت تاني اتعلم لوحدي ومن الكتب
مين دعمك؟
لا ناس كتير جداً جداً ولسه لحد الأن بيدعموني
إنجازاتك : يمكن محققتش انجازات كتير
بس كان اهم انجاز ليا ان في كذا شخص نجح بسببي وبسبب انه كان بيتعلم مني ومن قصتي
وفي خلال السنه دي اتكتب عندي مقال في جريدة الجمهوريه
وظهرت في برنامج تليفزيوني
واهم انجازات اني عملت حركات لاول مره محدش عملها قبلي في مصر
نفسك توصل لأي في مجالك:
نفسي افهم الناس كلها مدي اهميه مجال الخداع البصري وانه من اهم واصعب الفنون اللي موجوده في العالم وانه عِلم
تعرضت لحاجة احبطتك قبل كدَ في
مجالك:
كانت ناس كتير جداً بتحبط والمقارنات دايماً مش بتكون حلوه
ان حد يقارنك بشخص في نفس مجالك والشخص ده يكون ناجح اكتر منك ده شئ محبط.
رسالة تحب تقولها لغيرك:
• مهما كان الطريق طويل قدامك ، كمل سعي واكيد في يوم ربنا هيكرمك
• متقارنش نفسك ابداً بحد ، قارن نفسك بنفسك بين امبارح والنهارده انت اتغيرت قد ايه
ليست هناك تعليقات:
إرسال تعليق