الاسم:
زياد حمدي مبروك
السن:
19 سنه
المحافظة:
الأسكندرية
الموهبة:
كاتب
بدأتِ إمتى؟
بدأت أكتب من وأنا 10 سنين
إكتشفتِها إزاي؟
كنت بحب التعبير التحريري وببدع في كتابته وظهرت الموهبة من هنا
نوع الكتابة:
بكتب قصص رعب ومقالات وأمثال شعبية وحاليا إتجهت للكتابة الدينية بكتب قصص الأنبياء وبكتب عن الصحابة وعن كل رسول ونبي ورسالته وقومه
مين دعمكِ؟
أمي ديما هي اللي واقفة معايا وبتدعمني أمي هي بطلة طريق مسيرتي الكتابية
إنجازاتك:
كتبت 15 كتاب نزلوا إلكتروني سواء فيس أو bdf
شاركت في حملة تعليم 12أميّ القراءة والكتابة
شاركت في ندوات كتير تناشد عن أهمية القراءة والكتابة
شاركت في إتحاد طلاب المدرسة لنشر الوعي وشاركت في ندوات هدفها نشر الدين الإسلامي بشكل صحيح وأهميتهُ
شاركت في جميع الأعمال الكتابية في المدرسة
قدرت إني أسس برنامج إلكتروني باسم رحله باحث
وحالياً بخلص في روايتي التي ستتواجد في معرض القاهرة الدولي للكتاب
جزء من كتاباتك:
جئتني بالتمر ولم تنزع منه النوى ..
ما سر شهرة هذه العبارة و من قائلها !؟
شدَّ إنتباه عُمر بن الخطاب أن أبا بكر يخرج إلى أطراف المدينة بعد صلاة الفجر ويدخل بيتاً صغيراً لساعات ثم ينصرف إلى بيته ..
وكان عمر يعرف كل ما يفعله أبو بكر الصديق من خير إلا سر هذا البيت ..
مرت الأيام ومازال خليفة المؤمنين يزور هذا البيت ؛ ومازال عمر لا يعرف ماذا يفعل الصديق داخله ، فقرر عُمر دخول البيت بعد خروج أبو بكر منه ؛ ليشاهد بعينه ما بداخله ، وليعرف ماذا يفعل فيه الصديق بعد صلاة الفجر ..
حينما دخل عمر هذا البيت الصغير،
وجد سيدة عجوز لا تقوى على الحِراك ليس لها أحد ؛ كما أنها عمياء العينين ..وعرفها بنفسه
فإستغرب إبن الخطاب مما شاهد..!
وأراد أن يعرف ما سر علاقة أبي بكر بـ هذه العجوز العمياء ؟
* سأل عمر العجوز
* ماذا يفعل هذا الرجل عندكم ؟
(يقصد أبو بكر الصديق)
- فأجابت العجوز وقالت
- والله لا أعلم يا بُني ؛ فهذا الرجل يأتي كل صباح وينظف لي البيت ويكنسه
ومن ثم يُعد لي الطعام وينصرف دون أن يُكلمني
ولما مات أبو بكر قام عُمر باستكمال رعاية العجوز الضريرة ..
- فقالت له : أمات صاحبك ؟!
- قال : وماأدراكِ ؟
- قالت : جئتني بالتمر ولم تنزع منه النوى ..
* جثم عمر بن الخطاب على ركبتيه وفاضت عيناه بالدموع وقال عبارته الشهيرة:
*"لقد أتعبت الخلفاء من بعدك يا أبا بكر"*
رضي الله عنهما وأرضاهما ♥
الكتب الي إشتركت فيها:
مشتركتش في كتب , بكتب منفرد
إشتغلت ليدر أو مؤسس قبل كده و في كيان ايه؟
لا ، مش منضم لأي كيانات ولكن حاليا بدرس فكرة تأسيس كيان
الكيانات اللي كنت فيها:
منضمتش لأي كيان
نفسك توصل لأي في مجالك:
نفسي أوصل لمكانه كبيرة في مجال الكتابة وإسمي يكون علي كُتب كتير ويكون ليا جمهور كبير يحب يقرالي ويحب أعمالي وينتظرها
تعرضتِ لحاجة أحبطتك قبل كدَا في مجالك:
أه كتير جدا وبسمع كلام كتير أوي محبط ولكني برميه ورا ضهري وبكمل في طريقي أه بزعل من الكلام لكني مؤمن بموهبتي وواثق في نفسي إني هوصل في يوم من الأيام لكل أهدافي
رسالة تحبي تقوليها لغيرك:
إسعوا فإن السعي فيه أبواب النجاح وقربوا من ربنا هتلاقوا كل الطرق متسهله ليكوا ومتتنازلش عن حلمك مهما كان وحارب وإوصل حتي لو وصلت متقطع فرحه الوصول سترممك
إيه أول أعمالك وهل فخور بيها وبطريقتها ولا لا سواء كان سرد أو حوار او حبكة :
قصة إسمها المرايا , أه فخور بيها وفخور بكل عمل أنا كتبته لان أعمالي كلها فيها أفكار مش هبد وخلاص وكمان سهري وتعبي في كتابة أعمالي تخليني أفتخر بكل حاجة كتبتها
إستفدت إيه من تجربتك:
تعرفت ع ناس كتير في مجال الكتابة عرفت أكتر عن الكتابة خدت أفكار كتير بقا عندي مفاتيح كتير لكل حاجة في الكتابة
أكتر عيوب فيك ك كاتب ونفسك تغيرها:
لحد دلوقتي مش شايف فيا عيوب ك كاتب وكمان عيوبي مش هتبان ليا أنا هتبان للقارئ وهينتقدني فيها هتبان في طريقة سرد أو حوار وهكذا ولكن أنا ك كاتب بكتب في أي وقت ومفيش حاجه منعاني لاني مقسم وقتي فـ مفيش مشكلة بتواجهني
السؤال الأخير إيه تقييمك لنفسك:
شخص ناجح جداً لأني لو مش ناجح مش هوصل لكل اللي أنا فيه دلوقتي الحمدلله وأعمالي تنزل ع صُحف إلكترونية مثل جريدة غزل الإلكترونية وصفحات ع فيسبوك تتحدث عني وعن موهبتي ولكن في الأخير يترك رأي التقييم لكتابتي للقارئ ♥
ليست هناك تعليقات:
إرسال تعليق