الاسم: چودى محمود الجهينى
السن: 14 سنه
المحافظة: القاهرة
الموهبة: الكتابه
بدأتِ امتى؟ من شهر مايو الى فات
اكتشفتِها ازي؟ جربت بالصدفه اكتب ولقيت نفسى حبيت الموضوع وكويسه فيه
نوع الكتابة: انواع مختلفه بس بحب كتابه الخواطر
مين دعمكِ؟ اهلى و اصحابى ومتابعينى
إنجازاتك: لسه معملتش انجازات تحتسب لسه فى اول الطريق بس عندى جروب صغنن في بنات قمر بيدعمونى وده حقيقي افضل حاجه عملتها لحد دلوقتي
جزء من كتاباتك: لو هنتكلم بالمفهوم المشهور حاليا فلا مش لازم ابدا يشوفوك ناجح
بس فى الحقيقة انك لازم تسعى وراء احلامك عشان تبقي ناجح فعلا امام نفسك والمجتمع
_ طب لو نجحت المفروض انجح لأى درجة؟
مبدئيا كده هو مفيش حاجه مفروضه عليك
لأن النجاح ده شئ اختياري انت الى بتختار
تبقى انسان ليه هدف
او انسان عايش بلا هدف
_طب ننجح لأى درجة؟
-للدرجه الى تخليك راضى عن نفسك
_الى هى امتى؟
-عمر ما الدرجه دى هتبقى عندك عشان لو انت ناجح بجد عمر ما اهدافك هتخلص
ثق وانطلق💛💛🌾
الكتب الي اشتركتي فيها:هيبقى اول كتاب ليا هو لسه بيجهز وهينزل فى معرض الكتاب إنشآءالله
هيبقى كتاب مشترك مع كُتَاب تانين و هيبقى تحت اشراف دار كيانك للنشر والتوزيع
اشتغلتي ليدر او مؤسسة قبل كده و في كيان ايه؟ اه انا مؤسسة لجروب خواطر خاص بيا بس مش فى كيان
الكيانات الي كنتي فيها: ما انضمتش لكيانات قبل كده
نفسك توصلي لأي في مجالك: نفسى اكون كاتبه ناجحه ومأثره فى المجتمع وليا نوع مميز فى الكتابه
تعرضتِ لحاجة احبطتك قبل كدَ في مجالك: لا الحمدلله مفيش حاجه حصلت احبطتنى بس سعات مش بيبقى عندى شغف للكتابه
رسالة تحبي تقوليها لغيرك: ديما اسعوا وراء احلامكوا ومتخلوش حاجه توقفكوا الحياه مليانه فرص ديما جربوا حاجات كتير لحد ماتلاقوا الحاجه الى تحبوها وتبدعوا فيها❤
ايه اول اعمالك وهل فخوره بيها وبطريقتها ولا لا سواء كان سرد أو حوار او حبكه: كانت خاطره عن المشاكل الى بتواجهنا فى الحياه و اه فخوره بيها كبدايه ليا واتعلمت من الاخطاء الى حصلت فيها
استفادتي ايه من تجربتك: استفدت انى لقيت موهبه حلوه عندى مفيده وبطلع الطاقه الى عندى وعرفتنى على ناس جميله بتدعمنى
اكتر عيوب فيك ك كاتب ونفسك تغيرها: الكسل لانى ساعات بكسل اخلص خاطره او اسكريبت للاخر وده بيضايقنى ونفسى ميحصلش
السؤال الأخير ايه تقييمك لنفسك: محدش يقدر يقيم نفسوا الناس هى الى هتقيمنى فى المستقبل إن شاءلله
ليست هناك تعليقات:
إرسال تعليق