السن: 13 سنة
المحافظة: قليوبية قليوب
الموهبة: الكتابة والرسم
بدأتِ امتى؟ من شهر يونيو
اكتشفتِها ازي؟ انا بقرأ رواياا من سنتين ونص كده تقريبا وعارفين بقا انك قبل ما تنامى تحلمى بالبطل بقا الل يخطفك وكده انا بقا كنت كده بالظبط وكنت بفكر اكتب كتير الافكار اللى بتجيلى قبل النوم بس بصراحة انا كسولة اووى لحد ما اخدت الخطوة اخيرا وبدأت اكتب مكنتش حاطة الموضوع فى دماغى بس لقيت ناس بتشجعنى فكملت
نوع الكتابة: رومانسى على كوميدى من اللى قلبك يحبهم
مين دعمكِ؟ البيست ربنا يديمها ليا ومتابعينى لان للاسف اهلى ميعرفوش انى بكتب خايفة اقولهم
إنجازاتك: لسة محققتش انجازات تحتسب بس خدت شهادة تقدير من كيان الروايات وعندى صفحتى على الواتباد وجروب صغنن على الفيس
جزء من كتاباتك: مجنونة الاسد
زواج بالاتفاق
عشقت مريضة نفسية
الكتب الي اشتركتي فيها: احم لسة بس رواية مجنونة الاسد هتنزل ورقيا قريب فى معرض الكتاب
اشتغلتي ليدر او مؤسسة قبل كده و في كيان ايه؟ مش فاهمة السؤال اوى بس اشطا انا مؤسسة لجروبى على الفيس وجروب تانى كده للى عايز يكتب
الكيانات الي كنتي فيها: مفيش كيانات انضميت فيها
نفسك توصلي لأي في مجالك: انا كطالبة عايزة ابقى دكتورة اووى لكن فى الكتابة عايزة ابقى كاتبة محبوبة بين الناس وقدوتى هى الكاتبة ايه يونس العشق بتاعى
تعرضتِ لحاجة احبطتك قبل كدَ في مجالك: لا الحمد لله
رسالة تحبي تقوليها لغيرك: احب اقول ان عمرك ما تيأس من حاجة انت عايز توصلها ابدا وتبقا واثقة من نفسها حتى لو كل الناس انتقادوها انت/ى متخديش بكلامهم انتى بقا استفادى بيه ازاى انك تعملى الاحسن وتجتهدى علشان توصلى لهدفك وحاولى مرة واتنين وتلاتة لحد ما تنجحى متيأسيش من اول مرة
ايه اول اعمالك وهل فخوره بيها وبطريقتها ولا لا سواء كان سرد أو حوار او حبكه: هى كانت زهرة الاسد بس فيه حد مساحهالى مكنتش لسة كملتها فنزلت واحدة نفس الفكرة بس اسلوبى فيها عجبنى اكتر من التانية وبصراحة بعد ما كنت بدعى على اللى مسحهالى بقيت قاعده بشكره وبدعيله
استفادتي ايه من تجربتك: الصبر وانى هوصل للى انا عايزاه بس اهم حاجة ميأسش
اكتر عيوب فيك ك كاتب ونفسك تغيرها: ان انا بزهق بسرعة مش عارفة معنى الى انا عندى ايه بس بصوا انا مثلا لو بكتب رواية وتجيلى فكرة رواية تانية جديدة اكتبها واسيب التانية
السؤال الأخير ايه تقييمك لنفسك : محدش بيقدر يقيم نفسه الناس هى الل. هتقيمنى بإذن الله فى المستقبل لما اوصل لحلمى
عارفة طولت عليكم معلش استحملونى
ليست هناك تعليقات:
إرسال تعليق