الاسم: فادي رضا
السن: ٢١
المحافظة: الجيزة
الموهبة: الكتابة
بدأت امتى؟
- حوالي ٦ ابتدائي.
اكتشفتها ازي؟
- كنت بحب بنت في ابتدائي وكنت بكتبلها جوابات بسيطة والموضوع قلب معايا بكتابة شعر في البداية والأستاذ شاف الورقة وقالي انت بتكتب شعر جاهلى.
نوع الكتابة:
- خواطر، مقالات، أسكريبتات، نصوص، قصص، روايات(جميع الألوان الأدبية).
مين دعمك؟
- محدش للأسف.
إنجازاتك:
- كتير جدًا، بس مسكت أكتر من روم للتعليم زي كورسات العتبة وحاجات كتير مش هينفع تتلخص هنا♥️.
جزء من كتاباتك:
- تلكَ الأحاديث الساخرة والثرثرة الفارغة من الأسباب التي تجعلني أتجاهل الأشخاص ذو الثقافة المُنحدرة للقاع، الأمر أصبح يتخطىٰ قُدرة إحتمالي للسذاجة والبلاهة.
#فادي _رضا
الكتب الي اشتركت فيها:
- كتاب مُجمع أسمه جنة الكلمات.
اشتغلت ليدر او مؤسس قبل كده و في كيان ايه؟
- كنت ليدر تيم في كيان ضجر، ونائب مؤسس في كيان كُتمان، وحاليًا مؤسس كيان مُتجدد.
الكيانات الي كنت فيها:
- ضجر-كُتمان-دُجنة الليل-روح عازفة- مُتجدد.
نفسك توصل لأي في مجالك:
- يتكتب في المهنة اللي في البطاقة (كاتب روائي).
تعرضت لحاجة احبطتك قبل كد في مجالك:
- مفيش حد عمومًا مش بيتعرض لحاجة تحبطو، بس السؤال هل قدرت أتخطي الحاجات دي ولا لأ، والأجابة اه الحمدلله.
رسالة تحب تقولها لغيرك:
- أفضل أتعلم وطور من نفسك وزود ثقافتك في كل المستويات سواء ديني او سياسي او حتى في النظام البيئى، وحاول تتعلم حاجة واحدة من كل شخص موجود في حياتك.
ايه اول اعمالك وهل فخور بيها وبطريقتها ولا لا سواء كان سرد أو حوار او حبكه:
- أول أعمالى هو رواية (هروب مُستمر) اللي نازل بيها معرض الكتاب 2022 وطبعاً فخور بسبب الوقت والمجهود اللي ضاع فيها بس الحمدلله أتقبلت ونازلة وتعبي مرحش هدر.
استفدت ايه من تجربتك:
- أن نادرًا لما هتلاقي شخص حابب نجاحك وغالبًا هيبقو ٥ او ٦ والباقيين بيحاولو يقربو منك علشان انت ناجح وعايزين ينجحو زيك غالباً بيكون غيرة أو حقد علشان كده مش بفكر في أي شخص وانا بحاول أوصل لهدف معين.
اكتر عيوب فيك ك كاتب ونفسك تغيرها:
- النرجسية، وببقا دايمًا واثق من نفسي، بس أعتقد أن مستوايا يسمح بثقتي المُفرطة دي♥️.
السؤال الأخير ايه تقييمك لنفسك:
- تقييمي الحقيقي هيكون أعلى من التقييم اللي هقولو عن نفسي اساساً.
فخور بالواد فادي عشان دماغه عاليه
ردحذف