حوار صحفي مع الكاتبة دعاء رمضان

 الاسم: دعاء رمضان "إيزل"

السن: 20

المحافظة: الفيوم

الموهبة: كاتبة وشاعرة

بدأتِ امتى؟ من حوالي 6 شهور 

اكتشفتِها ازي؟ كنت بكتب عادي أو بجسد شعور ومواقف أنا بشوفها صاحبتي شافتهم وعجبوها فعملت جروب صغير ولقيت اصحابي حبينه فكملت. 

نوع الكتابة: خواطر، قصص قصيرة وشعر.

مين دعمكِ؟ أصحابي وكل الي كان بيقرأ ليا ده غير دعمي لنفسي اصلا.

إنجازاتك: قدرت اطور من نفسي ومن كتاباتي واتعلمت التصحيح وبقيت ليدر في كتير من الكيانات وفوزت في مسابقات كتير.

جزء من كتاباتك: يا بعيد الأنظار قريب القلب إلتقيتك، وفي أعماق قلبي أبقيتك، وببحر عشقي ألقيتك، فلا لك الغرق أو الناجه، حورية بحرٌ وأنتَ أميري؛ لنسبح معًا وقلبكَ أسيري شيئت أم أبيت فقصركَ مسيري.

لدعاء رمضان "إيزل"

الكتب الي اشتركتي فيها: مجرد شعور، حزن مزخرف بالأحرف، غبار الحنين ودول نزله في معرض الكتاب وكتاب الكتروني وبحضر لكتاب منفرد.

اشتغلتي ليدر او مؤسسة قبل كده و في كيان ايه؟ أها في كيان فرعون وعائلة عشاق الشهداء، وليدر تصحيح في كيانات تانية كتير

الكيانات الي كنتي فيها: مش هقدر اذكرهم كلهم بس هقول الي هفتكره: كيان فطرة، تبلج قلم، عائله حياة، عائلة ألماس، كيان ظلمات، كيان فرعون، معشر الكتاب وهكذا

نفسك توصلي لأي في مجالك: مش محددة مكان معين أوصله ومش هكتفي بحد معين للنجاح يعني عايزة انجح بشكل مختلف غير اي حد وصل لنجاح قبل كده.

تعرضتِ لحاجة احبطتك قبل كدَ في مجالك: لا مش كتير عموما طول منا واثقة من نفسي مش هيفرق معايا كلام حد.

رسالة تحبي تقوليها لغيرك: حد قالي جملة وعلقت معايا اوي وأنا ممتنة جدا الجمله وصاحبتها (السلمون المكسورة بطلعك سلمتين قدام) يعني مش علشان وقعت مرة يبقا متقومش تاني بالعكس قوم وجرب وافشل وجرب تاني وافشل لحد ما تنجح. 

ايه اول اعمالك وهل فخوره بيها وبطريقتها ولا لا سواء كان سرد أو حوار او حبكه:

استفادتي ايه من تجربتك: لا كتير جدا بصراحه، زي مثلا أتعرفت على ناس جديدة واتعاملت مع ناس اكتر، اتعلمت اني مقفش بسقف أحلامي عند حد معين، أن لو فيه حلم راح لازم احلم بداله لأننا جايين الدنيا علشان نسعى واكيد مش كل حاجه هنعوزها هنلاقيها قدامنا بسهولة كده.

اكتر عيوب فيك ك كاتب ونفسك تغيرها: مقدرش احدد عيب بعينه لكن اقدر اغير حاجة مش عجباني واطور من نفسي أكتر وأكثر مقفش عند حد معين يعني.

السؤال الأخير ايه تقييمك لنفسك: الحقيقة اني مينفعش أقيم نفسي سواء على المستوى الشخصي أو ككاتبة ولكن أنا شايفة إني قد كل حاجه أنا بعملها وبرغم ظروف حياتي الخاصة بسعى علشان أوصل لحاجة كويسة تخليني فخورة بنفسي وكمان الناس الي حوليا بغض النظر عن إني بالفعل فخورة بنفسي جدا وبكل نجاح بحققه حتى لو بسيط.