الاسم: بسملة السيد
السن: 16
المحافظة: الاسكندريه
الموهبة: كاتبه (بكتب جميع انواع الكتابه ) و الرسم
بدأتِ امتى؟
كتبت اسكريبات من و انا في ابتدائي و روايات السنه الا فاتت
اكتشفتِها ازي؟
من زمان و انا صغيرة كنت بحب اجيب قصص و بعدين كان بيبقي في مسابقات في المدرسة باحسن قصه و كنت بشترك و اكسب و لما دخلت إعدادي كنت بجيب روايات لحد السنه الا فاتت قررت اني اكتب رواية بدل ما اكتب قصص و فعلا كتبت بس مكملتهاش عشان كنت رجعت دروس و لما خلصت امتحانات رجعت للكتابه تاني السنه دي كتبت روايات كتير الحمدلله
نوع الكتابة:
بكتب روايات و اسكريبات و خواطر و شعر
مين دعمكِ؟
هو في الاول كنت أنا بدعم نفسي لأن الكل كان شايف أن أنا برضو لسه صغيره و أن الا بيكتب لازم يكون متمكن في كتابه الروايات لحد ما السنه دي نزلت رواية ليا و لقيت كله عجبته الرواية و صحابي و العائلة كله دعمني و عجبتهم الرواية جدا
إنجازاتك و الكتب الي اشتركتي فيها:
الحمدلله اخدت شهادات كتير في مسابقات افضل اسكريبت و ارتجالات و خواطر و شعر ، في روايه ليا هتنزل في معرض اسكندريه و القاهره ، و بنزل رواياتي علي واتباد و دريمي
اشتغلتي ليدر او مؤسسة قبل كده و في كيان ايه؟
لا
الكيانات الي كنتي فيها:
كيانات كتير
نفسك توصلي لأي في مجالك: نفسي اكون كاتبه ناجحه و مشهورة و كل الناس تحب الروايات بتاعتي و يكونوا بيحبوني و اني افضل طول حياتي في تقدم مستمر
تعرضتِ لحاجة احبطتك قبل كدَ في مجالك:
لا الحمدلله
رسالة تحبي تقوليها لغيرك:
إن الا بيحب حاجة لازم يسعي لها و ميقولش نفسي يحصل كذا أو كذا لأن الحاجة الا نفسكم فيها عمرها ما هتحصل من غير ما تتعبوا عشانها و إن متخليش حد يوقعكم لأن الا هيحبطكم أو يوقعكم اكيد شايفك احسن منه عشان كده بيحبطك و أن لو مفيش حد دعمك في الحياة كن انت داعم لنفسك دايما شجعوا نفسكم لان لو انتم وثقتوا في نفسكم عُمر ما حد يقدر يوقعكم و لا يهزمكم و دائما اسعوا لتحقيق أحلامكم مهما كانت النتائج متخلوش حد يوقفكم و خليكوا دايما عارفين ان انتم ممكن تعملوا كل حاجة انتم عايزنها و مفيش حاجه مستحيل و لو تعرضتوا لاي انتقاض مفيش انسان ناجح مش بيجيلوا انتقادات بالعكس خلوها دعم ليكم و أن لو حد انتقض روايتكم أو أي حاجة حاولوا انكم تعدلوها و شوفوا ايه الا ضايقهم و حاولوا تظبطوها و لازم دايما تخلوا نفسكم مميزين عن الاخرين (كن انت و لا تكن مثل الآخرين ) .
ربنا ييسر لكى كل خير ويحقق لكى كل ما تتمنى بإذن الله وبعون الله هتكونى اشهر كاتبه فى الشرق الأوسط
ردحذف💪💪💪💪💪💪💪