حوار صحفي مع المؤلف عمرو خالد

 الاسم : عمرو خالد بكري

السن : 19 سنه

المحافظه : سوهاج

الموهبه : مؤلف قصص وروايات

بدأت أمته ..؟ 

_ بدأت كتابه من سنه وكام شهر ، اكتشفتها لما كنت ف جروب علي الفيس كانوا بينزلوا فيه روايات ، وانا كنت بقرا كتير ، لحد ما جيت في يوم وقولت ليه مكتبش زيهم ، وفعلا كتبت وأول روايه نزلتها جابت 45 لايك وقتها كنت فرحان جدا ، بس ف الاول كنت واخد الكتابه تضييع وقت لحد قلبْ معايا جد

نوع الكتابه .. 

 قصص وروايات ، واسكريبتات ، خواطر ، وشِعر احيانا .. 

مين دعمك .. 

كان عندي بعض من الناس بتابع كتاباتي زي فانز كده ، بس كانوا قليلين خالص دول اللى كانوا دعم ليا ..

إنجازاتك .. 

انجازاتي ، شاركت ف مسابقات علي النت كتير ، كسبت منها أغلبها ، كتاباتي نزلت على جوجل ، ونزلت على مواقع كبير علي الاسنتجرام ، حضرت حافلتين واتكرمت فيهم ، و شاركت معرض الكتاب الدولي ب 3 كتب مجمعه ..

 اشتغلت ليدر أو مؤسس كيان ..؟ 

_ لا حقيقي مشتغلتش ليدر ولا مؤسس كيان قبل كده

الكيانات اللى كنت موجود فيها ..

_ كنت موجود في وطن الحروف ، و موجود حاليا في كيان أمارليس و كيان روح

نفسك توصل ل اى ف مجالك ..؟

_ مش حاطط هدف معين ، لأني مش بحب النهايه اللى اكون كسبان فيها لا ، لاني شايف ان النهايه بتكون بداية فشل ، إنما السعى ورا الحلم ، بيكون طريق نجاح ، وانا مكمل ومش حاطط هدف معين

رساله تحب توصلها لغيرك ..

_ منسمعش لكلام حد ، نركز في نفسنا بس ، طول ما بتحب الحاجه اللي بتعملها ، رأي غيرك ميأثرش عليك ، اهتم بالحاجه اللي بتحبها ، عشان هي اللي هتنفعك