حوار صحفي مع الكاتبة مي محمود حسين

 الاسم: مي محمود حسين/ورد.

السن: ١٨ سنة.

المحافظة: سوهاج.

الموهبة: كاتبة، ديزاينر.

بدأتِ امتى؟

 من سنة ونص تقريبًا. 

اكتشفتِها ازي؟ 

كنت بكتب خواطر صغيرة معبرة عن حالتي، فجأة خسرت شخص والشخص دا كان بابا ضعفت جدًا كنت محتاجة أحس أني مش لوحدي في الفترة دي بس للأسف كنت لوحدي جدًا ملقتش حد جمبي وقتها بقيت منعزلة عن البشر كلهم بقيت أنا وقلمي بس وقتها كنت بكتب كل حاجة جوايا واحدة واحدة أتعرفت على أشخاص كانوا السبب في أنهم يساعدوني أطور من موهبتي وبدأت أعمل روم نشر وعملت بدل الواحد أربعة وفي ناس كتير بتحب تقرأ كتاباتي حاليًا.

نوع الكتابة:

_خواطر.

_ نصوص.

_ قصص قصيرة.

_ روايات.

مين دعمكِ؟ 

ربنا عز وجل، أهلي، شخصية غامضة.

إنجازاتك:

بجهز لكتاب منفرد أن شاء الله هينزل معرض الكتاب السنة دي.

جزء من كتاباتك:

لقد عدت من جديد.

 أشتقت لهذه الحروف البسيطة التي تخرج من داخل فؤاد قلبي، نعم فـهى تعبر عن كل شيء يحدث بداخلي وتجعلني أستطيع الاستمرار مع كل شيء يحدث في حياتي من ألم وأشياء كثيرة تجعلني أكره هذه الحياة بكل شيء يوجد فيها.

 ‏ ‏لكن عندما أعود وأكتب هذه الكلمات البسيطة التي تستطيع محو كل الآلام التي بداخلي أستطيع الصمود وتحمل أي شيء يحدث معي ولقد أقسمت من داخلي أنني لن أعود مثل ذي قبل، الفتاة الصغيرة الضعيفة التي لا تستطيع تحمل أي شيء مهما كان صغير، وتشعر بالضعف والعجز عن فعل أي شيء.

 ‏ ‏لكن ها هي الآن تستطيع الصمود ومواجهة أي شيء مهما كان صعب وأقسمت أن تكون هذه العودة بلا غياب.

 ‏ لـ مي محمود/ورد.

الكتب الي اشتركتي فيها:

-أقلام عازفة.

-‏ملامح مزيفة.

-‏نثرات قلم .

-‏ أرسلان .

اشتغلتي ليدر او مؤسسة قبل كده و في كيان ايه؟ 

 آه في كيان :

 ‏_فُؤَاد مُغْتَم.

_ ‏أطياف الهوى.

 ‏_مؤسسة الإبريز.

 ‏

الكيانات الي كنتي فيها:

-إيجي رايتر.

- ببليوتكا.

نفسك توصلي لأي في مجالك:

انزل اول كتاب بأسمي وحاليا قرب يخلص وهينزل بإذن الله قريب هيكون في معرض القاهره السنه دي.

تعرضتِ لحاجة احبطتك قبل كدَ في مجالك:

 آه و كنت بقوى أكتر بكل إحباط بتعرض ليه وكنت بثبت لنفسي اني أقدر أكون أحسن وأنجح في حياتي أكتر.

رسالة تحبي تقوليها لغيرك:

حابه أقول لكل بنت بتقرأ كلامي دلوقتي أنتِ تقدري تحققي الل بتحلمي بيه هتلاقي الموضوع صعب في الأول بس هتقدري هتلاقي بشر كتير بيعترضوا على كده وهتلاقي إحباط كتير ومن أقرب ناس لبكِ لكن كوني قوية وأثبتي للكل أنك تقدري 

وأن كل حاجة بإذن ربنا ممكنه وأنك هتوصلي لحلمك ما دام أنتِ جواكِ الدافع لكده.

ايه اول اعمالك وهل فخوره بيها وبطريقتها ولا لا سواء كان سرد أو حوار او حبكه:

أول أعمالي كان بعض الكتب المجمعة وبجد فخورة بالتجربة دي .

استفادتي ايه من تجربتك:

إنى انجح علشان نفسي.

اكتر عيوب فيك ك كاتب ونفسك تغيرها:

إني في أوقات معينة مش بقدر أكتب أتمنى إني أتخلص من دا وأقدر أكتب في أي وقت أن شاء الله.

السؤال الأخير ايه تقييمك لنفسك:

كل الل أقدر أقوله الحمدلله على كل الل أنا عليه الآن وبشكر ربنا علشان هو الل وصلني لكده .