حوار صحفي مع الكاتبة لقى محمد

 ‏الاسم:  لقى محمد " غُصن "

السن:  15 ونص 

المحافظة:  القليوبية

الموهبة:  الكِتابة 

بدأتِ امتى؟  في سن 11 سنه 

اكتشفتِها ازي؟  كان في مسابقه في المدرسة لكِتابة قصة قصيرة واشتركت فيها و وقفت فترة ورجعت اكتب في سن 13 سنه 

نوع الكتابة: روايات طويله ، نوفيلات ، اسكريبتات ، خواطر ، نصوص ، إرتجالات

  مين دعمكِ؟  والدتي

إنجازاتك: شاركت في كِتابين مُجمعين قصص قصيرة وثلاث كُتب مجمعه خواطر لسه منزلوش و حصلت على العيد من الشهادات ونزل ليا نوفيلا على جوجل بلاي و خمس مدونات وعضوة في دار بوڤار و عضوة في مبادرة غسق ونزل ليا لقاء صحفي على جريدة غسق و تم عمل لي حوار صحفي في كيان النجوم 

جزء من كتاباتك:   " دفئ مشاعِر "

ابتسمت بشوق و أنا اتذكر ليلتنا الدفيئة ، مِثل دفئ يديكِ ، لألمس يدي أتخيلكِ أمامي ، أجتاحنِ أنين مُحبب إليكِ ، وَ أنا اتذكر ارتعاشِت جسدك عِند سماعُكِ صوت الرعد ، وَ نظرت إلى عينيكِ التي تجعلني أزوب في بحور وفوق البحور بحورًا من حبِ لكِ ، نظرت إلى تِلك الشمسية التي شهدت على نظرتِ المعشوقة لكِ ، ليصرُخ قلبي باشتياق مُناديًا لكِ 

يالا هذا الشعور الذي يُزَلزِل كياني عِند النظر إليكِ ، أتذكر جيدًا تَمسُكِك بي عِند هطول المطر يا الله لو تعرِفين كيف كان يَرقُص قلبي على أنغام قهوة عينيكِ 

اُريدُكِ أن تسمعِ تِلك الطبول التي تطرُق على باب عقلِ عِندما استشعِر دفئ يديكِ ، لِأشعُر وكأنما تورد العَالم من حولِ ، شعَرت حينها أنكِ مَلِكة تحتلين ذَلِك الربيع الذي لم يأتي بعد ، ولكِنك مَلِكة تحتلين ربيع قلبي 

بقلم / لقى محمد | غُصن

الكتب الي اشتركتي فيها:  كِتاب ورقي مُجمع قصص قصيرة اسمه " ربما تجد قصتك هنا " تحت عنوان *حكاية ورد* و كِتاب إلكتروني مُجمع اسمه " حكاوي مدد " واللِ شاركت فيه بقصتين تحت عنوان " رائحة القهوة " و " بارقة أمل " والثلاث كُتب أخرين مقدرش أعلن عنهم دلوقتِ 

اشتغلتي ليدر او مؤسسة قبل كده و في كيان ايه؟  مشتغلتش في كيانات حالياً بس عندي روم واتساب لكِتاباتي و روم فيسبوك و بيدج انا اللِ عملاهم

الكيانات الي كنتي فيها:  كتير بس منهم كيان نصوص عظيمة 

نفسك توصلي لأي في مجالك: الطموح مبينتهيش 

تعرضتِ لحاجة احبطتك قبل كدَ في مجالك:  اه 

رسالة تحبي تقوليها لغيرك:  مادِمت على قيد الحياة لا تترُك أحلامك مهما تعسرت في طريقك للوصل إليها

ايه اول اعمالك وهل فخوره بيها وبطريقتها ولا لا سواء كان سرد أو حوار او حبكه: أول روايه ليا هي عاصفه بعثرت حبنا و أول كِتاب اشترك فيه هو ربما تجد قصتك هنا 

و الحمد لله راضية جدًا بكل كتاباتي 

استفادتي ايه من تجربتك:  كتير بس أهمهم اني متخلاش عن حلمي 

اكتر عيوب فيك ك كاتب ونفسك تغيرها: التأخر في تنزيل كِتاباتي بس ده مبيبقاش بأيدي 

السؤال الأخير ايه تقييمك لنفسك:‏ جيدة نوعاً ما

حوار صحفي مع الفوتوجرافر محمد النوبي

 الاسم: محمد النوبي أحمد حسانين 

السن: 27سنة

المحافظة: الأقصر

الموهبة: التصوير

بدأتَ امتى؟ من 6 سنين

اكتشفتَها ازاي؟ أول حاجة كنت بحب الصور وبحب اتصور ولحد لما بقيت بصور بكاميرا واحد صاحبي، وابتديت اصور لحد من سنتين بالظبط بقيت أفهم اي المطلوب وازاي أظبط الصورة زي ما أنا عاوز واي المتطلبات اللي محتاجينها مني.

مين دعمك؟ والدي الله يرحمه ثم والدتي ربنا يديلها الصحة وطولة العمر يارب

جزء من اعمالك: قمت بأكثر من 100 جلسة تصوير.

الأعمال الي اشتركت فيها: عضو لمؤسسة فيتو للأعمال الخيرية ومنظمة ال aic، وتصوير الأعمال والحافلات الخيرية، مصور لشركة كريستال ويتر.

نفسك توصل لأي في مجالك: تصوير سينمائي.

تعرضت لحاجة احبطتك قبل كدَ في مجالك: كتير جدًا بس كنت واثق في موهبتي وفي كرم ربنا.

رسالة تحب تقولها لغيرك: ماتسمحش لحد أنه يقلل منك مهما كان مستواك.

إيه أول أعمالك وهل فخور بيها وبطريقتها: صور لمنتجات، فخور بيها جدًا وبحبها جدًا لأنها كانت من أول تجاربي، أنا بحب النوع دة من التصوير .

استفادت ايه من تجربتك: اتعرفت على ناس كتير وده شيء بحبه جدًا.

اكتر عيوب فيك ك مصور ونفسك تغيرها: إن مش بحب أرد على حد أثناء التصوير لأني بكون مركز في الشغل.

السؤال الأخير ايه تقييمك لنفسك: في الوقت الحالي 70%

حوار صحفي مع الكاتبة ياسمين رمضان

 الاسم: ياسمين رمضان عبدالناصر

السن: 21

المحافظة: المنوفية

الموهبة: كاتبه

بدأتِ امتى؟ من 4شهور

اكتشفتِها ازي؟ واحده صحبتي هي اللي شجعتني عن الكتابه كنت بكتب قبلها ولكن هي من جعلتني اخد خطوه لقدام واكتب اكتر 

نوع الكتابة:خواطر وارتجلات

مين دعمكِ؟ إبراهيم خطيبي هو اكبر داعم ليا وطبعا عمتي واصدقائي 

إنجازاتك:تم الاشتراك في العديد من الكُتب ومنها كتاب آيساً ونقطه البدايه وكأنك لن تعود ونشرت في العديد من الجرايد والعديد من الكيانات وتم تكريمي الكثير من المرات 

جزء من كتاباتك:*نفوس تناثرت حبرًا*

معاناتي وضعفي وكل شيء أشعر به لا أعرف أن أبح به إلا في كتاباتي، إنها ليست مجرد حبر علی الورق، ولكنها تجارب مريرة، وأيام في غاية الصعوبة، والشعور بالوحدة وكأن من يؤنسني في وحدتي هي مذكراتي وقلمي، الأمر ليس بهذه السهولة، ليس من السهل أن أصف حالتي بقليل من الكلمات، ليس من السهل أن تكون معاناتي وآلامي مجرد حبر علی ورق، ولكن أنا أشعر بالراحة عندما أفرغ طاقتي في كتاباتي، لقد أحببت الكتابة، وهي أحبتني فقد أصبحت أذهب إليها دائمًا في جميع حالاتي، عندما أكون سعيدة أذهب إليها؛ لكي أخبرها سبب سعادتي، وعندما أحزن أذهب إليها وأكتب كلماتي الممزوجة بدموعي وآهاتي؛ فأنا للكتابة أصبحت عاشقة. 

بقلمي: ياسمين رمضان

الكتب الي اشتركتي فيها:كتاب آيساً ونقطه البدايه وكأنك لن تعود 

اشتغلتي ليدر او مؤسسة قبل كده و في كيان ايه؟ لاء لسه مختش الخطوه دي

الكيانات الي كنتي فيها: هناك الكثير ولكني غير متذكره الآن غير كيان حلم كاتب ريفي وكيان ارواح باهته وكيان شغف وزادك وعُمق وافانين 

نفسك توصلي لأي في مجالك:طموحاتي ليس لها نهاية نفسي اكون حاجه مهمه في المجتمع نفسي اكون قدوه لغيري 

تعرضتِ لحاجة احبطتك قبل كدَ في مجالك: ايوه في بداية مسيرتي ولكن كل انتقاد وكل رأي سلبي كان بيكون دافع ليا اني اعمل حاجه اجمل واني اطور من نفسي 

رسالة تحبي تقوليها لغيرك: خليك ورا هدفك وحلمك ومتسمحش لحد انه يكسرك بكلامه وحول اي انتقاد لتشجيع ليك وطور دايما من نفسك وتقبل النصائح من الغير 

ايه اول اعمالك وهل فخوره بيها وبطريقتها ولا لا سواء كان سرد أو حوار او حبكه: اول عمل ليا كانت خاطره وتم مشاركتي بها في كتاب آيساً وهي:..... ذهب ولن يعود.... 

اين الوعود ذهبت ولن تعود اين الحديث سقط مع الزمان اين الحب الذي كان يملأ قلبك من زمان اين السلام والاهتمام لماذا لا اري اي شيئ من كل هذا لماذا رحلت بدون مبررآ او وداع لماذا تركتني منتظره كل هذا الوقت علي امل انك سوف تأتي لماذا الرحيل قبل الاوان لماذا تجمد قلبك واصبح غير الذي كان لماذا القسوه لماذا الرحيل بعد التعلق انت تركتني وكل هذا يدور بعقلي اذهب فلن امسك بك فإنك لا تحبني

لـ ياسمين رمضان

استفادتي ايه من تجربتك: ان بلعزيمه والاراده هتوصل لهدفك وتحققه ان الكتابه ليست كلام علي ورق بل احساس ومشاعر داخليها نفرغها بلحديث في الكتابات

اكتر عيوب فيك ك كاتب ونفسك تغيرها:اني مش بقرأ كتير ومش عارفه كُتاب اكتر ولكن بحاول بأقصي ما يمكن إني اتعمق في مجال الكتابه اكثر 

السؤال الأخير ايه تقييمك لنفسك:مش انا اللي هقيم نفسي لان محدش هيقول علي نفسه وحش ولكني فخوره جدا الي ما وصلت إليه ولكني هترك الحكم للناس ولكل شخص قرأ كتباتي

حوار صحفي مع الكاتبة ماجدة اسلام

 الاسم: ماجده اسلام جوده#فايوليت#

السن: 17

المحافظة: الشرقيه

الموهبة: الكتابة واللقاء الشعر وبتعلم كتابة الشعر

بدأتِ امتى؟ اول ظهور مواهبتي امام الجميع يوم 28/7/2021

اكتشفتِها ازي؟ كنت في يوم من الايام كنت مخنوقه من حاجه فمسكت ورقة وقلم وسردت كل اللي كان مدايقني وبعديه بشويه استغرابت كانت اول اكتب حاجه بتحصل معايا وبعدها بقيت اكتب قصص وروايات

نوع الكتابة:قصص وروايات وخواطر

مين دعمكِ؟ عائلتي واصدقائي وخطيبي هو اكتر شخص شجعني ان اظهر موهبتي مكانش حد يعرف بيها غيره

إنجازاتك: حصلت على شهادتين من مبادرة مختلفة وعلى درع التميز والابداع من المجلس الاعلى للصحافه والاعلام وجريدة الفكر العربي وحصلت على لقب القلم الذهبي ولقب الابداع من مبادرة حلم مواهب

جزء من كتاباتك:

‏#الصداقة# 

الصداقةُ شئٌ جميلٌ جدًّا ،فكل حرفٍ في هذه الكلمةِ تحملُ معانٍ كثيرةٍ؛ فهي تجعلُ الكونَ لهُ بهجة، هي أعظم شئ في الكونِ، وأنتِ ياصديقتي كوني،فبدونك لا يوجد طعم للحياة، فأنتِ تُشبهينَ دقَّات قلبي فإن رحلتي تقف وأُصبح شخصًا شبه ميتٍ مدفونٌ تحت الرغام،يا صديقتي الجميلة , يا قلبي الثاني ورئتي الثالثة ،يا من يساندي في كل الأوقات والأماكن وجميع الحالات ،أنتِ جمال الدنيا وعالمي الآخر ، أنتِ روحي ياصديقتي،فلا تفكري يومًا في أن ترحلي؛ فأصبح جسدًا بدون روح،دمتي لي طوال العمر ياصديقتي،يارب ياخالق الكون احفظ لي صديقتي أينما تكون،بعض الأشخاص يوجد لديهم فضول ويريدون أن يعرفوا من هي صديقتي العزيزة ؟ هي نفسي أنا لا يوجد لدي أصدقاء ،فما معنى الصداقة التي لا يوجد فيها حب وإخلاص ووفاء،فنحنُ سمعنا عن الصديقة التي دبرت لقتل صديقة عمرها،فهل من الممكن أن أفهم معنى الصداقة في هذه الحال؟‏

 

الكتب الي اشتركتي فيها: كتاب آسيا "خواطر مجمعه"وكتاب هلاوس"قصص مجمعه"كتاب نقطه بدايه"خواطر مجمعه" جميعهم وراقيه

اشتغلتي ليدر او مؤسسة قبل كده و في كيان ايه؟ كنت بخطط لتاسيس كيان خاص بي لكني ترجعت عشان الدراسة سحقق الفكره في وقت اخر وامين سري لفريق شيلد حمهوري ودولي

الكيانات الي كنتي فيها: حلم بسيط،وروح عازفه

نفسك توصلي لأي في مجالك: النجاح مش له نهايه كل مره عاوزه اوصل اعلي من اللي وصلت ليه بنسبالي اللي عاوزه اوصل له مش له نهايه

تعرضتِ لحاجة احبطتك قبل كدَ في مجالك: في بعض الاوقات ناس مكنتش بتصدق ان الكتابات بتعتي من تالفي ولكن كانو خطوه لنجاح ليه وفي اللي بيقولك ايه الفائده من الكتابة ده كله تشجيع ليه مش احباط

رسالة تحبي تقوليها لغيرك: متتخلاش عن حلمك ابدا مهما كانت الظروف حارب عشان حلمك وأهداف خالي احباط اللي حوليك تشجيع ليك في مقوله بتقول الم تجد لك حاقد فعلم انك فاشل

ايه اول اعمالك وهل فخوره بيها وبطريقتها ولا لا سواء كان سرد أو حوار او حبكه:اول عامل ليه كان خاطره واشتركت بيه في كتاب واتكرمت عليه انا فخوره بكل اعمالي مش الاول بس

وده اول عمل ليه:

الليلُ جميلٌ في سكونه، فهل تعلمون ما أمر به في الليل الجميل؟

إنَّنِي أمر بعاصفة تخطفني إلى مكانٍ بعيدٍ، تُرى ما هذا المكان؟!

هذا المكان الذي تتجمع فيه آلامي؛ ولكني لا أريد الذهاب إلى هذا المكان، تعرفون لماذا؟ لأنه مؤلم للغاية؛ ولكني أذهبُ إلى هذا المكان في كل ليلة، أصبحت شخصًا لا تؤثر فيه السعادة؛ بسبب كثرة الآلام المتراكمة، فسلبت روحي ودفنتها؛ ولكنَّنِي أريده في عالم آخر،

فهل هذا ممكن؟

هل أنا وحدي في هذا المكان؟

استفادتي ايه من تجربتك: التفاؤل الثقه بالنفس الامل ان الحياه له معني عشان نعيش ونحقق احلامنا

استفد مققوله#انا استطيع وانت تستطيع،وان لم تستطيع انا اول من يستطع#

اكتر عيوب فيك ك كاتب ونفسك تغيرها:اني في بعض الاوقات مش برجع كتابتي بس الحمد لله بدات ارجع كل كتابتي

السؤال الأخير ايه تقييمك لنفسك:مش انا اللي اقيم نفسي الناس اللي تقيمني بس انا فخوره بكل انجاز عملته

حوار صحفي مع الكاتبة آلاء محمود

 الاسم: آلاء محمود.

السن: 14.

المحافظة: القاهرة.

الموهبة: كتابة.

بدأتِ امتى؟ من خمس شهور او اكتر تقريبا.

اكتشفتِها ازاي؟ كنت بكتب عادي وكنت اعرف كُتاب وحبيت اتطور من كتاباتي ودخلت كيانات وبدات اتطور من كتاباتي ومن نفسي.

نوع الكتابة:خواطر، اسكريبتات، روايات، ارتجالات.

مين دعمكِ؟ كُتاب اتعرفت عليهم سوشيال لان كله اتفاجأ بيا حتى أهلي وكل إللي أعرفهم

إنجازاتك: بالنسبالي الخطوة زي كدا ده إنجاز ليا وفخورة بيه جدا، وحصلت علي شهايد كتير من كذا كيان ومبادرات.

جزء من كتاباتك: لماذا لا نستطيع أن نترك البشر وننعزل بعيدًا عن بشاعة العالم؟ ونحنُ بأيدينَا نبتعد ونتخلص من تلك البشر اللعينة، لقد تعرضنا إلى الخذلان مِن هؤلاء الذين خدعوا قلوبنا الصافية، كنا لا نعرف معنى الحزن والكراهية، ولكن هم تركوا بقلوبنا أثر لعين، هل أحد منهم يتذكرنا ويبكي لأجلنا؟ لقد كانت العزلة تود بي أكثر مِن هؤلاء البشر، حقًا لم أعد أعرف من أنا، تحطم كل شيء بقلبي، كم هو سيء هذا العالم حقًا.

#_آلاء_مَحمود"سُهَيله"

الكتب الي اشتركتي فيها: كتاب افتكرني إليكتروني.

اشتغلتي ليدر او مؤسسة قبل كده و في كيان ايه؟ اشتغلت ليدر في كيان ايفوريا وكيان همسات.

الكيانات الي كنتي فيها: مآقي الليل، نسمات الألم، سَحيق، وكذا كيان تاني كتير، ومبادرات بردو.

نفسك توصلي لأي في مجالك: أكون كاتبة مشهورة والناس تقرأ ليا وتكون حابة كتاباتي واللي بكتبه وأكون حاجة مميزة.

تعرضتِ لحاجة احبطتك قبل كدَ في مجالك: اهه من ناس قريبة مني ولكن دي خلتني ابقى أقوى واشتغل علي نفسي أكتر.

رسالة تحبي تقوليها لغيرك: خليك ورا حلمك مهما حصل ومهما هيحصل، حلمك محتاج أنك تتعب عشانه والنجاح مش بيجي بسهولة ولازم نتعب عشان ننجح، واكيد هيجي في يوم تبقى ناجح.

استفادتي ايه من تجربتك: استفادت حاجات كتير أوي زي اني افضل ورا حلمي مهما حصل وان لازم أصبر عشان اوصل للي عايزاه وان مفيش نجاح بيجي مرة واحدة.

اكتر عيوب فيك ك كاتب ونفسك تغيرها: إني افضل مشغولة كتير واتاخر في الكتابة، وكمان بنسى اراجع بعد ما أكتب.

السؤال الأخير ايه تقييمك لنفسك: مش هقول إني ممتازة اوي لأني لسه في بداية الطريق ولكن كويس إني وصلت للمرحلة دي وكويس بتقدير جيد جدا، لاني لسه موصلتش اني اكون أحسن حاجة.

حوار صحفي مع الكاتبة ندى صفوت

 الاسم:ندي صفوت صبحي صبري زايد. 

السن: 16سنه

المحافظة:كفرالشيخ

 

الموهبة: الكتابه+الشعر والإلقاء والإنشاد. 

بدأتِ امتى؟ الكتابه من حوالي سنه والباقي من حوالي شهور. 

اكتشفتِها ازي؟ كان عندي معرفه م فلسطين ف كانت دايما تنزل استوريهات كتابه وكداا وتكتب اسمها تحتهم ف انا قولت ادخل اسألها اي ده ف قالتلي انها كاتبه وكدا فتره ولقيتها بتنزل كتب وعليها اسمها ف عجبتني الفكره دخلت قولتلها انا عاوزه ابقي زيك وحقيقي والله العظيم اول مره ف عمري اشوف شخصيه نقيه وكويسه زيها كدا ف قالتلي وتكوني احسن مني كمان ف بدات معايا وحده وحده وبدات تبعتلي صور وانا ارتجل بس ف الاول عرفتني يعني اي ارتجال وكدا وكانت بتصححلي الارتجالات بتاعتي وتقولي ي ندي دي خطأ دي صح متعمليش دي تاني وكدا لحد م مكنتني وبقت بدل ما ارتجل ع صوره كل يوم بقيت ارتجل ع اكتر من اربع صور كل يوم وحقيقي حكايتها لسه اطول من كدا بكتيرر ف اقدر اقول من هنا اكون اكتشفت موهبتي ولولاهاا بعد ربنا انا مكنتش وصلت لمكانتي حاليا (فاطمه حمدات) مُعلمتي. 

نوع الكتابة:خواطر واسكريبتات وقصص وروايات. 

مين دعمكِ؟جدي الله يرحمه وعمي حبيبي ربنا يطول ف عمره وصحبتي ريم ومعلمتي فاطمه. 

إنجازاتك و الكتب الي اشتركتي فيها:اعتقد وصولي لحد هنا نجاح بالنسبالي واعتقد دا اول انجاز اعمله اني بقيت كاتبه كويسه ف وقت صغير جداً وبتشتغل ف كذا حاجه غير الكتابه ف شركات وبدور ع عمل تطوعي وبطور من نفسي عشان اظهر للعالم كله وبحاول افضي نفسي عشان اكمل حفظ كتاب الله؛اشتركت ف ٨كتب ورقي و٢إلكتروني بس الالكتروني التاني لسه بيجهز📚. 

اشتغلتي ليدر او مؤسسة قبل كده و في كيان ايه؟ ايوه كيان الندي الخاص بياا عشان عملت كتاب فيه وكنت انا المشرفه والمؤسسه بتاعته. 

الكيانات الي كنتي فيها:كتير

كيان الندي 

كيان مزيج

كيان لطف

كيان رحيق

كيان انفصام

كيان تبلج قلبم

كيانات كتيرر

ومبادرات زي المليون كاتب وكاتب ازهري. 

نفسك توصلي لأي في مجالك:نفسي اوصل لحاجه عاليه نفسي اكون متميزه ومش شرط ف مجال واحد لا انا عاوزه اكوم عارفه ف الكل المجالات. 

تعرضتِ لحاجة احبطتك قبل كدَ في مجالك:كتيرر لاكن مضعفتنيش بالعكس قوتني جداً جداً جداً. 

رسالة تحبي تقوليها لغيرك:تقبل الانتقاد بالايجابي مش بالسلب والله لو عملت بالمعلومه دي بالذات هتكون ناحج قوي ف حياتك فييما بعد وخلي ايمانك قوي ف ربنا وثق فيه وثق ف نفسك ومتقولش انا مبعرفش وكلام من دا قول انت قد اي حاجه تخيل نفسك قدام تخيل ننفسك واهلك فخورين بيك تخيل نفسك لما تبقي انسان ليك شأن بس حط ف دماغك حاجه مهما نجحت خليك انسان متواضع وبعد الناس الي تقولك اتغيرت بعد م بقيت حاجه حاول تقولهم ع الضغط الي بتكون فيه تقبلواا كان بيه متقبلوش وبردوو قالوووو  اتغيرت ف فل ارمي كل حاجه ورا دهرك عشان بجد محدش بيحس بحد غير لما يمر ب حالته ف اهم حاجه ثقواا ف الله دا اهم شيء. 

واحب اوجه حاجه اخيره

انا انسانه بحب الصعيد جداً جداً جداً وان شاء الله ف يوم م الايام اكون عندهم وحابه بس كل الناس الي بتقول الصعيد بيها لا الصعيد مش بيها انت بس الي دماغك عرفتهم من المسلسلات لاكن مش من شخصهم متحكموش ع حد من غير م تعرفووه عشان هتندوموواا بجد.

 

(الصعيد نعمه)♥️♥️♥️.

حوار صحفي مع الكاتبة ميار صفوت

 الاسم: ميار صفوت مصطفى"الفراشه الصغننه"

السن: 22

المحافظة: سوهاج

الموهبة: رسم -كاتبه

بدأتِ امتى؟ كتابه من تلات شهور ورسم من تلات سنين تقريبا 

اكتشفتِها ازي؟ كتابه اتكشفتهاا لمه كنت بكتب عن نفسي ف مذكرتي خاصه وكنت بشارك بعض خواطر ع سوشيال..الرسم ده كنت بكرهو من طفولتي بس من تلات سنين تقريبا اتكشفت أنه عندي موهبه رسمت مع خواتي رسمه مصدقتش نفسي اني انا لي رسمتهاا اهلي شجعوني وحليا بنمي موهبتي لسه

نوع الكتابة: خواطر وشعر وقصص وروايات

مين دعمكِ؟ناس معينه  لأنه كل كل اتفاجاأ بيا حتي اهلي واصحابي 

إنجازاتك:بنسبالي اني اخد خطوه زي كدا ده انجاز لي نفسي وفخوره بيه وحصلت ع شهايد ودرع 

جزء من كتاباتك:

"عن صحابي اتحدث "

وليا صاحبة شايلاني 

مطاوعاني وقابلاني

وعارفه ايه عيوبي 

ورغم عيوبي حباني 

تكون ف الازمة أول إيد 

وتبقى ف ضهري واقفة حديد

ولما همومي فجأة تزيد 

واكون بحكي وبفضل اعيد

كلام كتير وباتأكيد

محدش غيرها يستحمل

محدش غيرها هيشلني

مهما قولت ومهما اعيد

ميار صفوت "الفراشه الصغننه"

الكتب الي اشتركتي فيها: انكثام الليل وايسآ والسلام المسلوب وف وحد لسه اينطبع بدايتي وانا صحابة مؤسسة كيان الفراشه الصغننه

اشتغلتي ليدر او مؤسسة قبل كده و في كيان ايه؟اه مؤسسة ف كتاب بدايتي كيان الفراشه الصغننه  

الكيانات الي كنتي فيها: لسه ده اول وحد وكيان خاص بيه انا الفراشه الصغننه 

نفسك توصلي لأي في مجالك: نفسي اكون معروفه ف مجال رسم وكتابة 

تعرضتِ لحاجة احبطتك قبل كدَ في مجالك:كتير بس الحمدلله مش بستسلم 

رسالة تحبي تقوليها لغيرك: أنه يسعي وميستسلمش لي ظروف وامشي ف طريقك طول ماانت شايفه صح ومتخليش حد يحبطك لأنه اتلقي ناس كتير كدا لانه انتي أو انت تستحقي انك تجعل لي نفسك حياه جميله لذاتك 🙂

ايه اول اعمالك وهل فخوره بيها وبطريقتها ولا لا سواء كان سرد أو حوار او حبكه:انكثام الليل فخوره بيه جدا ...

استفادتي ايه من تجربتك: اني مسمعش كلام ناس لي بتحبط وأنكشفت أنه مهما بيحصل بين أهلي هما رقم 1وهما سندي ودعم الأساسي ليا هما سند واساسا ف لي وصلتلو ولي لسه أوصله بااذن الله

اكتر عيوب فيك ك كاتب ونفسك تغيرها: سريعه ف افكاري وكمان رسم سريعه جدا وده أكبر حاجه فيه وحشه ونفسي اغيرهاا 

السؤال الأخير ايه تقييمك لنفسك:متوسطه بس بااذن الله اطور ف مجالين رسم وكتابه

حوار صحفي مع الكاتبة إسراء إبراهيم

 الاسم: إسراء إبراهيم

السن: 20

المحافظة: الشرقية

الموهبة: الكتابة والقراءة

بدأتِ امتى؟ 10 شهور

اكتشفتِها ازي؟ أنا بحب القراءة وكان عندي جزء بسيط في الكلية إننا نكمل قصة بحسب أفكار كل واحد وأنا وجدت إن عندي أفكار كويسة وأحداث وخيال وسرد كويس وبكتب كويس ولما صحابي قرأوا اللي كتبته شجعوني إني أنمي الموهبة دي 

نوع الكتابة: اسكربتات وقصص وروايات

مين دعمكِ؟ صحابي وأختي

إنجازاتك: معظم رواياتي نزلت على مواقع إلكترونية منهم:

«فوزية القوية 

الأخ القاسي

أريده شبهي

بهية والبلطجي

أغرب صدفة

صعيدية وأفتخر

حكايتي في الثانوي

روح الفؤاد»

 بقيت معروفة من بعض الناس اللي متابعة أي حاجة بنزلها والحمد لله ده بفضل الله وبقيت اجتماعية أكثر

رواية روح الفؤاد مازالت قيد الكتابة

جزء من كتاباتك: «من رواية روح الفؤاد»

قاعدين في الصالون وهو بدأ كلام

احم طبعا أنتي عارفة إني جاي أطلب إيدك حابة تسألي على إيه

هى: أنا أصلا مش موافقة

هو بزعل: ليه

هى ببرود: أنت في عقلك أنت المفروض تروح تتقدم لواحدة في مستواك لأني مهقبلش بيك لأن مستواك اوطى مني

هو بصدمة من كلامها: أنتي بتقولي إيه

هى: في إني مش هقبل بواحد بشهادة دبلوم وأنا تعليم عالي

 تيجي إزاي دي أنا واحدة تعبت في مذاكرتي وأهلي صرفوا عليا كتير وبعد ده كله اتجوز أي حد ولا إيه

أنا مش أقل من صحباتي اللي مخطوبة لدكتور واللي متجوزة مهندس ولا دكتور برضوا

وانا هتكسف أقول ليهم إني مخطوبة لواحد معه دبلوم

هما هيكونوا بيتفاخروا بيهم قدامي وأنا هكون قاعدة بسمع كلامهم ومقدرش اتكلم زيهم ولا هقدر أرفع عيني ليهم

هو: قصدك تتفشخري بمستوى التعليمي لخطيبك ولا جوزك

هى مردتش عليه وكملت: أنا صحبتي متجوزة مهندس زيها

أنا عايزة واحد من مستوايا يكون كمان مهندس زيي مش أي كلية أقل مني كمان 

وأنت بقى يا أبو دبلوم هقبل بيك

فؤاد: أنتي اتجننتي إزاي تكلميني بالطريقة دي يا روح لولا إنك بنت خالتي كنت اتصرفت معك تصرف تاني

أنتي أصلا طلعتي واحدة تفكيرك محدود وجا*هلة وتفكيرك عقيم يا روح أنتي زي ميكون متعلمتيش

هو إيه مستوى تعليم واطي وعالي ده اختراع جديد بتفكري إزاي فين الثقافة أنتي كده بتتساوي زي اللي متعلمش خالص

الجواز مكنش بالتعليم والشكل والمظاهر إنما بالاحترام

 والاهتمام والحب والثقة والتفاهم وإن واحد يكون قادر يصرف عليك وطلباتك تكون مجابة

مش كل اللي واخدين كليات كويسين وطريقة تعاملهم حلو

 ممكن ميعرفش إيه المودة والرحمة كل همه شغله وزعيق

 طول اليوم ويركنك عالرف ساعتها هتكوني مبسوطة يعني

ومش كل اللي واخدين دبلوم وحشين ممكن تلاقي معه الحنية والاهتمام وكل طلباتك عندك ومش هيحسسك بالنقص وبيكون لبق في الكلام

أنا مبقولش كده عشان أنا معايا شهادة دبلوم أنا أصلا بفتخر بنفسي طالما بصرف على نفسي وعلى أمي وأختي

ومش مخليهم عايزين حاجة ومستوايا المادي كويس

بس للأسف بسبب كلامك وتفكيرك ده أنا اللي بقولك مش عايزك زوجة ليا ولا أم لاولادي لأن أكيد هتعلميهم

يفكروا كده وأنا مش عايز كده وكمان كرامتي متسمحليش إني أخد واحدة هانتني وهى مبتفكرش أصلا

أنا مستغرب إزاي أصلا أنتي مهندسة معندكيش مرونة خالص في الكلام دا أنتي كمان مش عايزة واحد في أي كلية

عايزة واحد مهندس بذات عينه بجد ده في كمية التخ*لف

عالعموم ربنا يسعدك يا بنت خالتي مع الشخص اللي تختاريه واعتبريني اخوكي

أنا أصلا مكنتش عايز اتقدملك لأن أنتي مش في بالي خالص

أنا معجب بواحدة محترمة وكلها حنية ومن مستوايا وهعرف اتكلم معها ببساطة وهى طريقة كلامها لطيفة مش متعجرفة

يلا سلام يا باشمهندسة

ده كله وروح مش مستوعبة إزاي قال ليها الكلام ده كله وكمان مكنش مديها فرصة ترد عليه

أخد فؤاد أمه ومشي وهى عمالة تسأله مالك ولكن مبيردش عليها

وصلوا البيت وكان مضايق جدا ودخل اوضته وقعد عالسرير وحط وشه ما بين ايده

وبيكلم نفسه: ليه هديتي أحلامي اللي بنيتها معك يا روح دا

 أنا حبيتك وكنت دايما بدعيلك إنك تكوني حاجة كويسة

 وناجحة وكنت فخور بيكي بس بعد كلامك معايا حطمتيني

 حرام عليكي أنا انصدمت من طريقة تفكيرك يا روح مش

 هى دي روح اللي كنت بهزر وأضحك معها وهى كانت بتهزر معايا وبتتكلم معايا باحترام ولطافة 

كلامك ده وجعني جدا يعني أنتي عارفة الظروف اللي خلتني

 أختصر الطريق وأدخل ثانوي يعني اسيب أهلي محدش

 يصرف عليهم واروح أتعلم رغم إني دخلت دبلوم صنايع

 وجبت مجموع عالي كنت هدخل منه كلية هندسة بس

 اشتغلت أكتر وبنيت نفسي لو كنت أعرف إنك بتفكري كده

 كنت دخلت كلية بعد الدبلوم وعملت معادلة بس قولت

 أشتغل أكتر من شغلانة عشان أشتري شقة كبيرة ولما نتجوز

 نسكن فيها ولكن كسرتيني بكلامك يا روح وفجاة نزل ايده

 وقرر خطوة هياخدها وهينفذها عشان نفسه أولا وبسبب نظرة المجتمع إنه بيحب المظاهر والشكليات

وفجأة جه اتصال له ورد ولكن اتخض وقال جاي

الكتب الي اشتركتي فيها: لسه مش اشتركت في أي كتاب لكن في أقرب فرصة هشترك إن شاء الله

اشتغلتي ليدر او مؤسسة قبل كده و في كيان ايه؟ لا مشتغلتش

الكيانات الي كنتي فيها: مدخلتش في أي كيان لكن بنشر على جروبات عالفيس وعلى جروبي

نفسك توصلي لأي في مجالك: إني أكون ناجحة بجد ومعروفة واكتسب محبة أكتر من الناس وأي رسالة بوصلها من كتاباتي يعملوا بيها 

تعرضتِ لحاجة احبطتك قبل كدَ في مجالك: لأ

رسالة تحبي تقوليها لغيرك: كون نفسك بنفسك وكن مميز عن الآخرين واسعى دائما للنجاح وافتخر بنفسك ولا تعتمد على أحد سوى الله توكل عليه لتكون شخصية كويسة ومحبوبة ولها مكانتها ولا تيأس أبدا لأن الله معنا وكن عندك ثقة وخض التجربة ولا تضيع أي فرصة من يديك

ايه اول اعمالك وهل فخوره بيها وبطريقتها ولا لا سواء كان سرد أو حوار او حبكه: قصة واقعية

وفخورة بكل حاجة فيها 

استفادتي ايه من تجربتك: إني أثق في نفسي واتعلمت من أخطائي اللي حصلت بداية ما كتبت

اكتر عيوب فيك ك كاتب ونفسك تغيرها: أحيانا بيحصلي فتور ولكن بالدعم من اللي حواليا والناس اللي متابعاني كله بيزول بفضل الله واللي حواليا

السؤال الأخير ايه تقييمك لنفسك: مش هقول 10 من 10 لأني لسه في بداية المشوار ولكن كويس بتقدير جيد جدا

لأن لسه موصلتش لمرحلة الإحتراف

حوار صحفي مع الكاتبة فاطمة ياسر

الاسم: فاطمه ياسر 

السن: ١٥ سنه

المحافظة: الجيزه

الموهبة: كاتبه روايات و حكم 

بدأتِ امتى؟ من شهرين

اكتشفتِها ازي؟ من سنتين كنت بكتب قصص قصيره و كانت بتعجب اهلي و بدأت اطور فيها لغايه ما بدأت اكتب الروايه 

نوع الكتابة:روايات و حكم 

مين دعمكِ؟ اهلي اولا ثم اصحابي 

إنجازاتك:روايه عشق الانس 

جزء من كتاباتك:إن لم تكن صادق مع نفسك فلن تصدق مع الآخرين 

الكتب الي اشتركتي فيها:لا للاسف مشتركتش ف كتب 

اشتغلتي ليدر او مؤسسة قبل كده و في كيان ايه؟ لا 

الكيانات الي كنتي فيها:لا دي اول مره 

نفسك توصلي لأي في مجالك:نفسي اعمل كتاب يكون ب اسمي و سلسله كتب 

تعرضتِ لحاجة احبطتك قبل كدَ في مجالك:اه مره و كانت من صحبتي

رسالة تحبي تقوليها لغيرك:شوفوا الحاجه الي انتم تكونوا حبيتها بجد و متسمعوش لكلام حد كل دا مش هيفيدك

ايه اول اعمالك وهل فخوره بيها وبطريقتها ولا لا سواء كان سرد أو حوار او حبكه:اول اعمالي كانت القصص القصيره و كنت فخوره بيها لاني كنت ف الوقت دا صغيره جدا و مع ذلك كان كل الي حواليا معجبين بيها 

استفادتي ايه من تجربتك:اني بقيت ناضجه جدا بسبب الكتابه و القراءه و اي مشكله سواء ف العيله أو الصحاب بلاقيلها حل يردي الطرفين ف دي بالنسبالي و بالنسبه لسني حاجه حلوه 

اكتر عيوب فيك ك كاتب ونفسك تغيرها:اني اوقات ببقي مشغوله ب حاجات و بتأخر ف الكتابه و كمان بنسي اني اراجع بعد ما اكتب

السؤال الأخير ايه تقييمك لنفسك:اكيد أنا مش احسن حاجه ف ممكن ٦ من ١٠

حوار صحفي مع الكاتبة يسرا عبدالناصر

 الاسم يسرا عبدالناصر عبدالستار

السن: 19 سنه

محافظة الجيزه

موهبة كتابة خواطر و شعر

اكتشفتها ف سته إبتدائى كنت ف حصه و كان في كشكول كاتبه فيه خاطره يعني صغننه و المدرس شافها قالى انتى الل كتباها؟ و انها حلوه و كدا و من ساعتها بدأت أكتب خواطر 

بدأت كتابة شعر من 3 سنين بس 

اكتر حد قدملى دعم كان أمى لأنها من صغري بتشجعني و بتساعدنى و بتقولى دايماً هتكونى ف يوم كاتبه كبيره ♥️

إنجازاتى خدت 3 شهادات من كذا كيان مختلفين عن بعض 

مشتركتش ف كتب عاوزه أعمل كتاب منفرد و شغاله عليه حالياً

كيان نصوص عظيمه و كيان مليون كاتب و خطوة حلم و عشاق القلم و ظل الكتاب و حلم و أحبة الضاد و إحتواء

نفسي أطبع اول كتاب ليا و ديوان و اكون مشهوره ف المجال

اها أتعرضت لكذا حاجه أحبطتنى من ضمنها مدرس لغه عربيه شاف حاجه كتباها و مكنتش حاطه اى علامات ترقيم و كان في غلطات ف الهمزات قالى انتى فاشله و عمرك ماهتوصلى لحاجه🙂

من كتاباتى

لم أكن أتمنى أن تواسيني بكلماتك قدر ما تمنيت أن تستمع لما يجول ف خاطرى.. أن أميل على كتفك و أُخبرك بأنى خائف من الأمس الذي مضى و من الغد الذي سيأتى و من مشقة الأيام.. 

أن تعلم بأننى مُتعب و مُنهك و أخشى إخبار أحد بذلك فيقول بتهكم أننى أُبالغ و أن هناك من يعانى أكثر منى! 

تمنيت لو تُعانقني و تربت علىّ برفق و لين ذاك العناق الذي أدخل إليه مفكك و مُحطم و أخرج متماسك و أشد قوة! 

تمنيت لو تشاطرنى أحزانى و تكون لىِ دوائى.. دوائى الذي لا يُباع أبداً. 

كنت أتمنى أن تكون ملجأى حينما أهرب من كل شئ.

ليتك لم تتكلم و أكتفيت بعناقي فقط. 

أسعوا للحاجه اللِ بتحبوها متخلوش حاجه توقفكوا مهما حصل عافروا عشان توصلوا لحلمكم حتى لو وصلتوا ممزقين لذة الوصول سترممكم

اكتر عيوب فيا إنى مبهتمش بالحاجات الل بكتبها و مبمسكش ف الفرص الل بتجيلي و أشارك فيها 

مقدرش أقيم نفسي انا بس بشوف نفسي بعيون الل حواليا و الحمدلله حاسه إنى إلى حد ما كويسه

حوار صحفي مع الكاتبة شروق محمد

شروق محمد عبد العزيز، مواليد محافظة كفر الشيخ، 18سنة

كاتبة ومصورة ومصممة بوسترز

•بدأتِ كتابة امتى؟

 دخلت المجال من 2019 وكان أول نص ليا وبدايتي الفعلية في أخر 2020.

•اكتشفتِها ازي؟ 

كنت بلقي شعر في الإعدادي وكتبت صدفة عدد من الجمل ومن ثم قصيدة عن التمريض في مسابقة ولما نجحت فيها كـ إول تجربة بدأت أكتب.

•نوع الكتابة؟

خواطر ونصوص نثرية وشعر.

•مين دعمكِ؟

 أصدقائى وناس مش بتجمعنا علاقة وقبلهم نفسي .

•إنجازاتك؟

كتاب مجمع في معرض الكتاب 2021 بإسم "عِطر"، أحد مسؤولي ومؤسسي تجمع المواهب في المحافظة تحت عنوان "فن الأحد"، مقدم برنامج "بوم بلا حدود" في راديو "مبدعون" لموسمه الأول، مؤسس فريق "حاملون البسمة" لزيارة مستشفيات مصر، مؤسس كيان "EGY Nurse" للمعلومات الطبية والتمريضية، كتاب "التجربة 101" الإلكتروني تحت العمل، حاصلة على عدد من الشهادات والكارنيهات عن مسابقات مختلف في إكثر من فريق، نشر لها العديد من النصوص في مواقع إلكترونية مختلفة.

•جزء من كتاباتك:

 أعرف شاعر كان يخوض التجارب.. لأجل يكتب شعر

وأعرف تجارب كات تخوض الشاعر.. لأجل يكتبها

عجيب أمرك في كُل الحالات

الشِعر حالِف يكتبَك حتى الممات.

•نفسك توصلي لأي في مجالك؟

يكون ليا كُتب بمحتوى عظيم في إيد كل قارئ عربي.

•تعرضتِ لحاجة احبطتك قبل كدَ في مجالك؟

احنا كـ كائنات بشرية بنرفض الإختلاف في البداية إلى أن نعتاد عليه، وكل منا اتعرض لـ الإحباط بأي صورة كانت.

•رسالة تحبي تقوليها لغيرك؟

إنتَ مش في المكان الغلط زي ما إنتَ فاكر، إنتَ هنا عشان تثبت إنك الصح في أي مكان.

•استفادتي ايه من تجربتك: مع كل خطوة في استفادة وشيء جديد واضافة، كلها تحت مسمى إن مفيش حاجة اسمها "صعب".

• ايه تقييمك لنفسك؟

المعيار الذاتي ومقارنة دلوقت بـ من شهر فات، الإختلاف والتغيير اليومي، لكن ما زلت مش شايفة إني أستحق التقييم الكامل و مازال في نواقص كتير أتمنى تكتمل مع الوقت.

حوار صحفي مع الكاتبة منة الله أحمد

 الاسم: منه الله احمد عدلى "آتين" 

السن: 18

المحافظة: بنى سويف 

الموهبة: القاء شعر وكاتبه 

بدأتِ امتى؟ من 3 اعدادى

اكتشفتِها ازي؟ شاركت مع صحابي فى حاجات كتير 

نوع الكتابة: خواطر، قصص قصيره، روايات

مين دعمكِ؟ بابا 

إنجازاتك: شاركت فى العديد من الكتب وشاركت فى حفالات كتير 

جزء من كتاباتك:

معكَ، كنتُ أرسم بلادَ الشّمس على خدودِ الأطفال.

كنتُ أضحك بلا جُهد،

أبكي بلا خجل.

أمشي على الغيم، فلا تُتعبني الخُطى.

كنتُ أهلوس أمامك وأفكّر بصوتٍ مسموع،

فتُكمل عنّي ما نسيت قوله!

معكَ، سمعتُ اسمي لأوّل مرّة بشكلٍ واضح،

وعلّمتك لفظه أكثر من مرّة.

فصار اسمي مطلع قصيدة كُلّما ناديتني.

معكَ، كان للروح طريق.

آخره نحن، بلا تعب!  

                                                                                                                    

الكتب الي اشتركتي فيها:

نورسين وايسا وانقسام الليل و ما وراء الصمت 

اشتغلتي ليدر او مؤسسة قبل كده و في كيان ايه؟ 

 اشتغلت ليدر فى كيان ظلام 

الكيانات الي كنتي فيها:  

1 كيان نزيف كلمات

نفسك توصلي لأي في مجالك: ابقا كاتبه وشاعره كبيره اوى واكتب قصص باسمى ويكون ليا كتب وقصص كتير 

تعرضتِ لحاجة احبطتك قبل كدَ في مجالك:

ناس كتير قالت ليا مش هوصل بس اهو واحده بواحده وبوصل 

رسالة تحبي تقوليها لغيرك:

مفيش انسان ربنا خلقو من غير موهبه دور على موهبتك ونميها هتنفعك بعدين 

ايه اول اعمالك وهل فخوره بيها وبطريقتها ولا لا سواء كان سرد أو حوار او حبكه: اول اعمال ليا نشر خاطره على جريده الفكر العربي وحبتها جدا وبعديها بقيت محرره فى جريده اسين 

استفادتي ايه من تجربتك: استفادت حاجات كتير موهبه حلو وكمان بضيع وقت فراغى وعرفت ناس كتير فى المجال ده وحبتهم

اكتر عيوب فيك ك كاتب ونفسك تغيرها:

اشتغل على نفسي اكتر من كده 

السؤال الأخير ايه تقييمك لنفسك: انا مش عارفه اقيم نفسي بس حابه الناس هما الى يقيمونى مش انا

حوار صحفي مع الكاتبة إسراء محمد

 الاسم إسراء محمد فرغلى 

السن ٢١ 

محافظه اسيوط 

كليه تربيه طفوله 

الموهبه شاعره وكاتبه 

بدءت انى بدءت اكتب وانشر عل الواتس كده والناس بدءت تشجعنى ودخلت ف جروب صدفه وكان معانا شاعر وشجعنى ودعمنى 

نوع الكتابه شعر بالعاميه وخواطر باللغه العربيه الفصحى 

الكل بيدعمنى وخاصه أهلى 

انجازاتى 

عضوه ف فريق كيان سجناء القلم

عضوه ف مبادره غسق وكيان حلم كتاب

عضوه في جمعيه ارابيسك للفنون و الثقافه و السلام العالمي

عضوه في فريق مواهب اسيوط

حاصله عل كورس مهارات التفكير الايجابى 

المركز الثاني ع الكليه ف الشعر

نائب لجنه المواهب ل مبادره شباب يدعم المجتمع

عضوه مبادره شباب يدعم المجتمع

عضو في رابطه شباب المجتمع 

جزء من كتابتى 

الدنيا قطر 

وف كل محطه هتقابل ناس شكل 

فيهم ال هيامن بيك لما نفسك تخونك 

فيهم ال هيغدر بيك ف اول طريق 

ناس غريبه هترفعك

وناس تعمل معاها حلو تكرهك 

ناس تبعد عنها وبرضو مصممه تعورك 

متستغربش 

الدنيا هتوريك يعنى اي انهارده ناس 

وبكره تصبحو متفارقين 

تزعل وتقع وتقابل صدفه ناس تانين 

فتفرح بالعوض 

وتبدء من جديد 

كأنى ولا شى معاك حصل 

من غير تفكير ارميها ورا ظهرك هتلاقيها جايه محلوله 

ماشيه بالترتيب 

ال سابك اسمه سابك 

وحط حجته ف النصيب 

ال جرحك بكره هيجى ندمان بس ساعتها هتكون رد بابك 

اللعنه عل ال قسى قلبك 

ورماك ف الطريق 

كنت تايه وحدك 

بس لطف ربنا دايما كان بينجيك 

ولسه كل مره هتشوف اكتر 

دى دنيا مش جنه عشان بس متقولش اشمعنا انا بالتحديد 

إسراء محمد فرغلى 

حاليا اه شغاله ف كتاب مشاركه فيه بس لسه بحدد الاسم بتاعه وقريبا هيتم النشر 

اه ليدر لجنه المواهب لاسيوط وكيان حلم كتاب ريفى 

الكيانات سبق الكلام عنها مع الانجازات  

وحصلت عل شهايد وجوايز من الكليه ومن الكيانات ال موجوده فيها كعضوه 

نفسى يكون ليا كتب ودايوان كامل بأسمى والكل يعرفنى وانظم حفلات واكون مشهوره واحقق حلمى 

اه تعرضت لفتره إحباط كانت الناس بتحاول تقلل من عملى بحجه ان انى مش هوصل والكلام ده 

الرساله ال احب اوصلها لغيرى وكل الناس ان الحياه ايمان وعمل ونصر وان اي حلم بدايته فكره وان مفيش مستحيل انت تقدر مهما حصل  

اول اعمالى كانت مسابقه ف الكليه وفوزت فيها الحمدالله مركز تانى وادتنى دفعه قويه 

استفادت من تجربتى ان اي حاجه بحلم بيها اقدر اوصلها بلطف ربنا طبعا 

الحاجه ال بسعى انى اغيرها انى مخافش من حاجه واكسر رهبه ان يكون قدامى ناس كتير اتكلم عادى بكل ثقه

حوار صحفي مع الكاتبة أمنية فوزي

 الاسم: أمنيه فوزي"||مارسيل||"

السن: 14 سنه

المحافظة: القاهره

الموهبة: الرسم +الكتابه

بدأتِ امتى؟ الكتابه من أربع شهور و الرسم من سنتين

اكتشفتِها ازي؟ الرسم موهبه عندي من زمان و اكتشفتها من كتر ما بقعد ارسم و ما زلت بنمي فيها و الكتابه لما كنت بكتب عن حياتي و اللي مزعلني و لقيت نفسي بحب ارتجل على صور 

نوع الكتابة:فصحي 

مين دعمكِ؟ عيلتي و صحابي 

إنجازاتك:حصلت ع العديد من الشهادات الالكترونيه و الورقيه و ميداليه و درع و ايضا 2 كارنيه عضويه

جزء من كتاباتك:ماذا أن عاد معتذرآ؟

وهل سوف يعود؟

هل سوف يتذكر ماذا حدث؟ من إنكسار و خذلان و تجاهل،و إن عاد سوف تفتح له حصون قلبي ترحيباً بعودته إلى وطنه و القلب أللذي أحبه،سأخلق له خمسون ألف عذرآ كأنه لم يجرح قلبي يوم و منذُ ذلك الوقت أنا أنتظر عودته،أنني انتظر عودته لكي أضمه لقلبي مشتاقه له أنا لم أتركه يذهب من قلبي،لكي يعلم كيف عانت صغيرته بدونه، أنني انتظر ذلك اليوم انتظر الايام تعود بنا عندما كنا سويا ،و لكنني أتمنى أن يعود بالأهتمام 

أنني اريدك.اريد قلبي أن يسامحك.و سوف يفعل ذلك لكن عد إلي موطنك و قلبي بأنهم لم ينسوك يوم،ينتظرو عودتك حتى الترحيب و ذلك قلبي.

لـــ أمنيه فوزي (مارسيل)

الكتب الي اشتركتي فيها: لسه مخدش الخطوه دي بس إنشاءالله يحصل

اشتغلتي ليدر او مؤسسة قبل كده و في كيان ايه؟ ليدر في مبادره ليزانثس

الكيانات الي كنتي فيها:كنت في كتير جدا مثل كتاب المستقبل و مؤسسه مرساه و كيان معشر الكتاب و كيان تورمالين ...الخ

نفسك توصلي لأي في مجالك:في مجال الرسم إنشاءالله اكون معروفه برسمي و اكون حاجه كبيره و في مجال الكتابه أتقن اللغه اكتر و اكون متقنه فيها كويس

تعرضتِ لحاجة احبطتك قبل كدَ في مجالك: ايوه كتير

رسالة تحبي تقوليها لغيرك: امشي في طريقك و حاول توصل للمكان اللي تستحقه و متخليش حاجه تحبطك 

ايه اول اعمالك وهل فخوره بيها وبطريقتها ولا لا سواء كان سرد أو حوار او حبكه: اول اعمالي فخوره بيها و مازلت لاني عارفه تعبت فيها قد اي و اول شهادات كانت من المركز التاني و الاول و ده شئ فخوره بيه

استفادتي ايه من تجربتك: مسمعش كلام اي حد غير اللي بيشجعني و مخليش حاجه تحبطني تاني

اكتر عيوب فيك ك كاتب ونفسك تغيرها: السرعه

السؤال الأخير ايه تقييمك لنفسك: متوسط بس بطور من نفسي اكتر

حوار صحفي مع الكاتبة فاطمه عبدالناصر

 الاسم: فاطِمه عبدالناصر محمد (الزّهرآاء)

السن: 20 سنه

المحافظة: الدقهلية- مركز السنبلاوين

الموهبة: القراءه ، كتابة الخط العربى ، والشعر ، والروايات ، وخواطر صغيره

بدأتِ امتى؟ 

بدأت كتابة الخط العربى من الاعدادى،  أما الروايات والشعر بقالى تقريباً سنه

اكتشفتِها ازي؟ كنت بحب اشوف أعمال الخطاطين وبدأت أقلد ومره ف مره بدأت أكتب منة لنفسى

نوع الكتابة: خط عربى ، خواطر ، شعر ، روايات قصيره

مين دعمكِ؟ ف البدايه لم يدعمنى أحد ، اما الآن الدعم من عيلتى وبعض اصدقائى

إنجازاتك: لسا مليش إنجازات معروفه لانى مش كنت بعرض كتاباتى ، بس الفتره الجايه ان شاءالله يكون ليا إنجازات معروفه

جزء من كتاباتك: 

#اسكريبت 

"مكالمة تلفون"

قالت بحزن:في واحد جي يتقدملي النهارده

: بتقوليلي ليه دي حياتك وانتي حره فيها

: بس انت عارف اني بحبك ازاي هعيش مع واحد تاني وقلبي معاك انت

: انا اسف بجد 

ببكاء: بسهوله كدا اسف ليه عملت كدا م البدايه انت ال كنت بتجري ورايا وكل اما اقفل باب تحاول تفتح غيره حسستني انك متقدرش تعيش من غيري واني واني وفضلت تشحن ف قلبي لما عشقك مش بس حبك 

: بصي انا مش هنكر داه بس انتي غلطتي بردو انتي ال سبتي نفسك ومشاعرك ليا وانا لما قعدت مع نفسي وفكرت لقيت ان صعب اتجوز واحده رخصت نفسها بسهوله كدا 

ببكاء: بس انا مرخصتش نفسي انت ال وعدتني بالجواز 

: واي حد يقولك هتجوزك تصدقيه هو انتي عيله وبعدين اي ال يضمنلي انك مكلمتيش غيري 

ببكاء: بس انت عارف اني ملتزمه فاكر لما كانت بوستاتي كلها دينيه 

: كنتي ملتزمه لكن حالياً لا

: ومين ال جرني للعلاقه المحرمه دي واقنعني انه عادي مش انت 

: متعلقيش غلطك عليا لو انا لقيت الباب مقفول ف وشي من الأول مكنتش كلمتك انتي ال فتحتي قلبك بسهوله

مسحت دموعها وقالت بثبات: كلامك جارح اوي بس انا استاهل

 تعرف انك كنت بداية كل حاجه غلط ف حياتي بسببك بقيت بأخر صلاتي علشان اكلمك بسببك خنت ثقة اهلي فيا بسببك زعلت ربنا مني وف الآخر بعتني بنص الطريق 

ثم اغلقت الهاتف وقلبها يعتصر ألماً

مر الوقت وحضرت نفسها وخرجت لتقابل الشاب المتقدم لخطبتها 

جلست معه والحزن يخيم على وجهها 

استرسل ف الحديث معها وفي وسط حديثه اخبرها شيئاً قال لها بالحرف وكأنه يفتخر بكلامه

: تعرفي ان انا كلمت بنات كتير بس سبتهم علشانك انتي لأني عرفت انك بنت على خلق وانا عمري ماهوافق اتجوز بنت مشيت معاها

تعالت ضحكاتها حين سمعت تلك الجمله قائله بسخريه

: عارف البنات ال انت سبتهم انا واحده منهم بردو اتسبت علشان مستحيل يتجوز بنت كلمها قبل الجواز

__________

مرت الأيام وذهب حبيبها لخطبة احد الفتيات 

الفتاه كانت في غرفتها تبكي وتحدث احدهم قائله

: في واحد جي يتقدملي النهارده ازاي هعيش مع واحد وانا قلبي معاك

اجابها بسهوله : انا اسف 

" الدنيا مثل الدائره ماتفعله اليوم تلقاه غداً ولا يظلم ربك احدا سيرد الدين يوماً بعلمك او بدون علمك ف استقيموا يرحمكم الله "

بقلم #الزهراء ✍🏻

الكتب الي اشتركتي فيها: مشتركتش ف كتب قبل كدا

اشتغلتي ليدر او مؤسسة قبل كده و في كيان ايه؟ لا

الكيانات الي كنتي فيها: مدخلتش ف أى كيان قبل كدا

نفسك توصلي لأي في مجالك: أنا واخده الكتابه ك هوايه بس ف مجالى الدراسى بإذن الله نفسى ابقى حاجه كبيره فيه

تعرضتِ لحاجة احبطتك قبل كدَ في مجالك: اها كتير

رسالة تحبي تقوليها لغيرك: ابنى نفسك بنفسك وادعم نفسك بنفسك متستناش حد يدعمك ولو ب كلمه

ايه اول اعمالك وهل فخوره بيها وبطريقتها ولا لا سواء كان سرد أو حوار او حبكه: مليش أعمال معروفه بس أول حاجه كتبتها عرضتها على أهلى وبعض أصدقائى وعجبتهم جداً وفرحوا بيها ، ودا شىء فرحنى جدا وحسسنى بالفخر

استفادتي ايه من تجربتك:

لما أقع لازم أقوم لواحدى مستناش حد يقومنى

اكتر عيوب فيك ك كاتب ونفسك تغيرها: مش عارفه عيوبى لإن طبعاً محدش بيشوف ف نفسه عيوب بس دايماً بدعى ربنا يوفقنى وأكون كما يحب أن أكون

السؤال الأخير ايه تقييمك لنفسك: مقدرش أقيم نفسى بس فخوره بنفسى جداً

حوار صحفي مع الكاتبة رُميساء عمرو

 الاسم: رُميساء عمرو

السن: 15

المحافظة: القاهرة

الموهبة: الكتابة

بدأتِ امتى؟ 

بكتب من سنتين بس مخدتش خطوة النشر غير في شهر 7

اكتشفتِها ازي؟ 

أنا واحدة مُغرمة بالقراءة من صغري فـ مع كُتر القراءة بقيت بقدر أكتب روايات و قصص بس مكنتش بعرف أكملها ، وبدأت أعرضها على صحابي وقالوا لي إني بكتب كويس 

نوع الكتابة:

روايات وقصص قصيرة وإسكريبتات

مين دعمكِ؟ 

ناس معددوة لأنه كله اتفاجأ بيا حتى أهلي وصحابي

إنجازاتك:

روايات إلكترونية " مخاوف مُجتعمية" و " أنثى منتهكة " 

وقصة قصيرة إلكترونية " Betrayal "  و " قلب سئ " 

و كتاب إسكريبتات على الواتباد ورواية قيد الكتابة " Bad Boy " وخدت شهادات تقدير في الإرتجال و تطوعت في جريدة الفِكر الأبيض

جزء من كتاباتك:

في ظِل مُجتمعنا البائس تُهدر الكثير والكثير من حقوقنا 

بإرادة مِنا أو عنوة ، الجنسين على حد سِواء ولكن الفئة المُستضعفة تَتمثل في النساء جميعهن مَسلوبي الإرادة

على الاقل في أمر واحد من حياتهن ، مهما اختلف وضع تلك المرأة ومكانتها وثقافتها فقد سقطت تحت بَند التَسليع ، وحينها تعمى الأبصار والأفئدة وتُصم الآذان عن استغاثتها ونظل في ذلك المُستنقع المُظلم يزيدُنا ظُلمة و جحود . 

*مقدمة لرواية جديدة بعنوان "غير قابل للمس"*

الكتب الي اشتركتي فيها:

ذكرتهم فوق وهي أعمال فردية ليا مشاركتش في عمل جماعي

اشتغلتي ليدر او مؤسسة قبل كده و في كيان ايه؟ 

ليدر في مجتمع بَصيص

الكيانات الي كنتي فيها:

كيان غيث 

نفسك توصلي لأي في مجالك:

نفسي رسالتي توصل و أبقى كاتبة ناجحة قادرة توصل لقلوب الناس وتسيب فيهم بصمة

تعرضتِ لحاجة احبطتك قبل كدَ في مجالك:

لأ الحمد لله

رسالة تحبي تقوليها لغيرك:

إسعوا ورا حلمكوا مهما كان صعب أو بعيد والوصول لي مستحيل ، و متضيعوش وقتكوا ولا تضيعوا كتير من عمركوا في الولا حاجة لأنه أصعب أنواع الندم إنك تندم على إلي ضاع من عمرك ، وحبوا نفكسوا

ايه اول اعمالك وهل فخوره بيها وبطريقتها ولا لا سواء كان سرد أو حوار او حبكه: 

مخاوف مُجتعمية ، فخورة بيها جداً برغم إنها مكنتش بيرفكت ولا أجمد حاجة بس كانت خطوة مهمة في مشواري

استفادتي ايه من تجربتك:

ميئسش و متبقاش غايتي الشهرة ولا تأثر على سَعي

اكتر عيوب فيك ك كاتب ونفسك تغيرها:

الأخطاء الإملائية 

السؤال الأخير ايه تقييمك لنفسك

مقدرش أقييم نفسي لأنه تقييمي مش هيبقى عادل

حوار صحفي مع الكاتبة منة علاء

 الاسم: منة علاء

السن: ١٥

المحافظة: الجيزة

الموهبة: الكتابة

بدأتِ امتى؟ من حوالي خمس شهور

اكتشفتِها ازي؟ دخلت مسابقة إرتجال، وكسبت، وخدت شهادة تقدير، ومن هنا ابتدت الرحلة🤍

نوع الكتابة: نصوص، وخواطر، وقصص، واسكرييتات، وبتعلم كتابة مقالات.

مين دعمكِ؟ أهلي، وأصدقائي.

إنجازاتك:أخدت خمس شهادات تقدير، وبقيت عضوة في مبادرة تسمى دعم المواهب وأصبحت ليدر ثان لكورس تصحيح، لأني مصححة، ومصححة في كيان بحر الحياة، اشتركت في كتابين مجمعين نازلين في معرض الكتاب ٢٠٢٢، وحاليًا بشتغل على كتاب إلكتروني فردي.

جزء من كتاباتك: مازلت أتخبط من دونِك، هل تعلمي كيف أعاني من بعد هجرانك لي؟ هل تعلمي؟ مازلت عندما أقع في مشكلةٍ ما أهاتفك؛ لكي تواسيني، ووتعالجي قلبي، ولكن عندما أسمع هذه الجملة "هذا الرقم غير موجود بالخدمة" قلبي يتفتت لأشلاء للمرة التي لا أعرف عددها، مثلما تفتت حين وقعت هذه الجملة على مسامعي" البقاء لله"، حينها فقط أدركت، حينها فقط أدركت أن لم أعد جسد بروح، ولكن جسد بلا روح، بلا قلب، أدركت أن لا شيء بعد الآن يسمى صديقة الدرب، والمتاعب، حينها فقط أدركت كُل مرة أضحكتيني، وكُل الذكريات تتابعت في عقلي، عقلي المشوش الآن من كثرة المشاهد، حينها فقط أدركت أني لم أسمع هذه الجملة بعد الآن" أتعلق بجمال عيونك، وإن كانت النون باء"

#منة_علاء

الكتب الي اشتركتي فيها: كتاب غريق مجمع، ولسة الكتاب التاني بيتسمى.

اشتغلتي ليدر او مؤسسة قبل كده و في كيان ايه؟ مش ليدر أساسية، مساعدة في كيان تدبيج.

الكيانات الي كنتي فيها: كيان تدبيج، كيان بحر الحياة، كيان زادك، كيان ظل الكُتاب، وكيان عشاق القلم، وكيان كتيب وقلم.

نفسك توصلي لأي في مجالك: نفسي أبقى أشهر روائية، وكاتبة بتقدم محتوى هادف في العالم العربي كله.

تعرضتِ لحاجة احبطتك قبل كدَ في مجالك: لأ الحمدلله.

رسالة تحبي تقوليها لغيرك: ميقفوش في مكانهم، لأ يطوروا من نفسهم بكورسات، يتعلموا حاجات جديدة، وميستمعوش لكلام الناس اللي بتحبط عزيمتهم، ودمتم سالمين♥️

ايه اول اعمالك وهل فخوره بيها وبطريقتها ولا لا سواء كان سرد أو حوار او حبكه:

كان إسكريبت على جروب،وعجب الناس جدًا

استفادتي ايه من تجربتك:

حاجات كتير، معلومات عن كيفية الكتابة،والتصحيح، دخلت مجال كان نفسي ادخله.

اكتر عيوب فيك ك كاتب ونفسك تغيرها: 

معنديش عيوب الحمدلله، بس عايزة أطور من نفسي،ومن كتاباتي

السؤال الأخير ايه تقييمك لنفسك: أنا مش أحسن كاتبة، بس راضية عن كتاباتي، وتقييمي جيد جدًا.

حوار صحفي مع الكاتبة دعاء سعد

 الاسم: دعاء سعد 

السن: 18 سنة

المحافظة: المنوفيه 

الموهبة: الكتابه 

بدأتِ امتى؟ من تانيه ثانوي 

اكتشفتِها ازي؟ بكتب مذكرات من وانا صغيرة وأخويا قلي ممكن تكتبي الاحداث كروايه أو قصه قصيرة مثلا وجربت ونجحت الحمدلله ...وأخويا الا اكتشفني واكتشف الموهبة الا جوايا ( عبدالله سعد )

نوع الكتابة: خواطر واسكريبتات وقصص قصيرة 

مين دعمكِ؟

 أهلي وأصحابي....ونانس كتير بيتابعوا اللي بكتبه وبيعجبهم أوي ..

إنجازاتك: اني تعمقت وحبيت الكتابة وبزود موهبتي الى أن أصل للأحتراف وأنوع كتاباتي

جزء من كتاباتك:

" نوفمبر شهر التفائل " 

"قاعدة بتفرج علي الغروب ... بتأمل فيه وبسرح شويه وبفكر وبقول ...لحظه الغروب أحيانا ببتبقي حزينه بالسنبالي ... بيبقي اليووم خلص بكل حاجه فيه ويوم عدي من حيااتي بكل حزنه وفرحه وحلوة ووحشه ... بفكر كمان ان الناس اللي موجودة في حيااتنا هتخلص زي ما اليووم خلص حتي شخصي المفضل أصعب حااجه علي الإنسان ان شخصه المفضل يمشي ... بيشوف كل حاجه قدامه وحشه وبيكون عندو يأس وفقدان أمل أن هو ازي هيكمل بدون الشخص ده وازي هيرجع لحياته ولنفسه ولروتينه اليووومي تاااني ... ازي هيقدر يكمل ويحلم ويضحك ... ساعات الأشخاص اللي في حياتنا بنكون مدينهم أكبر من حجمهم بس احنا مش بنكون شايفين ده لاننا بنكون شيفانهم من جهه تانيه انما لما يمشو ونفكر كووويس بنلاقي ان هما كانو عادين جدا وواخدين أكبر من حجمهم كمان وكااانو درس بالنسبه لينا بيسيبو اثر جوانا اه بس ساعات نتائجه بتكون أفضل ... عيبنا اننا بنثق في الأشخاص اللي قدامنا بسرعه وبندي اكتر ما بناخد بنهدر طاقتنا كلها بدون مقابل ... بمناسبه الحزن ... بيقولو ان شهر نوفمبر شهر الاحزان بس مش عارفه هما ليه بيقولو كده اكيد في حاجه حصلت خلتهم يقولو كده ...بالنسبه ليا شهر نوفمبر بدايه أمل جديد ... هدف جديد .... حلم جديد ... شبه المطرة بالظبط كل نقطه بتنزل منها بتمثل ليا حاجه... حزن ... خذلان ... احلام راحت ... احلام نفسي احققها ... شخص بعد عني ... تقدرو تكملو حياتكم بدون اشخاصكم المفضلين وبدون اصدقاء ... تقدرو تحلمو احلام جديده... وتروحو أماكن جديده ... تقدرو تعملو اي حاجه لوحدكم ولانفسكم بدون استنزاف طاقتكم مع ناس متستهلش او هيجرحوكم ... حبو نفسكم الاول وبعدين يبدأ حبكم للغير... واهم حاجه تكونو واثقين من نفسكم قبل أي حاجه والثقه في ربنا بردو دي مهمه جدا ارجعو لربنا دايما حتي لو مقصرين في حقه لاني هو الوحيد اللي مش هيخذلكم... وزي ما الغروب بيكووون حزين الصباح هيكون تفائل.... 

على أد قساوة البرد في الشتاء لكن قرب احباءنا يشعرنا بالدفء في عز البرد ربنا ما يحرمناش من دفءهم..... 

نوفمبر شهر التغائل...."

الكتب الي اشتركتي فيها: لسه مشتركتش 

اشتغلتي ليدر او مؤسسة قبل كده و في كيان ايه؟ لا

الكيانات الي كنتي فيها:أدباء المستقبل وبنات حواء 

نفسك توصلي لأي في مجالك: ان ابقي كاتبه كبيره ويكون ليا كتب وروايات خاصه بيا  

تعرضتِ لحاجة احبطتك قبل كدَ في مجالك: أكيد بس أنا من النوع الا مش بحبط بسهولة والكلام السلبي بحوله لايجابي وده بيساعدني جدا أني أثق في نفسي أكتر وفي كتابتي 

رسالة تحبي تقوليها لغيرك: أجتهد واشتغل علي نفسك ونمي الموهبه الا عندك ومتيأسش من أي حاجه وطور من نغسك دايما وأمن بيها علشان الناس تأمن بيك وأوعي تسمع لاي كلام سلبي وكمل لحد ما توصل لحلمك مهما كانت الصعوباات الا هتواجهك 

ايه اول اعمالك وهل فخوره بيها وبطريقتها ولا لا سواء كان سرد أو حوار او حبكه: اه كنت فخوره بيها جدا وبطريقه سردها ( أحلامي) 

استفادتي ايه من تجربتك: إن القراءة والكتابه هم أصدق صديق للأنسان ...  

وإن الكتابه شئ جميل وإن الإنسان لازم يكون ليه كيان ومستقبل لنفسه شئ جميل علشان المجتمع يحترمه ويقدره ..و لقيت نفسي فيها وعرفت انا مين وإني الكتابه من أساسيات حياتي وكمان كل واحد فينااا جواه كيان وانا كياني الكتابه وفرحانه جدا بيها وان ربنا عطهالي نعمه ...

اكتر عيوب فيك ك كاتب ونفسك تغيرها: إني حساسة تجاه أمور كتير وده بيحمسني ف الكتابة أكتر 

السؤال الأخير ايه تقييمك لنفسك: 

 راضية جدا عن نفسي وبتمنى أكون مثل مابتمنى....

حوار صحفي مع الكاتبة شيرين الأصفهاني

 الاسم: شرين الأصفهاني نصرالدين

السن: ٢٣سنة

المحافظة: سوهاج

الموهبة:الكتابة 

بدأتِ امتى؟ من ثانوي بكتب بس بدأت أظهر كتاباتي من سنة تقريبا

اكتشفتِها ازي؟ صحبتي أكتشفتها (غادة عبد الحفيظ)

نوع الكتابة:خواطر وشعر ونثر 

مين دعمكِ؟ أمي وأصدقائي

إنجازاتك:حصلت على جوائز ومراكز في الكتابة وعضويات وشاركت في ٣كتُب ورقية و٢ الكترونية وعملت في جريدة المساء وجريدة حكاية كاتب، كنت نموذج مشرف لمحافظة سوهاج. 

جزء من كتاباتك:وها أنا مازلتُ صامدة لتلك الندوب والخدوش التي سببتها لي الحياة، أصبحت مُحطمة تمامًا ومات بداخلي الشغف، بدلًا من كون وجهي يُشرقُ بابتسامة وأمل أصبح باهتًا مُحَطم البَصر، ما عاد للحياة معنى ولا للسعادة عنوان أصبح كل شئ أمامي مُتلاشئً تمامًا، أُريد البدء من جديد ولكن مات بداخلي كُل شىء، سأبقئ هكذا للأبد أم سأبدأ من جديد وأنهض بقوة؟ لا أعلم سأترك الأيام تفعل ما هو مُقدرًا لي.

 

الكتب الي اشتركتي فيها:خطوط أقلام ، حبر مُبعثر،بداية حرف، نثرات أقلام واخر كتاب شاركت فيه هينزل السنه دي لسه أسمه تجارب شائكة.

اشتغلتي ليدر او مؤسسة قبل كده و في كيان ايه؟ لا

الكيانات الي كنتي فيها:زادك ، شغف ،نصوص عظيمة، حكاية كاتب، شخابيط الكوكب الأزرق، وطن الحروف وغيرهم.

نفسك توصلي لأي في مجالك:يكون ليا سلسلة كُتب خاصة بيا.

تعرضتِ لحاجة احبطتك قبل كدَ في مجالك:قالولي مش هتوصلي.

رسالة تحبي تقوليها لغيرك: لم يكن الامر سهلا ولكنني فعلتها ( بالسعي والايمان بنفسك وحلمك هتوصل )

ايه اول اعمالك وهل فخوره بيها وبطريقتها ولا لا سواء كان سرد أو حوار او حبكه: شاركت في كتاب لاول مرة وحصلت على لقب نموذج مشرف لمحافظة سوهاج وكانت بالنسبالي أعظم أنجازاتي 

استفادتي ايه من تجربتك:الأعتماد عالنفس وعدم اليائس

اكتر عيوب فيك ك كاتب ونفسك تغيرها:ليس لدي القدرة على الخيال الواسع المدى

السؤال الأخير ايه تقييمك لنفسك:معرفش اقيم نفسي بسيب القارئ هو اللي يقيم دا

حوار صحفي مع الكاتبة حسناء أحمد

الإسم: حسناء أحمد دردير 

السن: سبع عشرة سنه 

المحافظة: أسيوط

الموهبة: كــاتــبة

بدأتِ امتى؟ منذ ستة أشهر تقريباً

اكتشفتِها ازي؟ أولا: توفيق الله - عز وجل - لى ثانيا: كنت من محبي القراءة جدا منذ نعومة أظفارى و كنت أمر بأوقات عصيبة بل وصعبة جدا، و لم يكن أحد بجوارى فى هذه اللحظات سوى رب الأرض والسماوات ، ثم كان أخى الذى حالت بينى وبينه بعد المسافات، ومن ثم بدأت أكتب بعد أن وصلت لعدة مراحل عصيبة واحدة تلو الأخرى، بل وخذلان من أقرب الأقارب ، و حزن استمر طويلا ، لذا قررت أن أعزم أمرى وأن أستجمع قواى لأخذ سلاحى ، فكتبت أولا من باب الفضفضه و الراحة النفسية ، ثم تطور الأمر فكنت أكتب مقالات لفترات و أنشرها أحيانٱ على مواقع التواصل، و أخى كان خير شاهد على كل كتاباتي ، و اكتشاف موهبتى ، ومن هنا بدأ يحفزني على أن أواصل فى هذا المجال، بل و أطور من كتاباتى ، ومن نفسي ، و بالفعل فعلت، و بدأت أهتم بالكتابة ، و انضممت لعدة كيانات بغرض التطوير، و بالفعل بدأت أفهم و أتعرف على أشياء كتيرة تخص الكتابة، و زاد التطوير من نفسي شيئا فشيئا، من هنا اكتشفت أن الكتابة ليست مجرد شي عادي، بل إنها حياة اخري تجعلك تعشق نفسك من جديد، و تعطيك الأمل لكل شي يجول حولك، ولكن فقط لمن يفهم معني الكتابة الحقيقية، فهى ليست كلمات تكتب بالأنامل فقط بل بالمشاعر الجميلة التى تعبر عنها الحروف

نوع الكتابة: خواطر نصوص 

مين دعمكِ؟ أولا توفيق الله ثم أخى ثم نفسي 

إنجازاتك: لقد شاركت في العديد من المسابقات، بل و شاركت في كتب الكترونية وورقية و حصلت على عدة شهادات تقدير و منها شهادة بالمركز الثاني مكرر 

جزء من كتاباتك: 

_وحــدتــــي الأليمة_

أعلم جيدا أن الوحدة شعور يحاول كل إنسان الهروب منها ، ولكن تبقي وحدتي، هي من أكثر الأوفياء لدي، وذلك لما مر على من أوقات عصيبة ، لم أجد فيها أحدا بجوارى ، بل لم أشعر بوجود أحد فى هذا الوقت إلا بها ، إننى لا أجد أحدا بقربي، لا يتركني، و لا يغادر عندما يصيبني الحزن ويغيب شغفي و بهجتي و ابتسامتي، وأقسم بالله إن كلماتي لتعجز عن وصف حالى وحزنى الدائم فأنا وحيدة فريدة فى ذلك الوقت ، لم يكن لي أحد من قبل يشاركني لحظاتي التعيسة، أو أوقاتي الجميلة لحظة واحده، فأنا لا أتذكر أنه مر علي وقت، وكنت فيه سعيدة مثل الآخرين، لا أتذكر أني ابتسمت يوماً من أعماق قلبي دون قلق و خوف، أو إننى إيبتسمت ابتسامه حقيقية ، فكل ابتساماتي مجرد وهم وأكاذيب أكذب بها علي نفسي التي كادت أن تشيخ من حزني، و التي ماتت بداخلي ، بل وأكذب بها على قلبي الذي عجز من كثرة همه ، دون أن يدري أحد ، فوالله لم يمريوماً علي إلا ووحدتي معي وبجوارى، وحزني قرينى الدائم الذى لم يتركني يومآ واحدا، حينها أدركت حقاً أن الوحدة أكثر وفاء من البشر

فكيف نصدق وعود البقاء من إنسان ، و الانسان كما نعلم هالك وفان ، كما قال الله - عز وجل- { كُلُّ مَنْ عَلَيْهَا فَانٍ} [الرحمن: 26] من إنسان وحيوان وجان كله هالك، ويبقى وجه ربك: أي ذاته ووجهه سبحانه وتعالى، فهو سبحانه 

ذو الجلال والإكرام: أي العظمة والإنعام على عباده عامة والمؤمنين بخاصة

فانعزل وكن وحيدا قدر ما تشاء لتصبح أقوى ، مهما رأيت من الوحدة جحيما لا يطاق، فاعلم بأنها أفضل بكثير من من الأقنعة المتعددة للبشر .

_مأساة فلسطين_

"فلسطين اغتيال الفرحة من وجوه الأطفال، فقدان الحنان والأمان بوجه الأجيال، ونسيان الضحكة والبسمة في زمن الاغتيال. فلسطين كلما أغفو توقظني وتقض مضجعي.

أسياد ولسنا عبيد ونحن من يولد منا كل يوم شهيد.فلسطينيون والكل يعرفنا نأكل من الطين إذا جعنا ونشرب من الصخر إذا عطشنا.

ربي خلقتني وأحسنت تكويني وزدتني شرفاً فجعلتني فلسطيني.

فلسطين خارطة بلا حدود، على أرصفتها جثث ينخرها دود، وفي أحضانها ضياع تشرد مفقود، وحرية مكبلة بأغلال و قيود.."

الكتب الي اشتركتي فيها: الكتروني منها (كي لا ننسي)(ماريت ارانا) و غيرهم من الكتب لم يتم الإنتهاء منها بعد 

كما شاركت في كتب ورقية (حرية قلم) ويتم إنزاله في المعرض الدولي 2020و ثلاثة من الكتب التي لم يتم الإنتهاء منها بعد، لكن بعد الإتمام والإكتمال سوف تنزل هذه المعرض الدولي 2020باذن الله

اشتغلتي ليدر او مؤسسة قبل كده و في كيان ايه؟ لا لم يتسنى لى ذلك ، لكن لما يحين الوقت بمشيئة الله تعالى ويزداد تمكنى من مجالى ، بل وأحقق جل أحلامى التى أكرمنى الله بها بكوني الكاتبة الصغيرة، وهذا لقبى بالفعل ، وأكون عند حسن ظن الناس فى وعلى رأسهم أخى الذى يدعمنى ويقف بجانبى بل ويشجعنى دائما ، بل وكل من يحبنى من الأقارب والأصدقاء وغيرهم باذن الله تعالى

الكيانات الي كنت فيها: أول كيان انضممت إليه بل ومن أفضل و أجمل الكيانات التي اشتغلت فيها كيان (طفرة) و الآن متواجده في كيان غسق و كيان مزيج و بصمة كاتب 

نفسك توصلي لأي في مجالك: لشئ جميل وحلم رائع وذلك بأن تصل كتاباتي لجميع الناس حتى يستفيدو منها ، وبل وأحقق حلمي بأن يكون لي كتاب فردي باسمي، بل و يكون لي كتابات في كتب كثيرة تصل لكل الناس باذن الله

تعرضتِ لحاجة احبطتك قبل كدَ في مجالك: نعم كثيرا جدا كنت أسير فى مجالى ويقابلنى الكثير ممن يقللون منشأن أعمالى ، وحقيقة كنت أتأثر كثيرا لانني من الشخصيات الحساسه لكن الحمدلله تغلبت على كل هذا واستكملت مسيرتى بفضل الله عزوجل 

رسالة تحبي تقوليها لغيرك: بأن كل من يرى نفسه لمجال يرغبه ويحبه فعليه ألا يتوانى لحظة واحدة عن العمل فيه لأن الهمة تضعف أحيانا من كلام الناس تارة ، ومن ضغوطات الحياة تارة أخرى ، فإياك أن تلتفت لمن يعطلك عن السير إلى الأمام ، فانظر أمامك ولا تلتفت خلفك، فكل إنسان يحقق النافع لنفسه وللاخرين ، لكن لا يكون ذلك إلا بالعزيمة والإصرار ، لا بالعجز والإستكانة ، من هنا يثبت لمن حوله أنه كان على الصواب ، وأنهم هم المخطئون ، و ان كل شخص لديه القدرة على أن يفعل المستحيل حتي ولو كان بمفرده ، لأنه سيكون معه حينئذ القوى الغالب وهو معكم أينما كنتم فلا يلتفت لأحد ، وليمض قدما إلى الأمام وقبل كل ذلك ليستعن بالله فالله خير معين له على كل مستحيل ، وإياك والإستسلام لكلام المثبطين لأنهم سيقدون حركتك ويدك بل وحياتك كلها ، فأبدأ من الآن وفقك الله وسدد خطاك فى هذا المجال فحقيقة أرى ان الكتابه شي جميل جداً ولكن لمن يعرف قيمتها الحقيقية ، لذا كان لزاما علينا أن نثبت ذلك للعالم أجمع إن شاء الله

ايه اول اعمالك وهل فخوره بيها وبطريقتها ولا لا سواء كان سرد أو حوار او حبكه: بالطبع فخورة جدا وإلى الآن لأنها كانت اول خاطرة لي، و كان اول عمل ادخل به مسابقه و كسبت بيه و حقيقي إننى فرحة جدا لأنى قد دخلت بهم فى اكثر من مسابقة و فزت بجوائز عديدة، و حصلت على المركز التاني مكرر في مسابقة المبدعون بها بعنوان ( الحب من النظرة الاولى) فحقيقي فخورة و فرحة جدا لأنها كانت سبب فى أول اعمالي 

استفادتي ايه من تجربتك: استفدت أشياء كثيرة جدا فتعلمت أنى لا أكون شخصية انطوائية، كما تعلمت أيضا أن الكتابة هذه كنز ، وانها بالفعل شي جميل و تغني عن كل البشر المنافقين

اكتر عيوب فيك ك كاتب ونفسك تغيرها: إني شخص أفقد شغفي للكتابة بمجرد سماعى لكلمة سلبية عني وعن كتاباتي فهذا شئ يرهقنى جدا فى نفسي ولكنى من الآن لا أعطى مساحة لأحد بأن يقلل من شأن كتاباتي مهما كان 

السؤال الأخير ايه تقييمك لنفسك: بصراحه هذا شي صعب بأن يقيم الشخص نفسه لكن انا أريد التطوير من نفسي وأسعى لذلك ، و لا زلت فى هذا المجال أتعلم أكثر وأكثر ، كى أستطيع أن أقدم شيئا يفيدني أنا شخصيآ قبل أي أحد ، و من ثم يفيد الاخرين بلا شك..!

حوار صحفي مع الكاتبة دنيا فتحي

 الاسم:دنيا فتحي شكيوي"روح.. شكيوي"

السن: 17

المحافظة: القاهرة

الموهبة:"الكتابة"... وإلقاء شعر

بدأتِ امتى؟ تقريبا بدأت اكتب الخواطر الي تيجي في بالي  من4ابتدائي بس كان لنفسي إبتديت أكتب والناس تعرفني من 3 إعدادي

اكتشفتِها ازي؟ كنت شوفت حاجة معجبتنيش وكتبت مقال عنه بس كان لنفسي... كنت بطلع غضبي بس لكن  خالتو لما شافتوا استغربت إني أنا الي كاتبة ده واني كآتبة ولازم أنمي مواهبتي دي فجربت اني كتبت اسكريبات ولقيت عليها إقبال والفضل كلوا يرجع لأمي هي أول من أكتشفتني  

نوع الكتابة:بكتب إسكريبات... وخواطر... وروايات 

مين دعمكِ؟أمي... كانت دايما الدعم القوي ليا وبعدها صحابي وقرايبي 

إنجازاتك:إني بقيت كآتبة...وكسبت محبة في وقت صغير... والناس الي بتقرالي كفاية أنهم دايما بيوصفوني إني مختلفة عن أي كاتب قرءوا لي قبل كدا 

جزء من كتابتك: "الحزن" 

كانت صديقتى تخاف  الكلاب كثيراً عندما تراهم يصيبها الذعر بل وتنصرف عنهم فورا  في يوم كانت شديدة الحزن كانت لا تتحدث مع احد حتى معي فهي لا تريد شئ قد غطاها الحزن بالكامل فأخذتها نسير سوياً

 لعلها تفرح قليلا فرأيت احد الكلاب يقف امامنا ففكرت ان امشي انا بجوراه حتى لا تخف صديقتى فهي كما علمنا تعانى بفوبيا منهم لكن الصدمة كانت صديقتى تسير بجوراه وكأن لا يوجد بها شئ لم تخف مثل كل مرة لما تهرول لم تذعر كييف؟! حتى أنها لم تشعر انها بجوراه أدركت حينها ان الحزن يطفئ الروح يصديقي يجعلك جسد فقط يمشي لا تشعر بشئ فرفقا بمن تحبون رفقا بقلوبكم فالحزن يجعلك ميت وانت حي...) 

 دنيا_شكيوى🖊️

           ................... 

"لا أحد يعلم" 

لا أحد يعلم مدا الخراب الذي بداخلي لا احد يعلم كم اعاني من صراعات داخلية أصبح بداخلي فراغ لا يعلمه احد اصبحت انسان جسد. تسكنه هشاشة روح اصبحت لا ابالي بشئ..أصبح كل شئ من حولى منطفئ...لم أعد أستطيع أن أفرح بشئ...أصبحت إنسان منطفئ.... ورغم ذلك يجب ان أسير في طريقي يجب ان أستمر فلن يعذرني أحد يجب أن أسير ولو أصبحت بلا روح نهائيا... هل تدرى لماذا عزيزى القارئ؟! لأن لا أحد يعلم 

#دنيا_شكيوي

الكتب الي اشتركتي فيها:لأسف لسة مشتركتش في اي كتاب

اشتغلتي ليدر او مؤسسة قبل كده و في كيان ايه؟ لا لاسف 

الكيانات الي كنتي فيها:مكنتش في أي كيان... بس حاليا كيان ثقيف 

نفسك توصلي لأي في مجالك:نفسي أبقا كآتبة مشهورة جدا وكتاباتي تكون مفيدة وابقا مشهورة الكل عارفني 

تعرضتِ لحاجة احبطتك قبل كدَ في مجالك:اه 

رسالة تحبي تقوليها لغيرك:بلاش تستلم بجد بلاش لو حتي بيقرالك واحد بس اوعي تستلم واكتب وابدا السلم  واحداة واحداة متسمعش كلام حد أنك مش هتوصل لا استمر واجتهد علي نفسك وخليك واثق في ربك ونفسك أنك في يوم من الأيام هتوصل 

ايه اول اعمالك وهل فخوره بيها وبطريقتها ولا لا سواء كان سرد أو حوار او حبكه:كاعمال ورقية مفيش اما كأعمال نشرتها سوشيال... كان خواطر و اسكريبت وقصة قصيرة.... و اه فخورة جدا 

استفادتي ايه من تجربتك:استفدت كتير اووي... عرفت ازاي ابقا كاتبة مختلفة ومميزة 

اكتر عيوب فيك ك كاتب ونفسك تغيرها:إني متأثرش بالكلام وإني مقفش في نص الطريق واكمل مهما واجهت صعوبات.. وإني لما بفقد شغفي... برجع بعد مدة وبصعوبة 

السؤال الأخير ايه تقييمك لنفسك:دي حاجة مقدرش أحددها هسيب الناس هي الي تحدد.. بس شايفة نفسي إني متوسطة

حوار صحفي مع الكاتبة رحاب ماهر

الاسم: رحاب ماهر

السن: 19

المحافظة: القاهرة

الموهبة: الكتابة والإلقاء

بدأتِ امتى؟ من 3 سنين

اكتشفتيها ازاي؟ أثناء مذاكرتي كنت بكتب دايما ف الكتب خواطر بسيطه 

نوع الكتابة:نصوص،خواطر،شعر،قصص قصيرة

مين دعمكِ؟ صحابي

إنجازاتك:كتاب لأرواحنا آراء أخرى أول كتاب معرض القاهره 2021،تم إثباتي في جريدة الجمهورية وجريدة التجمع العربي و جريدة الصحبة نيوز، بفريق مؤسسة بنت الحجاز الثقافيه ومبادرة مليون كاتب

جزء من كتاباتك:لا شيء يجذبني لدى بشر سوى لين قلبه فقط، شخص هين في معاملاته،لين في خصامه، لا يعرف شيئاقط،سوى لين القلب.

شخص حين يحبك يشعرك بأنك لا يوجد مثلك في هذه الحياه أبدا، يدعيك بالمثالية الفائقة في حين سأله عنك شخص لأنه يراك كذلك،يراك كل كونه، عالمه الخاص الذي لا يملك سواه،وطنه الذي ينتمي إليه، شخص صادق يحبك, لا يهون عليه من يحب ولا يعرف شيئا قط عن الخصام ينتهي حديثه في أى جدال ( أنا أحبك أسف لا تغضب).

لا أرى شيئا يمكن أن نحظى به في شخص سوى لين قلبه، أعتقد ثلاثة أرباع مشاكلنا ستنتهي بوجود شخص لين القلب

فهو يقينا لن تهون عليه الذكريات والأيام التي مضت ويرحل.

شخص لا تهون عليه عشرة السنين، لا يرحل مهما كلفه الأمر، شخص صادق أقسم بالبقاء ولم يعرف شيئا عن إخلاف الوعد، شخصا ملازما لروحك في كل تقلباتها، لا يرى سواك مهما اختلط بهذا وذاك، شخص يراك أنت فقط.

يجعلك تراه الجانب المشرق في هذه الحياة المظلمه، عالمه المنير ،يجعلك تراه عوضك.

بالنهاية تعجز الحروف عن وصفه فهو من بين 

 هذا العالم لام بين الميم والكاف.

رحاب ماهر

الكتب الي اشتركتي فيها: لأرواحنا آراء أخرى

اشتغلتي ليدر او مؤسسة قبل كده و في كيان ايه؟ لا

الكيانات الي كنتي فيها:كيان بناء عظماء، كيان الأرضيون، كيان مليون كاتب، كيان الإبداع

نفسك توصلي لايه في مجالك:تأسيس دار نشر إن شاء الله

تعرضتِ لحاجة احبطتك قبل كدَ في مجالك:أكيد بدون ذكر تفاصيل

رسالة تحبي تقوليها لغيرك:المستحيل لن يتحقق حتى تؤمن بقدرتك على تحقيقه بالتحرك له بالطرق مستحيلة قبل الممكنه ومضمون هذه الجمله الثقه بالله ثم الأخذ بالأسباب

ايه أول أعمالك وهل فخوره بيها وبطريقتها ولا لا سواء كان سرد أو حوار او حبكه: أول كتاب لأرواحنا آراء أخرى وكان في تالته ثانوي وهفضل فخورة بتحقيقه 

استفادتي ايه من تجربتك:الثقه بالله ثم بالنفس أول طريق النجاح

اكتر عيوب فيك ك كاتب ونفسك تغيرها:التردد في بدء الخطوة الأولى

السؤال الأخير ايه تقييمك لنفسك: شايفه طموحي بمسيرة طريق آخره حلمي وواثقه بأحلامي وتحقيقها وشايفه إن خطوة مهمه جدا في الوصول

حوار صحفي مع الكاتبة منة الله محمد

 الاسم: منة الله محمد

السن: 21

المحافظة: المنوفية

الموهبة: كتابة الروايات والخواطر.

بدأت امتي؟ بدأت معايا من تانية إعدادي بس قطعت في تالتة اعدادي و فضلت ست سنين موقفة كتابة بسبب ظروف معينة و رجعت اكتب تاني في تالتة جامعة

اكتشفتها ازاي؟ كنت بحس افكار و بتخيل حاجات كتيرة و كنت بحس ب انجذابي للورق و القلم و اني امسكهم و اكتب حتي لو كنت بطلع حاجات ضعيفة و الموضوع زاد معايا دلوقتي و بقا بيجيلي افكار كتيرة و حلوة جدًا ف ابتديت اكتب روايات وخواطر.

نوع الكتابة: أكشن ، رعب ، فانتازيا ، خيال ، غموض ، إثارة ، خوارق ، بوليسي ، خيال علمي

كل ما هو أكشن لاني بحب اللاين دا جدًا♥️

مين دعمك؟ قلة قليلة جدًا اللي دعمتني يتعدو علي صوابع ايدي زي ما بيقولو يمكن اتنين او تلاتة فقط لان معنديش صحاب قريبين مني كتير الا بسيط اوي و أول اللي دعمني أخويا الكبير شجعني إني أبتدي و باركلي علي اول رواية و كنت فرحانة جدًا.

انجازاتك: انا رجعت أكتب من حوالي شهر بالظبط

كتبت في الفترة دي روايتين حبيتهم جدًا وكل اللي قراهم حبهم و كتبت مجموعة خواطر حقيقي حبتهم برضو جدًا.

جزء من كتاباتك: دا بارت مفضل اوي علي قلبي من تاني رواية كتبتها ( رواية انفصام منذ الولادة)

نهضت من فراشي بعد تفكير عميق في كل تلك المصائب التي تحدث و التي لا أري لها أي تفسير .

خرجت من غرفتي كانت في الطابق العلوي ثم نزلت إلي الأسفل لأجد إليزابيث واقفة تستند إلي الحائط بيد و واضعة اليد الأخري علي معدتها كأنها تعاني من شيئًا ما ، نزلت إليها مسرعًا لأراها هل هي بخير أم ماذا.

-أمي ماذا يحدث أأنتِ بخير؟

-عليكَ الذهاب إلي الجامعة يا إستيڤين !

-لا يا أمي لن أتركك هكذا!

-نفذ أوامري يا إستيڤين أرجوك أنا بخي..... 

لم تلبث أن تكمل جملتها حتي سقطت علي ركبتيها و يداها و استمرت في إخراج سائل أسود من أعماقاها !

-أمي ماذا يحدث يا أمي.

-سأموت يا إستيڤين إن لم تذهب ، أرجوك إذهب و حرر جسد إيڤيلين و سوف أشرح لك كل شئ!

-أهذا سيجعلك بخير؟

-هذا سيجعلني أحيا ، أسرع يا استيڤين أرجوك!

-حسنًا يا أمي أعتني بنفسك لن أتأخر!

خرجت مسرعًا ، أوقفت أحد سيارات الأجرة و اتجهت إلي الجامعة مباشرة ، هرعت إلي غرفة التشريح خاصتي ، فوجدت إيڤيلين ممددة كما حدث ليلة أمس و لكن باختلاف أن جميع أعضاءها بسلام عدا قلبها كما أخبرتني أمس بدأت في كتابة تقرير سبب الوفاة و بدأت في خياطة جلدها و لكني كلما مسست جلدها وجدت شيئًا ما يدفعني للخلف ، ولكنني كنت أقاوم من أجل إليزابيث ، كنت أتقدم للأمام ، و أحاول خياطة هذا الجلد و دفن جثة إيڤيلين و فجأة قد أظلمت الغرفة تمامًا رغم أننا كنا في النهار و كانت جميع أضواء باقي الجامعة منيرة ، وجدت الغرفة مظلمة ، وجدت جميع أدوات الجراحة من حولي تتحرك ، يا إلهي ماذا يحدث! 

تتجه نحوي و كأنني قطعة مغناطيس تجذب كل ذلك الحديد ، و لكنني كنت متمسكًا بإيڤيلين و أستمر في الخياطة ، ثم اقترب ذلك المقص الجراحي مني و أدخل دبه الحاد في أعماق ذراعي صرخت بألم شديد ، حقًا تأوهت من شدة الألم ، لقد اخترق عظامي!!

ولكنني أوشكت علي خياطة جرح لذا حاولت الأ أستسلم و لكنني كنت أوشكت علي غلق الجرح تمامًا حتي وجدت أداة جراحية آخري تطعنني في ذراعي الأخر ، حقًا لم أستطيع التماسك ، كدا أتهاوي قد اخترقت تلك الأداة جسدي أيضًا هذه المرة بل و نفذت من الجهة الأخري فسقطت أرضًا و أغمضت عياني و لم أستطع المقاومة.،.

و دول خاطرتين كتبتهم: 

أشعُر أنني مُبعثرة الأفكار ، عقلِي يَحتوي علي اشْلاء من التفكير المتناقض ، أقفُ أمام أوراقي شاردة الذهنِ مضطربة الخُطي ضيقة الأُفق ، ينتابني العديد من المشاعر المُتنافرة المُتصارعة المُؤذية ، كأن أحدهم يقسمني إلي نصفينِ ، ثم يُعطي النصفين إلي شَخصان مُتاضادان ، أحَدهم يأخذني للجحيم ، والأخر يأخذني للجنة ، أما عن النصفان ، فأحدُهما حبيس ذكرياتي المُؤلمة و الأخر إيجابي يتطلع للحياة ، كل ما أتمناه أن يَلتحم النِصفان و أن يطغي النصفُ الإيجابي علي ذاك النصف السجين المؤلم المثير للشفقة ...!

#منة_الله..،

كُل شِئ مُحبِط لِدَرجِة المّوت ، أشعُر أن أصَابِعي تَلتَف حَولَ عُنُقِي فَتَقتُلني ثُم تَلتَف حَولَ نَفسَها فَتنكسِر ، أشعُر أَنني أَفني مِن الدَاخِل ، أستَطيع سَماع صَوت تَحطِيم فِي أَعمَاقي ، أستَطيع الشعُور بِتَمزُق أعضَائي ، لا أستَطِيع المُقَاومة أو المُجَاهَدة، أشعُر و كَأنَني أخرُج مِن نَفسِي لِنفسي و أقتُلني....! 🖤

#منة_الله..

الكتب الي اشتركتي فيها: لسة بادئة من شهر زي ما قولتلك بس ناوية اطبع رواياتي مستلقة بنفسي أن شاء الله،.

اشتغلتي ليدر أو مؤسسة قبل كدة وفي كيان ايه؟ لا لسة ملحقتش بصراحة بس ناوية ان شاء الله

الكيانات الي كنتي فيها: للأسف يعتبر بشتغل مع نفسي بنشر علي الاكونت بتاعي في الواتباد و علي صفحتي ع الفيس بوك فقط..

نفسك توصلي لأي في مجالك: بالنسبة للكتابة نفسي رواياتي تتقري و يكون ليا اسم ، نفسي الناس تحب كتاباتي بجد و أفضل أكتب و تبقا كل رواية تبقا أحلي من اللي قبلها و تبقا معروفة إن منة الله بتكتب روايات جميلة❤️

تعرضت لحاجة احبطتك قبل كدة في مجالك: ياااه كتييييير جدًا بس الحمد لله كان عندي اللي يخليني أكمل و أثق في نفسي والله و هما التلاتة أربعة اللي قولت عليهم فوق دول بجد لو وصلت هيكونو هما أصحاب فضل عليا انهم شجعوني و مخلونيش أستسلم..

رسالة تحبي تقوليها لغيرك: لو عندك موهبة متدفنهاش ، لو عندك موهبة نميها ،و كمل فيها متستلمش لأي حد يحاربك ، بجد متسمحش لحد يوقعك ، خلي عندك يقين إنك هتوصل ، الموهبة دي نعمة من عند ربنا متسيبهاش ، خليك واثق إنك هتوصل بس إنت اعمل اللي عليك.،

ايه اول اعمالك وهل فخورة بيها وبطريقتها ولا لا سواء كانت سرد أو حوار أو حبكة: أول أعمالي كانت رواية اسمها سقر ، كانت رعب و أكشن و فانتازيا و في نفس الوقت مكانتش طويلة جدًا كل الناس حبيتها بطريقة متتوصفش و مكنش حد مصدق ان أول رواية ليا و ب المستوي دا و كان كله بيقول مكناش نتوقع ، جابت إقبال كبير و حب كتير و حقيقي كنت مبسوطة فخورة بيها جدًا جدًا جدًا فوق مما تتخيلي و بعدها بقيت اكتب أجمل و أجمل بفضل الله..

استفادتي ايه من تجربتك: استفدت إني مينفعش أستسلم للفشل أو للإحباط ، حتي لو الكل بيهاجمني و فيه واحد بس بيدعمني أنا همشي ورا الواحد دا ، و الواحد بكرا يبقا مية و المية بكرا تبقا ألف ، استفدت إني بتعلم من غلطاتي و بطور نفسي ، استفدت إني أسلم نفسي لموهبتي و أشيل كل السلبيات اللي الناس بتبخها من دماغي و أمشي في طريقي و هوصل ، أصل السكة مش مفروشة ورد بصراحة بس أخرها هتتفح البساتين♥️🦋

اكتر عيوب فيك ك كاتب ونفسك تغيرها:. مش عارفة هبقا مغرورة لو قولتلك مش شايفة عيوب أو خلينا نبقا أدق شوية لسة مكتشفتش عيوبي أو حد علقلي وقالي فيكي عيوب كذا و كذا الحمد لله لحد دلوقتي كله بيشكر فيا بس أنا في أتم الإستعداد للنقد و هستقبله بصدر رحب جدًا سواء كان نقد بناء أو هدام

فلو كان بناء فيا أهلًا وسهلًا هستفيد منه

لو كان هدام فيا أهلًا و سهلًا أنا بحب كتاباتي جدًا فمش هسمعلك و أنت هتوقفني ع رجلي اكتر..

السؤال الأخير ايه تقييمك لنفسك: أنا من وجهة نظر نفسي الحمد لله أقيمني ٩ من ١٠ لأني لسة بادئة و مستوايا الحمد لله في ليڤيل عالي بناءً علي كلام صحابي و الناس اللي حواليا ولكن صعب إني أقيم نفسي لأني لسة في أول الطريق ولسة هطور أكتر و أكتر عشان مش ناوية أقف لسة واثقة إني هقدر أكمل و أكتب تاني و أعمل حاجات أجمل بكتير.❤️

حوار صحفي مع الكاتبة إيمان عبدالله

 الاسم: إيمان عبدالله محمد الفقي 

السن: 22

المحافظة: المنوفيه

الموهبة: الكتابه، وشغوفه جدا بالتصوير 

بدأتِ امتى؟ 

من إعدادي كنت بكتب شعر وبعدين بدأت مجال القصص القصيره، وبدأت انزل الكتابات ع السوشيل من سنتين. 

- بحب التصوير من صغري وشغوفه جدا بالمووضع، بحب الطبيعه وأي منظر فيه سحر وفكره. 

اكتشفتِها ازي؟ 

ماما هي صاحبه الفضل الاول والأخير، هي ال علمت الطفله الجوايا ازاي تكتب وتعبر عن نفسها بكل حب وأزاي تحس كل حاجه حواليها وتكتبها فبتطلع مشاعري صادقه اوي. 

نوع الكتابة: 

بكتب قصص قصيره، شعر، وخواطر

مين دعمكِ؟ 

أهلي وصحابي وكل شخص كان واثق فيا وفي موهبتي. 

إنجازاتك:

1- أشتغلت سنه ف جريده مصر اليوم كصحفيه. 

2- بكتب أسكريبتات منفصله. 

3- شاركت في كتاب عتيق. 

4- أسمتيه يونس يعتبر اكتر علامه أثرت فيا وفي المتابعين عندي لدرجه انهم صدقوا انه شخص حقيقي. واقعي. 

5- قصصي وصلت ع موقع Wattpad لاكتر من 54 ألف متابع. 

6- وليا روايه شاركت فيها ف معرض القاهره الدولي والاسكندريه وزايد بعنوان " ما وراء اليأس " 

جزء من كتاباتك:

فالقصه تبدو من الخارج نهاية لا تستحق كل هذا العناء ولكن في الحقيقه أن العشم مميت، كيف تقنع شخص وهب حياته من أجلك أنك سترحل دون سبب او مبرر دون مراعاه قلبه وروحه، هل كانت عبث في حياتك؟  

أما أنها كانت نقيه إلي الحد الذي جعلك تستهين بها؟ 

لازلت أسأل نفسي في كل ليله، ما نوع قلوب هؤلاء البشر؟!  

هل يعانون مثلنا في البعد؟ أم ان البعد عنهم كان غنيمه لنا ولأنفسنا؟ 

ولكن مع الوقت ستدرك كيفما أدركت حنان، ان الوجع يشبه المخدر، يحدث كشكل مؤقت ثم مع الوقت يصبح رماد، وتتحول من شخص يرفض فكره الحياه، لشخص أخر، ربما بسبب حب جديد، أو أحساس رضا يتملك من قلبك، ربما لإيمانك بأن الخير سيحدث لا محالة، ستنفرج الغمه ليخرج لك شخص من أقصي سواد الدنيا في عينك، ليمسك بك ويجعلك تتحسس النور والخير في كل مكان. 

اشتغلتي ليدر او مؤسسة قبل كده و في كيان ايه؟

أيوه كيان" عتيق " 

نفسك توصلي لأي في مجالك: نفسي اوصل للمرحله ال احس فيها أني راضيه عن نفسي وعن كل حاجه بقدمها،عايزه أكون ليا تأثير في الناس وتأثيري ده يكون من خلال حروفي، نفسي أمي تحس اني حققت جزء ولو بسيط من أحلامها فيا وبسعي في المجال ده. 

تعرضتِ لحاجة احبطتك قبل كدَ في مجالك: كتير بس أنا مؤمنه ان مفيش مجال عمل عموما بيكون خاالي من أي أحباط بس الشاطر ال يكمل ويسعي لحد ما يقنع الناس ال هجمته انهم يثقوا فيه وفي موهبته. 

رسالة تحبي تقوليها لغيرك:

أسعي وأسعي ومتتعبش ولا تحس بملل الحلم حلمك والدنيا مفتوحه ليك، اوعي تيأس، مفيش نجاح سهل ولو هتوصل من غير تعب، حب نفسك وأوعي تخلي اي تجارب تأثر عليك او ترجعك خطوه عن حلمك. 

ايه اول اعمالك وهل فخوره بيها وبطريقتها ولا لا سواء كان سرد أو حوار او حبكه:

اول عمل ورقي ليا " ما وراء اليأس " فخوره جدا بالتجربه، أكيد مش هوصل لدرجه رضا كبيره عنها لان الكاتب عموما دايما حاسس ان في أحسن بس انا استفدت جدا من التجربه وان شاء الله هشارك السنه الجايه. 

استفادتي ايه من تجربتك:

أني اثق في نفسي وفي قلمي انه يقدر يطلع عمل بالحجم ده وبالكفاءه دي ويكون قريب لقلب الناس كده. 

اكتر عيوب فيك ك كاتب ونفسك تغيرها: اوقات كتير بتجاهل أني بكتب، والكتابه او المتابعين عمتا مبيحبوش كده فبحاول ع قد ما اقدر أكون متواجده بشكل أحسن

السؤال الأخير ايه تقييمك لنفسك: تقيمي هي الموهبه وأحساسي مظنش اني متصنعه بكتب بصوتي وصوت كل شخص بيقرأ وأتمني اطور من نفسي علشان أوصل لمستوي أحسن.

حوار صحفي مع الكاتبة شروق طارق

الاسم: شروق طارق نجدى "لاڤندر"

السن: 18

المحافظة: الجيزة"البدرشين

الموهبة: الكتابه

بدأتِ امتى؟ من8شهور او اكتر شويه

اكتشفتِها ازي؟ انا بحب القراءة جدا ف الاول كنت بكتب شعر وبكتب خواطر صغيرة "بوستات "بعد كدة اتطورت وبدأت اشوف مسابقات وكيانات والحمد لله بقيت كويسه إلى حدٍ ما

نوع الكتابة: فصحى.عاميه.شعر .خواطر

مين دعمكِ؟ اولاً نفسي ثم أخواتى شجعونى كتير وأصحابى كمان

إنجازاتك: كسبت عدة مسابقات بالمركز الأول ع الكيان والتيم وأشتركت فى العديد من الكتب والمسابقات

جزء من كتاباتك:كم من شخصٍ يبتسم بوجهك وخلف الابتسامه ألااف من المشاعر الكاذبه كم من غل وحقد بقريب وغريب ولا نعلم به .الوعد كلمه تختبئ ورائها كذبٍ وعدم وفاء.كم من صديق غدر بك .كم من قريب أدعى محبته وأتضح أنه كاذب.كم من خير فعلته ولم يُقدر.لماذا ..!؟كل ما بوسعى فعلته لاجلكم وكل ما اعطيتمونى إياه هو خذلان فقط.

أفعالكم وحدها كفيله بأن تبين نواياكم.هذا الجرح أليم للغايه لم نتوقع أن الجرح يأتى من هؤلاء الذين أعتبرناهم قطع من أرواحنا. أتضح أن حديثكم شئ وأفعالكم شئ أخر وكأنكم لستم نفس الأشخاص. لا يؤلمنى سوى أننى أسكنتكم قلبى وفؤادى.ولكننى عرفت كلما كانت نوايايا سليمه لاجلكم كانت الضربة أشد.لم أتوقع يوم أن الخذلان يأتى منكم.ولكنها حقيقه لا يغدُر بك الا أقرب الأشخاص لقلبك.لانه يعلم كل شئ عنك .ويعلم نقطعه ضعفك أيضا فيستغل فرصته بالخيانه.لا الصاحب وقت الحاجه ولا القريب وقت الضيق.كلهم يأتون لأجل مصالحهم فقط.ولكنى أصفقك لكم وبحرارة الأن على جودة تمثيلكم وخداعكم لى.ومازالت إبتسامه اليأس على وجهى.أرغب بالذهاب بعيداً عن الكذب والنفاق والخداع فكل من امنته خدعنى. أرغب بالنسيان وحتى فقد الذاكرة كلما أتذكرهم أتألم.لم يبقى أحد ليساندنى.ولم يكن من الاساس ولكنها فترة ومرت أدعو الله أن أنسي الذكرى والأشخاص والمكان.أرغب بعوض من الله وأن تعود حياتى كما كانت ولكن وحدى لا أريد بشر لا أريد أصدقاء ولا أريد الاقربون فالخذلان لا يأتى الا منهم من امنتهم على نفسك وحياتك.سوف يعوضنى الله وهذة ثقتى به.

شروق طارق نجدى "لاڤندر"

الكتب الي اشتركتي فيها: دَايم. تلات كتب فى انتظار الانشاء. +كتب الكترونيه

اشتغلتي ليدر او مؤسسة قبل كده و في كيان ايه؟ اتعرض عليا بس رفضت بسبب إنشغال وقتى

الكيانات الي كنتي فيها: حبر مبدعون.صرخات قلم.سجناء القلم.حلم بسيط.سحر الحروف.سيليا.كيان روح المنافسه

نفسك توصلي لأي في مجالك: اولا انى اتطور جدا فى الكتابه وأنفع نفسي قبل اى حد وأوصل لحلمى وأبقى أشطر كاتبه .زى اللقب إللى  لقبونى بيه وهكون أدها انشاء الله وأحقق إللى بتمناة واللى واثقين فيا انى هوصل احققلهم حلمهم وثقتهم فيا

تعرضتِ لحاجة احبطتك قبل كدَ في مجالك: كان عندى كذا حفله لمسابقات وكتب وشبه أترفض  انى اروحها فيأست شويه.لأنى بزعل من أقل حاجه وأى كلمه بتأثر فيا بس قررت إنى هنجح وأحقق إللى بتمناة حتى لو كل الناس وقفت قصادى. انا بتنفس الكتابه بحس الورق بيسمعنى بدون مقاطعه وبخرج كل إللى جوايا بحس الكتابه بتريحنى جدا وتخرج إللى جوايا.

رسالة تحبي تقوليها لغيرك: حقق حلمك بنفسك ومتستناش حد يشجعك. إجرى ورا حلمك محدش هينفعك.كل واحد لنفسه مهما تعددت الكلمات والوعود. وراء الوعود كلمات كاذبه.

ايه اول اعمالك وهل فخوره بيها وبطريقتها ولا لا سواء كان سرد أو حوار او حبكه: إتعملى حوار قبل كدة وكنت فخورة جدا بيه لانى أتعرفت اكتر و دة شجعنى ع الكتابه اكتر +اتنشر ليا نصوص فى جرايد +كلام الليدرات حسسنى انى فيه امل وشجعنى جدا انى اكمل .فخورة بنفسي جدا بدون حورات وبوستات وجرايد لأنى واثقه انى ادها وهوصل.

استفادتي ايه من تجربتك: استفدت كتير اولا فى طريقه الكلام بستوحى حاجات كتير من الكتابه والمعاملة وحسيت انى الكتابه والقراءة أصدقائى 

اكتر عيوب فيك ك كاتب ونفسك تغيرها: بتأثر جدا من الكلام السلبى شخصيتي حساسه جدا رغم ثقتى انى بقيت قويه فى الكتابه عن الاول واقدر احقق لنفسي كل إللى بتمناة 

السؤال الأخير ايه تقييمك لنفسك: مقدرش اقيم نفسي لانه طبيعى اى حد هيشكر فى نفسه لكن انا مش بشكر فى نفسي ولا حاجه وفيه كتير اشطر منى بس اكيد الشاطر دة كان فى يوم زيى وأبسط. رأى الناس فيا إنى شاطرة وكل مادة بقوى عن الاول وهكون اقوى من كدة وأوصل لمكان عالى اوى.طبعا حابه أشكر اى حد شجعنى ووقف جمبى وقالى كلام ايجابى ومش هنسي اى حد سخر من كلامى وانى هوصل بس هحقق حلمى وهوصل بإذن ربنا

حوار صحفي مع الكاتبة مريم علاء

 الاسم: مريم علاء (كلوي كادو) 

السن: 16

المحافظة: مرسي مطروح 

الموهبة: الرسم، كتابه روايات، كتابه خواطر واقتباسات 

بدأتِ امتى؟ من 3سنين 

اكتشفتِها ازي؟ كنت بحب المجال وكنت بشتغل فيه من غير ما اعرف 

نوع الكتابة: روايات، خواطر 

مين دعمكِ؟ 

صحابي 

إنجازاتك: روايه، فتاة الظل 

جزء من كتاباتك:"" 

تعبت من تقمص الدور!! 

لماذا لا تنتهي هذه المسرحيه "♕

مسرحية الحياة 

اجل مسرح الحياة انها قصه مؤلمه حقاا وحزينه تجعل من يخوضها يهلك!!! 

لقد حاولت ان اكمل دوري فيها ولكنني علي وشك السقوط. اخاف ان اسقط طويلا. ولا اجد من يمسكني. 

تبا لهذا العرض السيء. هذه المسرحيه لا تنتهي ابدا 🚶🏻‍♀️

الكتب الي اشتركتي فيها:لسه مشتركتش بحاجة 

الكيانات الي كنتي فيها:غسق، سقف

نفسك توصلي لأي في مجالك:ابقا روائيه مشهورة 

تعرضتِ لحاجة احبطتك قبل كدَ في مجالك:اكيد طبعا الكل بيتعرض لمواقف من كدا 

رسالة تحبي تقوليها لغيرك: متتخلاش عن حلمك وطموحك 

ايه اول اعمالك وهل فخوره بيها وبطريقتها ولا لا سواء كان سرد أو حوار او حبكه: اكيد فخورة بنفسي اني لسه ماشيه بالطريق واول اعمالي هيا ((العيون الزرقاء)) 

استفادتي ايه من تجربتك:الصبر واني اطمح للاحسن 

اكتر عيوب فيك ك كاتب ونفسك تغيرها: اني سعات بحبط بسرعه 

السؤال الأخير ايه تقييمك لنفسك: انا مقدرش اقيم نفسي الاخرين هما اللي يقيموني 

حوار صحفي مع بسملة ماهر

 الاسم: بسملة ماهر "دَجْم"

السن: ١٨ سنة

المحافظة: القاهرة

الموهبة: الكتابة، والإنشاد

بدأتِ امتى؟ من 6 سنين بس بعيدًا عن السوشيال، إنما من بداية نشري لكتاباتي على السوشيال من سنة.

اكتشفتِها ازي؟ بحب القراءة جدًا، جربت اكتب لقيت إني هكون شخص ناجح جدًا في الشيء ده. 

نوع الكتابة: روايات، نصوص، شِعر.

مين دعمك؟ أهلي، وبعض من صحابي.

إنجازاتك: اشتركت في كتابين "كيان ضجر" "نبأ سرمدي" ، مش بعتربهم إنجاز، بعمل كتاب أدبي وهنزل بيه المعرض وده هيبقى أول إنجاز بس.

جزء من كتاباتك: احَلَولَكت ظُلمَتي، اختَدَرت بِسعَادَتي لِسنِين، مَع تَبَلُج اَلصُّبْح تَبدأ رِحلَة جَدِيدَة لِخُبَالي، عَينِي كَانَت كَالأسدَام، ازَمْخر حُزني ولازِلتُ صَامِدة، هُزَال جَسَدِي فَقَد زَلِح المَوَاجِد سِنِين، أَتَعَمَّق بِذِكريَاتي لِأُوقِظ نَبضٍ مهترئ، وجُرحًا رَممَته مِن الآزَلَّ، فَقَد أتَىٰ عَليَّ اَلدَّهْر وأنا كَالأخرَم غَير قَادِر عَلى المُثَابَرة، خُب البَحر وَكأنه تَألم لِحَالي، نَظَرت لِأخت يُوشَع بِعَين تشبه أجيج اَلنَّار، أبِدت أبَدًا وكَأني أصبَحت كَالأنُون، ذِكريَاتي كالقُتاد وَمَصدَر حُزني اَلسَّرْمَدِيّ، ولَكِن كَيف لي انتِزَاعَها من قَلبٍ أقسَم عَلى الثَأر مِمَن كُل مَن جَعلوا بِهَذا السَوَاد الذِي يُشبِة الَليل السَرَار...

 الآن، مَرت اَلسِّنِينَ وأنا هُنا أتَنَاول جُعَتي، وعَالَمي خالٍ من الذكريات، انظر لجلجلة اَلرَّعْد فِي السمَاء، فَمَازَالَت هِي مُؤنِسي الوَحِيد، أَنْصَتَ لِذلِك اَلصَّوْت اَلَّذِي يَدِب الرعب بِقلُوب الآخرين، ولَكِني حِين أسمَعه أتلذذ بِه وكأنه مَصدر سَعَادتي، قُلت... هَل أتَت جَلجَلة اَلرَّعْد لِعِلمِهَا بِوَحْدَتِي؟ 

 : أنا مُؤنِسك الوَحِيد، أتَيتُ تَدَارُكًا لِقَلْبِك الهَالِك، فَهل نَسِيت! 

 أنَّكِ خَلِيفَة اَلرَّعْد وَالظَّلَام.  

 بسملة ماهر "دَجْم"

الكتب الي اشتركتي فيها: كيان ضجر، نبأ سرمدي.

اشتغلتي ليدر او مؤسسة قبل كده و في كيان ايه؟ آه، كيان استيفاني، وحواء، ديچور، وغيرهم.

الكيانات الي كنتي فيها: ستيفاني، حواء، ديچور، بصيص، ضجر، وغيرهم.

نفسك توصلي لأي في مجالك: أكون مؤسسة لكيان كبير جدًا بيعتمد على تعليم اللغة العربية وليس الشهرة، واعلم الناس معنى اللغة العربية وجمالها، وامسك منصب يخليني ليا حق في منع نشر أي كتاب ملهوش محتوى مفيد، ده جزء بسيط بالنسبة للـ عايزة اوصله.

تعرضتِ لحاجة احبطتك قبل كدَ في مجالك: أكيد، مفيش حد ناجح معندوش ناس تحبطه، بس مش بهتم.

رسالة تحبي تقوليها لغيرك: الناس إذا عجبهم أو لأ هيفضلوا ينتقدوا أي شيء تعمليه، أنتِ امسكي في حلمك وحققيه ومتسمعيش من كلام أي شخص، وطوري من نفسك ديمًا.

إيه أول اعمالك، وهل فخوره بيها وبطريقتها ولا لأ سواء كان سرد أو حوار أو حبكة: كتاب أدبي لسه هنزل بيه المعرض إن شاء الله، فخورة بيه جدًا من ناحية كل شيء.

استفادتي إيه من تجربتك: إني اكسب احترام الناس بتعاملهم معايا، وحبهم وتقديرهم لأي شيء بعمله، والإلتزام.

أكتر عيوب فيكِ كـ كاتبة ونفسك تغيريها: مفيش.

السؤال الأخير إيه تقييمك لنفسك: كاتبة ناجحة حتى لو كنت لسه مش مشهورة أوي، بس متأكدة إني هوصل.

حوار صحفي مع نجلاء عادل

 نجلاء عادل.

17 سنه.

المنيا.

الكتابه.

من 4 سنين.

أختي ال أخدت بالها وبدأت أعرض عليها ال بكتبه وأصرّت إني أدخل المجال الأدبي.

كتابة نصوص ومقالات وشعر.

بابا وماما وأختي.

شاركت في كُتب مجمعه ورقيه زي " ما لا تعرفه عن القلوب" "أسرار" "هنا تكمن الروح". وكتاب واحد إلكتروني. 

إذا أردت تعويض أحدهم عن ما جعله يعاني -الآن ومؤخرًا- ساعده في الوقوف، وأجعله يبني شيئًا لذاته، مجدًا يخصّه هو فقط، سيكون له بمثابة مُعجزه.

لن ينسى أثرك وربما يسير بين العباد يروي قصّتك، يرويك أنت تحديدًا لهم.

كونك ليّن رقيق يجعلك كغصن زيتون أخضر، لن يملّ أحد من الإقتراب منك، ستموت، وتحيا طيبتك بين الناس.

إجعل من نفسك غصن زيتون، العالم به من القسوه والغلظه ما يكفي.

#نجلاء_عادل.

#نور.

لأ.

كيان نصوص عظيمه له كل الفضل.

لمرحلة إن اسمي وكتاباتي متكونش مجهوله لحد في الوسط.

مش أوي لأن مافيش حد مسموح له يبدي رأيه إلا اللي بثق فيهم.

كملوا حتى لو الطريق صعب وطويل، لو محققتش حتمية الوصول هيكون لك شرف المحاوله.

كان نص طويل وشاركت به في كتاب " ما لا تعرفه عن القلوب" وكان مستواه كبدابه مُبهر.

نُضج أكتر وكتابات غيري بتأثر فيا وعلى مستقبلي بشكل إيجابي.

إن الغموض في كتاباتي مش بيبقى لطيف دائمًا، و الفتره دي في بشتغل على تصحيح المشكله دي.

كاتبه جيده.

حوار صحفي مع بسملة رضا

 الاسم: 

بسمله رضا الشوربجى

السن: 

15سنه

المحافظة: 

كفر الشيخ

الموهبة: 

الكتابه وتأليف الشعر وإلقاءه

بدأتِ امتى؟ 

بدأت كتابه من اولى إعدادى وبدأت على السوشيال من حوالى شهر ونص قدرت احقف انجازات كثير غيرى عملوها فى سنين والحمدلله

اكتشفتِها ازي؟

دخلت فى مسابقه شعر تبع المدرسه فى رابعه ابتدائى وطلعت المركز الأول من هنا قررت أبدأ تأليف 

نوع الكتابة:

كل انواع الكتابه(خواطر، شعر، اسكريبتات، وقصص قصيره، وروايات) 

مين دعمكِ؟ 

نفسى كانت أول داعم ليا فى الأول وبعد كده بابا وأهلى وصحابى

إنجازاتك:

دخلت فى كذا كيان ودخلت فى كذا مسابقه وحصلت على المركز الأول

اتكرمت وأخدت شهادات كثير من الكيانات ال كنت بشتغل معاها

دخلت فى كتاب مجمع خواطر إسمه صرخات قلم وده كان اول كتاب ينزل ليا وأسست كيان على أسمه حبا فيه

ودخلت فى كتاب ورقى تانى هينعرض فى معرض الكتاب لسنه2022اسمه واقع أليم

وكذا كتاب إلكترونى

جزء من كتاباتك:

أنا كاذبه نعم.... كاذبه

كذبت عندما قلت أننى لم أقع فى ألحب يوماً 

لقد أحببت... 

أحببت... سكون ألليل، وروعه سمائه ألمرسعه بالنجوم، وإطلاله ألفجر باهوائه ألعليل، وزقزقه ألعصافير فوق الغصون، عشقت هدوء ألسماء وقت ألغروب، وألبحر با أمواجه عشقت، وألمطر وبرقه وعزلتى فى ألغرفه بكوب صغير من ألقهوه، قد غرمت بكتابتى ألتى ألفتها بحب، عشقت قطرات ألندى وهى تصتدم ببطئ على أوراق ألشجر وتختلط بها رائحه طينتها ألمليئه بالسعاده.. 

كل هذا دائماً يفلح فى سلب قلبى. 

لكاتبه/بسمله_رضا

الكتب الي اشتركتي فيها:

واقع أليم

صرخات قلم

وكذا كتاب آلكترونى

اشتغلتي ليدر او مؤسسة قبل كده و في كيان ايه؟ 

أيو إشتغلت ليدر فى كيانات كثير

وأسست كيان إسمه صرخات قلم

الكيانات الي كنتي فيها:

كيان زادك

كيان سجناء قلم

كيان زهره

كيان حلم كاتب ريفى

كيان كلارينيت

كيان سحر الحروف

واخيرا صرخات قلم

وكذا كيان تانى 

نفسك توصلي لأي في مجالك:

نفسى أبقى ألمع نجمه فى سماء الكتابه مش عايزه أكون كسائرهم اتعودت ان أى مجال أخشه لازم أكون مميزه فيه عشان ققدر أحقق نتائج تبهرنى

تعرضتِ لحاجة احبطتك قبل كدَ في مجالك:

أنا من النوع ال اى كلمه من أى حد ممكن تأثر على مودى وعلى يومى كله بس فى موضوع الكتابه مبيهمنيش رأى حد فيه لان فى الحالتين أنا مش هوقف كتابه لحد مالتقطت أخر أنفاسى

رسالة تحبي تقوليها لغيرك:

مقوله كتبتها ومؤمنه بيها جدا: 

ان كنت نويت على الكفاح سوف تصل إلى القمه ولو كنت مكسور الجناح

خليك أدد المجال ده وأوعى رأى الناس يأثر فيك وأوعى تسمح للناس انها تحجمك او تستهزق بحلمك

ايه اول اعمالك وهل فخوره بيها وبطريقتها ولا لا سواء كان سرد أو حوار او حبكه:

الصراحه أنا فاخوره بكل الأنجازات ال انا عملتها وحققتها فى الوقت القصير ده 

بس بجد ال أنا فاخوره بيه جدا هو كتاب صرخات قلم لانه بيعتبر محطه انطلاق ليا

استفادتي ايه من تجربتك:

حجات كثير جدا وان

كل شئ ممكن والأحلام طلعت فعلاَ ممكن تتحقق وأدينى بكلم مع حضرتك وبكل ثقه وده أكبر دليل

اكتر عيوب فيك ك كاتب ونفسك تغيرها:

لغايه دلوقتى مفيش حاجه مديقانى من نفسى

إنى مش بعرف أكتب غزل أو كلام حب لان أنا متعوده أكتب ال انا حساه أكتب حجات واقعيه على نفسى مدحكش على القارئ وأنا عمرى مماريت بقصه حب قبل كده وانا عارفه انى لو بدأت اكتب عن الحب والغزل هكتبه بشكل كويسبس هى المسئله مسئله مبادئ

السؤال الأخير ايه تقييمك لنفسك:

مقدرش أدى تقيم لنفسى ومحدش ليه الحق انه يقيمنى غير قرائى حتى انا مليش حق

حوار صحفي مع رُفيدة خالد

 الاسم: رفيده خالد حسن

السن: 16

المحافظة: بني سويف

الموهبة: كتابة خواطر وقصص وروايات واسكربتات وشعر فصحى وعامي والقاء الشعر والانشاد الديني

بدأتِ امتى؟ منذ حوالي 4شهور

اكتشفتِها ازي؟ بالصدفة في كتابة حياتي اليوميه

نوع الكتابة: جميع الانواع

مين دعمكِ؟ اهلي ومن ثم اصدقائي

إنجازاتك:كثيرا من الكتابات والجوائز والتعرف ع اصدقاء كاتبات بالنسبه لي انجاز ايضا

جزء من كتاباتك:وضع علي الجُرح مَلح ليزيد المي، لم يكفهِ نار الخيانة وامرارتها، اراد وضع الغاز علي النار لتذيد اشتعال، اراد ان يظل قلبي مشتعل، هل ذنبي انني احببته؟، ماذنبي اذ احبه قلبي، ارهقني الالم وشدة الوجع، اخشي النوم واخشي السهر، اخشي ان القاه في منامي، اخشي الليل والسهر يجمع زكرياتي معه كشريط سينما دون انقطاع، اينتقم من قلبا احبه بزيادة لهيبه، ايعاقب روحآ عشقته بضمارها

اهذا ختام الحب؟

لـ رفيده خالد 

الكتب الي اشتركتي فيها:كثيرا، واحد ورقي وعشر كتب الكتروني

اشتغلتي ليدر او مؤسسة قبل كده و في كيان ايه؟ لا

الكيانات الي كنتي فيها:كيان عمق و كيان بنان الفيولا وكيان قلب تألم وكيان عائلة بنت الازهر وكيان هاديس وكيان المستقبل وكيان غابة دنتيري وكيان وتد وكيان حروف الابداع وكيان حلم بسيط وكيان سجناء القلم وكثيرا من المبادرات

نفسك توصلي لأي في مجالك:القمة مقعدي

تعرضتِ لحاجة احبطتك قبل كدَ في مجالك:كثير

رسالة تحبي تقوليها لغيرك:قيم نفسك وافتخر بيها فهي احق بالفخر دا

ايه اول اعمالك وهل فخوره بيها وبطريقتها ولا لا سواء كان سرد أو حوار او حبكه:قصة حارس القلب وطبعا فخوره

استفادتي ايه من تجربتك:

حاجات كتير لا تعد وانا سعيدة بيها

اكتر عيوب فيك ك كاتب ونفسك تغيرها:مش لاقيه حاجه حاليا

السؤال الأخير ايه تقييمك لنفسك: انا فخورة جدا بنفسي بحب اصراري جدا.

حوار صحفي مع رحمة حسام

 الاسم: رحمة حسام الدين

السن: ١٦سنة

المحافظة: القاهرة

الموهبة: الكتابة، التصوير

بدأتِ امتى؟ 14/3/2021

اكتشفتِها ازي؟ كنت دايما بحب اكتب بالفصحي لما اكون زعلانة بس محدش كان بيشوف اللى بكتبه لحد ما في يوم صحبتي شافتتي بكتب وقراءة اللى بكتبه ووقتها شجعتني اني اطور من نفسي يمكن اكون حاجة في المستقبل.

نوع الكتابة: خواطر، نصوص، مقالات، إسكريبت، نوفيلا، حاليًا بدأت اتعلم بترتيب اكتب رواية.

مين دعمكِ؟ اهلي وصحابي.

إنجازاتك: بنشر في ٣ جرايد: جريدة إرتجال، والفكر العربي، جريدة روكان، خدت كورس تأهيل كتابة وخدت شهادة منه وكان في اختبار وفي تلات مراكز حصلت على المركز التاني، ولقب أفضل واصغر كاتبة في الكورس، في كتاب إلكتروني بيتجهز كامل ليا ولسه هينزل بعد فترة، مشتركة في كتابين ورقي هينزلوا في معرض الكتاب2021، ومشتركة في كتاب إلكتروني هينزل قريب "زفير الشوق"، كتبت اول مقال عن التدخين في جريدة الفكر العربي، وفي سيرة ذاتية عني وعن إنجازاتي لو حد كتب إسمي في "جوجل"،بشترك إسبوعيًا في مسابقات إرتجال وباخد مراكز دائمًا الحمدالله.

جزء من كتاباتك: 

نص بـ عنوان

"أحبك رغم فقدان طاقتي"

لم أعد أمتلك طاقة للتحدث كثيرًا، وطوال الوقت مثل السابق؛ أصبحت شخصيةً سيئة وحزينة لا يستطيع تحملي أحد؛ لذلك أقوم بالانسحاب شيئًا فشيء بطريقة غير مباشرة، أعتذر عن عدم إخبارك لماذا أصبحت شخصية انهزامية لهذه الدرجة، ولكن أنتَ تعلم إنني لا أجيد التعبير عن ما بداخلي،  وشرح أسباب حزني، أريد الاعتذار مرةً أخرى لك عن عدم اهتمامي برسائلك، وتأخري في الرد، وعدم إكمالي للحديث والصمت فجأة، أنت تعرف إنني لست ميالًا للتجاهل أبدًا، ولكنني حقًا قد فقدت كل طاقتي ومتعب قليلًا، اشتقت إلى حديثنا المتواصل، ومعرفة أخبار يومك، ولكن أنا مرهق من الكلام والحياة، وكل شيءٍ حولي، ظني الدائم بك أنك تعذرني على أفعالي هذه، وإن لم تعذرني؛ فأنا أعذرك لعدم عذرى، وإن لم تتحملني؛ فأرجو منك أن لا تهجرني، حقًا مازلتُ أحبك أكثر مما ترى مني، ولكن طاقتي تغدر بي.

"رحمة حسام الدين"

الكتب الي اشتركتي فيها: زفير الشوق، كتابي وهم الاقنعة، هذا ما تريده الحياة، الكتب الباقية لسه الاسم متحددش ولسه هينزلوا بعد كام شهر بإذن الله.

اشتغلتي ليدر او مؤسسة قبل كده و في كيان ايه؟ ليدر في كيان "بنت الازهر" مؤسسة كيان "أغاريد"  

الكيانات الي كنتي فيها: بنت الازهر، فانتازيا، نسمات الألم، اوديلا، نيلوفر، شجن، صمت مكلوم، مبادرة كاتب مشهور، إيفوريا، غسق، أنين الديجور، وكتير اويي.

نفسك توصلي لأي في مجالك: يكون ليا اكتر من كتاب، وأكون من اشهر الكُتاب ويكون عندي عدد كبير من الناس بتقراء ليا، في مجال التصوير عايزة اكون من أكبر الفوتوغرافي .

تعرضتِ لحاجة احبطتك قبل كدَ في مجالك: مش بالمعني الحرفي بس بيعدي عليا وقت اكون عايزة اعتزل وفقدة شغفي في الكتابة والتصوير وكل حاجة.

رسالة تحبي تقوليها لغيرك: أمشي وراء حلمك مهما كان صعب ومتاخدش بكلام الناس، ومتقارنش نفسك بحد علشان مش كلنا زي بعض.

ايه اول اعمالك وهل فخوره بيها وبطريقتها ولا لا سواء كان سرد أو حوار او حبكه: نص نثري، ايوا فخورة بيها جدا وبالنسبالي من اعظم نصوصي ودائمًا بحب انزلها لأنها أفضل حاجة كتبتها.

استفادتي ايه من تجربتك: الصبر، والمحاولة كتير وعدم اليأس، واني مهما كان سني ممكن اتفوق على ناس اكبر مني لو اجتهدت واشتغلت على نفسي، والالتزام بالمواعيد بالدقيقة والثانية، والنظام، والتدقيق والتركيز على حاجات مش لازم كل الناس شايفها وتكون نظرتي لأي حاجة غير الكل.

اكتر عيوب فيك ك كاتب ونفسك تغيرها: مش عارفة هي عيب ولالا بس اني بكتب في مود ضغط أو حزين بس يطلع حاجة عظمة هي حاجه بتضايقني بس بستفاد منها وهي اللى وصلتني لمكانتي دي.

السؤال الأخير ايه تقييمك لنفسك: اني في تقدم وأن شاء الله استمر فيه.

حوار صحفي مع الكاتب والشاعر احمد المهدي

 

الاسم : احمد المهدي 

السن : 21سنة 

المحافظة : المنيا مركز مغاغة 

الموهبة : الكتابة 

بدات امتا : منذ خمس سنوات 

نوع الكتابة : الكتابة بانواعها 

مين دعمك : القليل من الاصدقاء 

انجازاتك مقدرش اقول انجازات بل هي مجرد خطوات قليلة في الوصل الي الانجازات العظمة 

ومن ضمن الانجازات القليلة

شاركت في كتابالمليون كاتب وكتاب احرفنا تتحدث 

صاحب مبادرة هنختم مع بعض لحفظ القرآن الكريم. موسس كيان احرفنا تتحدث . كتبت العديد من المقالات في جريدة المصري اليوم 

اجريت الكثير من الحوارات معي في الكثير من الجرايد 

عشمان فيك يارب 

والعشم زايد حبتين 

تقلت ذنوبي فمش شايف 

فركعت بسجدتين 

الاولي ندمان وبتحسر 

والتانية طمعان ف الغفران 

رفعت ايدي بالدعاء

ونفسي متردنيش خسران 

لِ احمد المهدي

الكتب اللي اشتركت فيها : كتاب المليون كاتب و كتاب احرفنا تتحدث 

اشتغلت ليدر او مؤسس قبل كدا وفي كيان اي : اشتغل ليدر وموسس في كيان احرفنا تتحدث وايضا ليدر لفترة قصرة في طفرة 

الكيانت اللي كنت فيها: لا حصر لها ساكتفي بذكر احرفنا تتحدث و طفرة

نفسك توصل لاي ف مجالك :نفسي اوصل لنهاية غير متوقعة في هذا المجال 

تعرضت لاكتر من مرة للاحباط واكثر من مرة يكون المحبط من اقرب الناس لي 

رسالة احب اقولها لكل انسان اوع تفرط في حلمك ابدا 

اعمالي كثيرة وكلها فخور بيها 

استفادت اي من تجربتك: استفت كتير جدا الخلاصة اسعي هتوصل 

اي اكتر عيوب فيك :اكتر عيوب فيا قليل الصبر يفقد روح النقاش الطويل عدم حب الاخطلاط كثيرا بالناس 

السوال الاخير اي تقيمك لنفسك 

اكيد مش هقول ١٠ من ١٠ ولا الكلام دا اكيد انا هترك اجابة السوال دا لكل شخص يعرفني  او مجرد قراء الحوار بتاعي 💜

حوار صحفي مع ولاء محمد

 الاسم: 

ولاء محمد رياض عبد الحميد

السن: 

18 سنة ونص🙂

المحافظة: 

القاهرة 

الموهبة: 

الرسم،التأليف،الكتابة♡ 

بدأتِ امتى؟ 

بما إن الحوار عن الكتابة ، فأنا بدأت كتابة مع أول قصة ألفتها وأنا ف ابتدائي 

اكتشفتِها ازي؟ 

ماما♡ كانت دايما تقولي ان عندي موهبة حلوة ولازم أنميها لما أكبر بالذات ان هي إللى مأسساني فى المواد كلها وهي إللى كانت بتدرسلي فكانت بتشوف مواهبي فى كتابة التعبير وكتابة البراجراف فى الانجلش، وبدأت تظهر أكتر لما كنت بذاكر دراسات وانا اصلا مبحبهاش! فألفت أغنية على لحن أغنية فركة كعب على جلدة الكتاب من ورا😹

نوع الكتابة:

ثقافية ، رومانسية ، دينية ، فصحى ، مصرية ..إلخ

مين دعمكِ؟ 

دايما ماما كانت الداعم الأول ليا♡ وبعدين بابا ♡ وبعد كده اخواتي ♡واكيد اكيد صحباتي القمر♡ 

إنجازاتك:

اسكريبتات ، أشعار ، خواطر ، كلمات ، وقريبا بإذن الله أول رواية وأول كتاب

جزء من كتاباتك:

مَمَرٌّ طَوِيلٌ أَمَامِي 

عَلَيّ اجْتِيَازُهُ لِتَحْقِيقِ أَحْلَامِي

لَمْ يَكُنْ هَذِا بِالْعَسِيرِ

فَاجْتِيَازُهُ لَنْ يَأْخُذَ الْكَثِيرِ 

ثُمَّ اِسْتَيْقَظْتُ عَلَى آَلَامِي 

مَا كَانَ ذَلِكَ إِلَّا وَحْيٌ فِى مَنَامِي 

لَا يَزَالُ هُنَالِكَ الْكَثِيرُ أَمَامِي 

لِأَصِلَ إِلَى مُبْتَغَايَ وَأُحَقِّقَ أَحْلَامِي

الْيأْسُ لَا أَعْرِفُهُ ، طَرِيقُ الْأمَلِ أَسْلُكُهُ 

يَكْفِينِي أَنَّ اللهَ مَعِي 

فَلِكُلِّ أَصْحَابِ الْأَقْوَالِ لَا الْأفْعَالِ 

إِلَيْكُم مِنِّي سَلَامِي

الكتب الي اشتركتي فيها:

لسة مشتركتش فى كتب♡ 

اشتغلتي ليدر او مؤسسة قبل كده و في كيان ايه؟ 

كنت ليدر الفصل فى المدرسة😹 أسست أفكار ومبادئ صح عند ناس كتير مش كفاية؟! 🙂 

الكيانات الي كنتي فيها:

كيان حلم كاتب♡ كيان حواديت♡ كيان قادة المستقبل♡ وغيرهم كتير ♡ 

نفسك توصلي لأي في مجالك:

حجات كتير اهمهم اني نفسي أوصل لمرحلة أي حد بمعني أي حد يجيب سيرتي تلقائي الرسمة تعرف طريقها لوجهه، ويدعيلي كتير، أكون معروفة بالخير ،ومأثرة فى نفوس ناس كتير بالخير ، يحبوني لشخصيتي الأصلية والكتابية، عاوزة عيلتي تفخر بيا ، نفسي أبقى قدوة صالحة وأهم حاجة أكون فخر لديني ثم بلدي♡ 

تعرضتِ لحاجة احبطتك قبل كدَ في مجالك:

اكيد طبعا وكتير ، ومش هكدب ..أحيانا كتير كنت بتأثر بيها ، بس ثقتي بربي وثقة أهلي فيا وثقتي فى نفسي "المهتزة ف أحيان كتير" كانت بترجعني للطريق تاني♡ 

رسالة تحبي تقوليها لغيرك:

باختصار ..السعادة والقرب من ربنا فى علاقة طردية كل ما نقرب كل ما السعادة تزيد والعكس صحيح ، وصدقوني الرضا والصبر من أهم الحجات اللى بتتبني عليها الحياة ، ومع الأسف ناس كتير نسيت الحاجتين دول

ايه اول اعمالك وهل فخوره بيها وبطريقتها ولا لا سواء كان سرد أو حوار او حبكه:

أول أعمالي كانت رواية الغموض "حياة إيزابيل" وطبعا فخورة بيها جدا جدا جدا، مع إني منشرتهاش لإني كنت صغيرة ف ابتدائي تقريبا ، وكان أي حد من عيلتي او صحباتي يعرف ان انا إللى كاتباها يتصدم ازاي واحدة فى سني قدرت تكتب دى! ماما دايما كانت بترقيني♡ ولكن الأصل ان الحكاية كلها توفيق من ربنا♡ 

استفادتي ايه من تجربتك:

حاجة بسيطة خااالص بس معناها كبير للي يفهم .. "اللى يحبب الناس في ربنا ، ربنا بيحبب الناس فيه♡" 

اكتر عيوب فيك ك كاتب ونفسك تغيرها:

الحمدلله مش شايفة فيا عيوب "ككاتبة" من خلال آراء الناس فيا طبعا وكلامهم معايا 

السؤال الأخير ايه تقييمك لنفسك: 

لا دى أسيبها ليكوا وللى بيقرأوا♡